Röng ríkisstjórn, með ranga umsókn um inngöngu í ESB, á röngum tíma.

Á árunum 2005-2007 var vaxandi fylgi fyrir því að kanna hvað innganga í ESB hefði í för með sér fyrir íslenska þjóð. Íslensk króna með óagaða stjórnmálamenn, þýddu sveiflur á gengi krónunnar sem kom atvinnulífinu mjög illa. Sveiflur á gengi krónunnar var líka slæm fyrir verðvitund almennings og þar emð lífskjör. Af þessum sökum voru margir sem vildu skoða aðra galdmiðla. Evran kom fyrst upp í hugann, þar sem við eigum mikil viðskipti við löndin ESB. Það að festa sig við Evruna er hins vegar oft trúaratriði, því aðrar myntir gætu komið til greina eins og norska krónan.

Stuðningurinn við könnunarviðræður var um 70% fyrir hrun. Ef spurt hefði verið um formlega aðildarumsókn hefði fylgið án nokkurs vafa verið miklu minna. Aðeins einn stjórnmálaflokkur var með það á dagskránni að sækja um aðild að ESB, en það er Samfylkingin. Það er í raun mjög ólýðræðislegt að kanna ekki hvað aðild að  ESB þýðir með vilja 70% þjóðarinnar á bak við sig. Eftir hrun var einnig hrun í þeim hópi sem vildi viðræður við ESB. Nú eru um 70% á móti aðildarviðræðum. Meira að segja hörðustu spekingar ESB aðildar viðurkenna að þessi staða er afkáranleg. 

Það er flestum ljóst, að aðild verður ekki samþykkt, nema Íslandingar haldi fullum umráðum yfir fiskstofnum sínum og að ásættanleg markmið náist fyrir íslenskan landbúnað. Til þess að þetta megi verða verður ESB að breyta fiskveiðistefnu sinni. 

Hrunið á Íslandi veikir einnig stöðu okkar gagnvart ESB. Það er ekki mikill vilji til þess að taka inn enn eitt vandamálalandið í sambandið. 

Þegar við þetta bætist að það hriktir í stoðum ESB. Grikkland, Ítalía, Spánn, Portúgal og Írland eiga í miklum erfiðleikum, er ekki líklegt að ESB verði sérstaklega sveigjanleg gagnvart Íslandi. ESB á við nóg vandamál að stríða. 

Það er því ekki góður tími fyrir Ísland að sækja um aðild að ESB í dag, umsóknin nýtur ekki stuðnings þjóðarinnar né Alþingis. Ríkistjórn VG og Samfylkingar er því röng ríkisstjórn, með ranga umsókn á röngum íma. 

S&P lækkar Bandaríkin í AA+

Athugasemdir

[Gunnlaugur I., 6.8.2011 kl. 16:20]

Sæll sigurður.

Þetta er að flestu leyti alveg rétt hjá þér.

Þó ekki að því leyti að þú gefur undir fótinn með það að ESB aðild yrði samþykkt hér ef mjög góðir samningar næðust í sjávarútvegs- og landbúnaðarmálum.

Þetta gefa líika æstustu ESB sinnar stöðugt til kynna að ef góður samningur náist um sjávarútvegsmálin þá sé ESB málið einfaldlega í höfn, því að allt annað sé nánast fullkomið hjá þeim.

Þetta er ekkert annað en draumkennd óskhyggja og eða lævís áróður !

Þó svo ólíkindarlega vildi til að þeir samningar yrðu "góðir" þá er bara svo margt annað sem okkur myndi stafa hætta af og þjóðin myndi aldrei sætta sig við minna lýðræði og frekara fullveldisafsal.

Einnig viljum við ekki verða partur af einhverju stórríki, sem allt stefnir í eins konar United States of Europe, þar sem við hefðum lítil sem enginn áhrif, en yrðum að sitja og standa eins og þessum gerræðis commísaraherrum sem ráða þessu bandalagi sýndist.

[Sigurður Þorsteinsson, 6.8.2011 kl. 22:40]

Sæll Gunnlaugur. Eins og við vitum þá var ESB stofnað fyrst og fremst sem friðarbandalag. Ítrekað hafa aðilar eins og Uffe Elleman-Jensen bent okkur á þetta. Ekki að við færum inn vegna þess að við höfum af því efnahagslegan ávinning. Það séu falsrök. ESB sinnar heyra þetta ekki og vilja ekki heyra. Þegar umræðurnar voru hvað mestar á árunum 2005-2007 var það Evran og efnahagslegur ávinningur og mótrökin voru sjávarútvegsmálin og landbúnaðarmálin.

Þú hefur lög að mæla að hér nefni ég ekki mikilvæga þætti eins og vaxandi kröfu um sambandsríki og stóraukið samþjappað vald. Með því gerist ég sjálfsagt sekur um að taka undir lævísan áróður.   Þetta mál er svo kolfallið af svö mörgum ástæðum. Innan samfylkingarinnar heyrist að þegar þetta ESB mál er út af borðinu, liðist Samfylkingin í frumeindir sínar. Alþýðubandalagsarmurinn gangi í VG, nýr Kvennalisti verði stofnaður og gamli Alþýðuflokkurinn gangi inn í Hreyfinguna rétt áður en hún gufar upp. 

Þakkir fyrir ábendinguna, hún er réttmæt. 

[Gunnlaugur I., 7.8.2011 kl. 10:57]

Sæll Sigurður og takk fyrir gott svar, það er gott að þú skilur hvað ég er að fara.

Ég veit að við erum báðir andstæðingar ESB aðildar Íslands.

Ég hef nú undanfarin 5 ár búið í ESB löndunum Bretlandi fyrstu 2 árin og nú á Suður Spáni s.l. 3 ár, þannig að ég sé þetta kannski svolítið öðruvísi en margur landinn.

Fyrir mér er ESB stjórnsýsluapparatið sem slíkt algerlega mislukkað, nánast lítið skárra en Sovétríkin sálugu og gætu hæglega þróast í að verða einskonar eftirmynd þeirra, þó með eithvað öðru sniði, því að tímarnir eru aðrir.

ESB væri allt í lagi sem laus tengdur klúbbur eins og þetta var í upphafi, þar sem áherslan væri á frjáls viðskipti og frjáls ferðalög og búsetu. Síðan að rækta frið og eindrægni milli þjóða, þar sem lögð væri áhersla á að bera virðingu fyrir hvor öðrum siðum þeirra og menningu.

En þessi eilífa árátta þessa kerfis að stefna að stöðlun allra þátta og útfletja menningu ríkjanna með einhverja leyndar samruna áætlunum um eitt sambandsríki er uthopia þessarar sjálfs upphöfnu Brussel Elítu !

Til þess að ná þessum markmiðum sínum þá þenur hin Brusselska sérfræðinga- og valdastétt sig ávallt meira og meira út og taka til sín sífellt meiri og meiri völd á kostnað einstakra þjóðríkja og lýðræðis þeirra er algerlega dæmd til að mistakast og hún er líka að mistakast.

Þessum hlutum þurfum við að vekja miklu meiri athygli á og nota í því áróðursstríði sem nú er hafið við að verja fullveldi og sjálfsstæði landsins okkar og forða því frá að renna inní þetta dauðadæmda svarthol ESB !