Stóra ákvörðunin hjá KSÍ!

Ísland gæti átt möguleika á móti Noregi í leiknum í kvöld. Drillo lætur spila mjög einfaldan bolta. Knettinum er spyrnt fram í eins fáum sendingum og möguleiki er á. Kick and run, er ekki taktík Englands, heldur Noregs. Nú er það svo að svo að við ákveðnar aðstæður geta komið upp skemmtilegir kaflar við þessa leikaðferð og Noregi hefur ekki gengið illa undir stjórn Drillós. Hérlendis eigum við okkar Drillo, en það er Bjarni Jóhannsson. Árangur Stjörnunnar er sannarlega athyglisverður í ár.

Hér á síðunni var skoðanakönnun um næsta landsliðsþjálfara og niðurstaðan var sú að Guðjón Þórðarson nýtur mestar hylli, næst kemur Sigurður Ragnar Eyjólfsson, þá Eyjólfur Sverrisson og Willum Þórsson og loks koma þeir Ólafur Kristjánsson og Kristján Guðmundsson sem reyndar ekki fékk atkvæði. 

Ég hef fengið ábendingu um að á þennan lista hafi vantað þá Heimi Hallgrímsson, Bjarna Jóannsson, Teit Þórðarson og Pál Gíslason.  Alveg réttmæt ábending.

 Allt eru þetta innlendir þjálfarar og allir gætu þeir komið til greina. 

 Í vikunni kom síðan viðtal við Bjarna Jóhannsson þjálfara Stjörnunnar. Hann telur að umgjörðin um íslenska landsliðið sér helsta ástæða fyrir slæmu gengi. ,,Tengslin milli KSÍ og stjóru félaganna eru sterk, og starfsfólkið í kringum landsliðið er alltof tengt félögunum". Hér talar fyrrum aðstoðarlandsliðsþjálfari og það er full ástæða fyrir alla aðila að hlusta nú vel. 

í úrvarpsþætti nýlega voru landsliðsmálin rædd og þá kom fram sama tillaga að ráða erlendan þjálfara og þá tekið dæmi, að finna mann eins og Johan Cruyff sem væri höfundur af svokölluðum heildarfótbolta eða Total fotball. Johan Cruyff spilaði m.a. í liði Hollands sem fékk silfur 1974 og er talið verið eitt af bestu landsliðum allra tíma. Þjálfari þá var Rinus Michels sem einnig ranglega er talinn höfundur heildarboltans, en sá bolti er meira sprottinn upp í félaginu Ajax sem stefnumótun. Auðvitað hafði Michels áhrif þar á.

Staða KSÍ nú er afleit hvað varðar A landslið karla. Góður árangur hefur hins vegar náðst í kvennalandsliðinu, U21 liði karla, drengjalandsliði og landsliði stúlkna. Það bendir til þess að KSÍ sé í talsverðri sókn. Að KSÍ sé tilbúið að búa til stefnu, sem síðan þjálfarar séu ráðnir í. Það að ráða einhvern þjálfara sem eigi að ráða þessu öllu er tímaskekkja. Einhvern Roy Rogers. Þannig eru fremstu lið heims ekki rekin í dag og heldur ekki bestu landsliðin. Vinnubrögðin eru teymisvinna þó einn þjálfari leiði þjálfarateymið. Fótboltinn þarf ekki annað en að líta til þeirra vinnubragða sem Alfreð Gíslason innleiddi í handboltann og sem síðan síðar hélt áfram og skilaði handboltanum silfri á Ólympíuleikunum  í Peking. Við þurfum nýja hugsun, ekki þorpshugsun, heldur víðsýna sýn á framtíðina. Ef þjálfari er ráðinn án stefnu mun okkur ekki miða mikið áfram á komandi árum.   

Mikið sjálfstraust í norska liðinu

Athugasemdir

[Jón Atli Kristjánsson, 2.9.2011 kl. 16:27]

Ágæti félagi.  Leikurinn er á morgun, þýðir lítað að fara á völlinn í kvöld.  A landslið okkar hefur verið það ég man vonbrigði. Það þarf sannarlega vitrari mann enn mig til að greina vandann. Málið verður flóknara þar sem allir okkar menn, eða flestir, eru atvinnumenn. Hér áður og fyrr, voru okkar menn flestir áhugamenn, að spila við atvinnumenn.

Er það mögulegt að við séu einfaldlega í 100 sæti eða svo. Munum tapa flestum leikjum í venjulegum degi og eigum að reyna að hafa gaman af þessu. Á næstu árum ætti það að vera markmið að hækka sig á listanum 50. sæti er það ekki raunsætt. Það sem er best við landsliðið er að við fáum að sjá, góð lið spila á Íslandi. Ekki dónalegt það.  Ég vil fækka atvinnumönnum í liðinu, alltaf séu a.m.k. 5 leikmenn úr úrvalsdeildinni í landsliðinu.

Tökum pressuna af landsliðinu, látum okkar menn " spila með hjartanu "  Fótbolti, er íþrótt sem ég dái. Íþróttin er að verða fangi stjóra sem vilja vinna. Fótbolti þarf að vera skemmtilegur á að horfa, til hvers er þetta annars.  Að lokum legg ég til að þú verðir næsti landsliðsþjálfari !!