Skoðanakönnun, um næsta landsliðsþjáfara í knattspyrnu karla

Var að hugsa um að setja upp skoðanakönnun. Hverjir telja að Ólafur Jóhannesson verði áfram þjálfari Íslenska landsliðsins í knattspyrnu. Svo hætti ég strax við. Það heldur enginn að Ólafur verði næsti landsliðsþjálfari. Ólafur er búinn með sinn tíma, sem hann fékk og hann notaði tímann ílla. Tölfræðin segir að hann er að ná einum lakasta árangri sem náðst hefur.

Það er enginn sem spyr, hvort þjálfarinn sé góður þjálfari eða slakur. Það er ekki á spurningalistanum. Það er spurt, hefur hann náð árangri eða ekki? Því hefur verið svarað og þá kemur bara næsta spurning. Hver tekur við?

Að mínu mati þarf að leggja áherslu á þýsku aðferðina. Þ.e. öflugt teymi. Það þýðir 3-6 menn. Einn aðalþjálfari með teymi. Að mínu mati getur sá alveg verið íslenskur. Við eigum til innlenda þjálfara sem gætu náð árangri, en við þurfum breytta hugsun og vinnubrögð. Við sjáum þau að hluta hjá kvennalandsliðinu í fótbolta, en það er hægt að fara lengra. Stefna hærra. 

Ísland fyrir neðan Færeyjar á FIFA listanum

Athugasemdir

[Jón Atli Kristjánsson, 30.6.2011 kl. 11:53]

Ég mæli með þér.  Til vara vil ég fá öfluga konu í þetta starf, sé marga kosti við það.  Það þarf einhverja nýja hugsun í þetta allt.  Í dag eru allir okkar bestu menn atvinnumenn, ekki áhugamenn eins og var. Efniviðurinn er til staðar.  Við verðum líka að hætta þessari uppskrúfaða fjölmiðlafári í kringum þessa stráka. Mér finnst ég alltaf brotlenda í væntingum mínum til karlalandsliðsins og sá öll sömu einkenni hjá 21 árs strákunum.  Nýt þess að horfa á fótbolta, en eins of fótbolti er spilaður á jörðinni, verða væntingarnar að vera þar líka.

[Dexter Morgan, 30.6.2011 kl. 14:16]

Ég kvíði þeim degi, þegar og ef, Ólafur Jóhannesson fær okkar unga og efnilega lið U-21 í hendurnar. Hann á eftir að klúðra því BIGTIME. Ólafur er lúser og hefur alltaf verið. Hvað hefur hann unnið til margra verðlauna á íslandi ?

Það sem þarf núna, ekki síðst til að knésetja KSÍ-klíkuna og þá spillingu og leiðindi sem þar eru í gangi, er ERLENDUR þjálfari, reyndur erlendur þjálfari, sem stýrir væntanlegu landsliði eftir sínu eigin höfði. En KSÍklíkan er sennilega alfarið á móti því að fá inn sjálfstæða hugsun og gerðir hjá sér. Þá munu þeir ekki lengur geta vílað og dílað með þessi mál.

Þjóðin á heimtingu á því að vel verði hugsað um framtíðina, án þjóðarinnar verður ekkert landslið til.

[Sigurður Þorsteinsson, 30.6.2011 kl. 18:54]

Jón Atli. Í gegnum tíðina hef ég hitt mjög margt gott fólk sem, hefur mikið vit á fótbotbolta nánast án þess að hafa spilað hann eða þjálfað. Hins vegar hef ég bæði lesið og heyrt í mörgum ,,sérfræðingum" sem eru algjörlega tómir á þessu sviði. Ég ætla að ræða við konuna í kvöld, þegar ég kem uppí og ræða þetta mál mjög varlega. E.t.v. hefur hún lausnina

Dexter nú hef ég meira álit á Ólafi en þú. Hann náði athyglisverðum árangri. Hins vegar er ég ekki ánægður með árangur hans með landsliðið og langt því frá. 

Stjórn KSÍ finnst mér vera á réttri leið, greip t.d. inn í samskipti landsliðsþjálfara og 21 árs þjálfara. Mér finnst fyrst og fremst reyna á stjórn KSÍ nú og ætla að dæma hana af þeim verkum.