Steingrímur og Álfheiður sæti ákæru.

Nú í ljósi þess að þau Stengrímur og Álfheiður hafa stigið fram og viðurkennt að hafa verið í símsambandi við mótmælendur er full ástæða til þess að gefa strax út ákæru á þau hjúin. Þau geta síðan reynt að verja sig. Það var ekki þeim Steingrími og Álfheiði að þakka að lögreglunni tókst að hrinda áhlaupinu á Alþingi. Hvað ef það hefði ekki tekist? Það er ekki minnst á þá sem slösuðust í þessum átökum. Það er ekki aðeins núna sem þau skötuhjú, hafa verið ásökuð um að hafa reynt að koma að stjórn hettustrákana, sem fóru fram með hvað mestu ofbeldi við Alþingingishúsið. Strákarnir sem ganga nú manna á milli undir nafninu ,,synir Steingríms".

Örvingluð kona er sögð hafa varið á milli lögreglustöðva og krafist þess að fá að vita hvort hún væri til rannsóknar. Svo vill hún að málinu sé lokið. Svo er alls ekki. Var það ekki þessi sama kona sem aðspurð um þáttöku sína í þessari aðför, að tilgangurinn helgaði meðalið. Þessi orðrómur um yfirgengilega framgögnu Álfhildar kom úr sjálfu Alþingishúsinu. Byltingarkerlingin var hún nefnd. Dómsvaldið er ekki í hennar höndum.

Það þarf að gefa út ákæru strax, þau grunuðu hafa gefið sig fram. 

Álfheiður segir málinu lokið

Athugasemdir

[Ingibjörg Guðrún Magnúsdóttir, 28.2.2012 kl. 11:07]

Já það er með ólíkindum hvernig þau stigu fram við frétt um hugsanlega rannsókn...

Þau voru ekki einu sinni nefnd á nafn en eins og þú segir þá sáu þau sjálf um að nafngreina sig viðurkenna þátt sinn í þessu og það á ekki að líðast með hliðsjón af því að þau voru búinn að neita...

[Sigurður Þorsteinsson, 28.2.2012 kl. 11:34]

Ingibjörg það kom mörgum á óvart, en framganga þeirra og þá sérstaklega Álfheiðar gekk að sögn  fram af mörgum sem í Alþingishúsinu voru. Þá var hins vegar ekki jarðvegur til þess að taka á málinu. Þegar Álfheiður var spurð um framgögnu sína, var ljóst að hún taldi tilganginn helga meðalið.

Nú, þegar æsingurinn er hjaðnaður, er full ástæða til þess að fara fram á rannsókn og draga viðkomandi fyrir dóm eftir niðurstöðu. 

Bæði Álfheiður og Steingrímur hafa tekið þessu máli skelfingu lostin. Það er ekki þeirra að ákveða næstu skref. 

[Hjálmtýr V Heiðdal, 28.2.2012 kl. 13:26]

„fara fram á rannsókn og draga viðkomandi fyrir dóm eftir niðurstöðu.“ Það eru einhver óhreinindi í kolli þínum Sigurður. Þú getur ekki sagt fyrir um niðurstöðuna, þú ert bara að bulla í óskalandi þinna eigin skoðana.

[Sigurður Þorsteinsson, 28.2.2012 kl. 14:12]

Týri, er nú ESB pestin að taka alveg yfir heilsuna hjá þér. Prófaðu að lesa þetta afar hægt og þá gæti skilningurinn komið með endurteknum lestri. Ef allt þrýtur leitaðu til  einshvers sem er með þokkalega skýra hugsun og biddu hann um hjálp.

[Hjálmtýr V Heiðdal, 28.2.2012 kl. 15:20]

ESB pestin er heilbrigðismerki.

[Óskar Helgi Helgason (IP-tala skráð) 28.2.2012 kl. 15:33]

Sæll Sigurður; sem og aðrir gestir, þínir !

Burt séð; frá umfjöllunarefninu.

Hjálmtýr V Heiðdal !

ESB; er 2. duglegasti attaníossi Bandarísku Heimsvaldasinnanna, í glæpa verkum þeirra, um víða veröld, einungis; Saudi- Arabía, er þar skrefinu framar.

Ertu ekki; stoltur af félagsskapnum, kvikmyndajöfur góður ?

Allt til þessa; hugði ég þig vera, stærri í sniðum, en þetta, Hjálmtýr minn.

En; sem oftar - með beztu kveðjum, úr Árnesþingi /  

[Marteinn Sigurþór Arilíusson, 28.2.2012 kl. 18:46]

Mér finnst Ingibjörg alveg vera með þetta.Það nefndi enginn SJS og ÁI á nafn en samt tóku þau þetta til sín sem segir að eitthvað hafa þau að fela.Og SJS er ekki hægt að trúa því annar eins lygari hefur EKKI gengið um sali alþingis.

[Ómar Ragnarsson, 28.2.2012 kl. 19:27]

Ég var í hópi þeirra sem fóru að Alþingishúsinu bakatil inn í sund á milli glerveggjar og steinveggjar. Ég tók kvikmyndir þarna inni í hópnum og fór því dálítið um inni í honum.

Ekki varð ég var við hettustráka eða þau unglingabörn tveggja þingmanna sem nú er rætt um að hafi stjórnað okkur sem þarna voru, hvorki þegar hópurinn þrengdi nokkuð að hópi sérsveitarmanna, sem höfðu króast af innst í sundinu, né heldur þegar hópurinn dró sig til baka til að verða við tilmælum þeirra um að létta á þrýstingnum.

Ég sá engan þarna með farsíma né hegða sér þannig að ætla mætti að honum væri fjarstýrt, né héldur varð ég var við slíkt á neinum þeirra mörgu mótmælafunda og mótmælaaðgerða sem ég sótti.

Sérsveitarmennirnir ruddust út og úðuðu gasi í allar áttir á furðulegu augnabliki, eftir að hópurinn hafði fært sig til baka, og þá fór allt í bál og brand.

Ásakanir um að þingmenn inni í þinghúsinu hafi stjórnað okkur og þúsundir annarra mótmælenda snerta ekki aðeins nafngreinda þingmenn, heldur okkur, sem nú er haldið fram að hafi verið stjórnað innan úr þinghúsinu.

Og hvernig í ósköpunum tvö símtöl áhyggjufullra foreldra í þinghúsinu til barna sinna utanhúss eigi að hafa stjórnað þúsundunum utan þinghússins er mér hulin ráðgáta.  

Hvernig í ósköpunum hægt er að finna slíkt út á ég erfitt með að skilja.

[Marteinn Sigurþór Arilíusson, 28.2.2012 kl. 21:56]

Ómar hver nafngreindi þingmenn?

[Sigurður Þorsteinsson, 28.2.2012 kl. 22:56]

Ómar þessi lýsing þín minnir mig á blindu mennina og fílinn. Þeir lýstu fílnum eins og þeir sáu hann. Sú upplifun  var sú eina rétta.

Svo vill nú til að ég var á staðnum líka, og sá hlutina í örlítið öðru ljósi. Ég sá mjög mis árásargjarna einstaklinga. Ég hafði líka komið fram  hjá skrifstofum VG Suðurgötu 3 og varð vitni að þeim hópi sem þar var.  Með í för voru einnig tveir af vinum mínum, annar þeirra átti son sem hann hafði áhyggjur af, sá var í órólegum hóp sem gæti flokkast undir vinstri eða anarkista. Þannig sáum við e.t.v. aðra þætti en þú og Hörður Torfason. 

Hörður Torfason stýrði fundum á Austurvelli, en hann stjórnaði ekki fólkinu nema að ákveðnu marki. Enda fordæmdi hann þann hóp sem huldi andlit sín og beitti ofbeldi. Nú stjórnaði hann öllu. Sennilega eitthvert guðlegt vald!

Ómar og þú varst með kvikmyndavélina og sást allt.  Heyrðir líka allt. Sennilega með sömu guðlegu tenginguna og Hörður Torfa. Alþingismenn sem voru inn í Alþingishúsinu og sáu líka og heyrðu í ákveðnum þingmönnum, heyrðu ekkert og sáu ekkert því andi Ómars Ragnarssonar var innandyra og vissi betur en þeri. 

Þeir sem hafa haldið því fram að hluta af mótmælunum hafi verið stýrt, hafa aldrei haldið því fram að þúsundum hafi verið stýrt. Heldur litlum öfgahóp. Meintir gerendur meðal Alþingismanna hafa tveir komið fram í sviðsljósið. 

Er þá ekki full ástæða til þess að rannsaka þetta mál? Hefur þú Ómar persónulega á móti því? 

Ég sá viðbrögð lögreglu og í megnið af þeim tilfellum sém ég sá, stóð lögreglan sig til mikillar sóma, þar á meðal Geir Jón, sem mér skilst að nú sé kominn á lista vonda fólksins sem verður að taka niður. 

[Hilmar Hafsteinsson (IP-tala skráð) 29.2.2012 kl. 02:27]

(Sigurður Þorsteinsson, 28.2.2012 kl. 22:56: Hvað gengur þér eiginlega til Sigurður? Ertu að kóa skítadreifarann Geir Jón í þessu vesæla máli? FLokkstitturinn og frambjóðandinn Geir Jón slær um sig með hálfkveðnum vísum á Sprengisandi (þeim Sprenghlægilega ekkipólitískafréttaþætti Baugstíðinda) og þú færð hland fyrir hjartað. Fellur fram og tilbiður ofurskurðgoðið Geir Jón, stórustu löggu Íslands, og lepur upp ruglið í honum? Rugl sem hann er nú á harðahlaupum sjálfur að tóna niður, enda hefur lögreglustjórinn í Reykjavík staðfest það opinberlega að ekkert er hæft í orðrómi um meinta "byltingarstýringu" nafngreindra þingmanna - sem þú virðist ætla að taka af lífi án dóms og laga fyrir að ganga með farsíma í vasanum!

Hversu langt ætlar þú eiginlega að ganga í ruglinu og heilaspunanum Sigurður? Ert þú e.t.v. blindrahundurinn í dæmisögunni þinni?

Þetta ámátlega útburðarvæl wannabe vara-vara-vara-vara Vafnings FLokksins er smjörklípa a-la DO til að beina sjónum landsmanna frá Landsdómsmálinu. Þar fer nafni Geirs Jóns (og Geira í Goldfinger) fyrir rétt þar sem sakarefnið er glæpsamleg pólitísk vanræksla. Toppaðu það Geirfuglinn þinn.

[Sigurður Þorsteinsson, 29.2.2012 kl. 07:34]

Það er ekki hægt að kvarta yfir því að Hilmar Þór Hafsteinsson sendi ekki mynd af sjálfum sér með blogginu. Framlagið kemur ekki á óvart miðað við sauðsvipinn. Einn punkt vil ég þó taka úr suðunni. Álfheiður Ingadóttir leitaði að sögn til Lögreglustjórans í Reykjavík og hann tjáði henni að engin rannsókn væri í gangi. Álfhildur grét af gleði og dansaði um allt Alþingi. Fór síðan upp í ræðu stólinn og kallaði ,,Það er búið að sýkna mig, það er búið að  sýkna mig" Óttinn að  vera send inn eða fá band um fótinn var búið að heltaka hana. Það þýddi ekkert fyrir félaga hennar á þingi að benda henni á að það að engin rannsókn hefur farið fram þýðir ekki sýknu.

Vonandi hefur einhver komið Hilmari Þór Hafsteinssyni í rúmið, hann þarf aðhlynningu þessa daganna. 

[Hilmar Hafsteinsson (IP-tala skráð) 29.2.2012 kl. 13:16]

Sigurður Þorsteinsson, 29.2.2012 kl. 07:34: Siggi blöðruselur er fastur í eigin leðju þessa dagana, venju samkvæmt. Kappinn kóar með stórustu löggu Íslands, FLokkstittinum og FLokksframbjóðandanum Geir Jóni. Nú er sannarlega sungið "Áfram kristmenn, krossmenn" á heimili Sigga Steina.

Og hver er glæpurinn? Þingmenn sáust gjörla á göngum Alþingis 20. janúar 2009 með farsíma. Og sjá, þeir víluðu ekki fyrir sér að draga farsímana upp úr vasanum og tala í þá!

Þú ert ekki bara kexruglaður Siggi minn, þú ert hættulegur sjálfum þér í kexinu. Hvar eru sannanirnar Siggi minn? Fáðu vin þinn og reglubróður, besta við Geira Landráðs og Geira Goldfinger, til að birta þær. Meðan engar sannanir liggja fyrir er þessi aumi forarpyttur ykkar uppdiktuð lygi og FLokksspuni, sem reyndar má rekja í beinan ófreskjulegg frá Birni Bjarnasyni, þeim eðla skímslapabba og skítadreifara.

Taktu þér varanlegt frí frá sjálfum þér Siggi minn.

[Óskar Helgi Helgason (IP-tala skráð) 29.2.2012 kl. 13:37]

Komið þið sæl; að nýju !

Hilmar Þór Hafsteinsson; ágætur frændi minn  !

Þó svo; Sigurður síðuhafi kjósi, að svara þér fullum hálsi, skaltu biðja hann afsökunar, á Blöðrusels nafnbótinni - hæfir ekki; okkur Gamla Hrauns mönnum, að sproksetja viðmælendur okkar, á þann máta, þó svo hiti nokkur, hafi færst, í umræðuna.

Hins vegar; tek ég undir þitt sjónarmið - sem margra annarra, að lítið hafi lagst fyrir Geir Jón Þórisson, að sverjast í fóstbræðralag þess flokks, sem höfuðábyrgðina ber á, hversu illa er komið Íslands högum, til áratuga - sem alda; jafnvel.

En; gleymum ekki samsekt, hinna flokka skriflanna 3a, í þeim Myrku verkum, Hilmar minn; öngvu, að síður.

Með; sízt lakari kveðjum - en þeim fyrri / 

[Hilmar Hafsteinsson (IP-tala skráð) 29.2.2012 kl. 18:34]

Óskar Helgi Helgason, 29.2.2012 kl. 13:37: Satt segir þú ævinlega kæri frændi. Ég get svo sem beðið kvikindið afsökunar á blöðruselsnafnbótinni, en þú verður samt að viðurkenna að Sigurður Þorsteinsson er sannarlega afkomandi sjávardýra.