Skildi Ómar Ragnarsson vita af þessu?

Landvernd og Fuglavernd sendu skrifstofu Ramsar-samningsins erindi þar sem farið er fram á að samningurinn rannsaki möguleg áhrif 45-90 MW jarðvarmavirkjunar Landsvirkjunar í Bjarnarflagi á lífríki Mývatns. Það hefur tekið Umhverfisstofn 6 mánuði að svara erindi Ramsar sem barst í október s.l. Auðvitað hefði það verið afar vandræðalegt fyrir núverandi ríkistjórn ef virkjun í Bjarnaflagi hefði verið alfarið hafnað. Alveg óbærileg. Hvernig hefði þá Steingrímur Sigfússon getað keypt sér atkvæði í Norð Austur kjördæmi?

Skildi Ómar Ragnarsson vita  af þessu dæmi? Skiptir þetta Ómar einhverju máli? Mun hann enn og aftur fordæma óhæfuverk þessarar ömurlegu ríkisstjórnar, eða syngja gleðisöngva á kosningaskrifstofum  þessara náttúruníðinga. 

Athugasemdir

[Hrólfur Þ Hraundal, 20.4.2013 kl. 00:37]

Ómar Ragnarsson hefur alltaf verið bilaður, en hann var skemmtilega bilaður hér áður fyrr en er nú bara bilaður.   

[Helga Kristjánsdóttir, 20.4.2013 kl. 01:21]

Hvað halda þessir menn, að náttúran hafi ekki allstaðar þurft að víkja fyrir skilyrðum til búsetu og góðs mannlífs. Hvar er lækurinn í lækjargötu,var hann ekki náttúruperla,??

[Sigurður Þorsteinsson, 20.4.2013 kl. 04:21]

Hrólfur við erum komnir á þann aldur að félagar okkar og vinir taka upp á því að deyja. Ef Ómar færi á morgun þá fengi hann afar góða umsögn að loknu lífsstarfi. Ómar er sannarlega sérstakur. Hann gengur stundum ansi langt. Þarf ekki að vera honum alltaf sammála, sérstaklega skil ég ekki hvað hann er að gera í þessum sósíalistaflokki sem hann er skráður í. Orðið bilaður mundi ég aldrei notað um Ómar, nema að hann væri skemmtilega bilaður. Ég bæði virði hann og þykir afar vænt um hann.

Helga virkjanir hafa alltaf áhrif. Bara spurning hversu mikla og svo líka hvar viljum við virkja. Fáir eða engir myndu vilja virkja Dettifoss og Gullfoss, a.m.k. á þann hátt sem gert er í dag. Við myndum ekki vilja virkja á Þingvöllum. Held að mjög margir vilji t.d. ekki mörg álver til viðbótar. Hugsanlega eitt þ.e. á Helguvík. Við eigum líka að hlusta mjög vel á fagmennina okkar. Ekki bara þá sem hafa hæst. Við eigum að taka umræðuna. Sumir vilja vernda allt, ég er ekki þeim sammála. 

[Hrólfur Þ Hraundal, 20.4.2013 kl. 07:56]

Fyrirgefðu Sigurður, ætlaði ekki að særa neinn.  Þegar ég var unglingur þá voru ýmsir ágætismenn taldir bilaðir og þar á meðal ég, þó ég hafi sennilega aldrei átt heima á meðal ágætra. 

En bilun á þessum tíma var frekar ávísun á háttarlag, áræði, frekar en þörf fyrir spítalavist.  En nú er ég orðin nokkura ára og ætti því vísast að vera hættur að nota gamaldags unglinga mál.      

  

[Sigurður Þorsteinsson, 20.4.2013 kl. 16:55]

Hrólfur þóttist ná tóninum. Innlegg mitt var bara til þess að róa viðkvæmar sálir