Aðgát skal höfð í nærveru sálar.

Það er stundum svo að maður vill ekki sjá bloggara tjá sig um mál, eins og slys eða dauða. Sem fjármálaráðgjafi til margra ára hefur maður horft upp á mörg dæmi, sem erfitt væri að útskýra á einfaldan hátt t.d. í fjölmiðlum. Þessi frétt kallar í huga mér spurningar og þar sem ég veit ekki svörin dæmi ég ekki. Veit ekki hvað bjó á bakvið slíkan gjörning. Oft er það harmleikur, sem bloggarar hafa enga hugmynd um. Það að velta sér upp úr máli þar sem tiltölulega fáar staðreyndir liggja fyrir um, kalla á að fleiri mistök séu gerð. Sum þessara blogga eru höfunum sínum ekki til neins sóma. Sjálfsagt hef ég sjálfur fallið í slíka gryfju, og vona þá að mér hafi verið fyrirgefið.

Dró sér 9,2 milljónir

Athugasemdir

[Anna Guðný , 7.8.2008 kl. 23:17]

Ég held að málið sé að telja upp að tíu áður en maður leggur af stað í dómunum. En svo eru neikvæðir dómar um aðra oft bara eigin liðan þess sem talar. Ég finn það t.d. með sjálfa mig. Ef einhver er farin að fara í taugarnar á mér, þá hefur það yfirleitt lítið með þann að gera en meira með mig og mína líðan.

En þetta er sorgleg frétt,það er satt.

Hafðu það gott

[Margrét Össurardóttir (IP-tala skráð) 8.8.2008 kl. 01:46]

Mannlegur sorglegur harmleikur þegar svona á sér stað.

[Sigurður Þorsteinsson, 8.8.2008 kl. 07:40]

Sæl Anna Guðný þetta er hárrétt hjá þér. Vandamálið við bloggið er að við getum þar gert fljótfærnisvillur. Hef sjálfur gert það, oft. Afi sagði mér að telja upp á tíu, afturábak. Stefni að fara norður einhvern tíma þá býð ég þér í kaffi, en þú verður að koma með eina kleinu

Sigurður. Það vill til að ég hef verið í fjármálaráðgjöf í rúm 25 ár, en samt missti ég allt mitt. Það eru til dæmi um miklu verra en það. Slíkt fylgir aldrei svona frétt. Það kemur kemur hins vegar oft inn á okkar borð. Margrét hefur sannarlega rétt fyrir sér þegar hún segir Mannlegur sorglegur harmleikur. Í sumum slíkum tilfellum er ekki rétti tíminn til þess að kasta steininum, úr glerhúsi eða ekki.

[Anna Guðný , 8.8.2008 kl. 11:11]

Endilega Sigurður kem með kleinur. S: 897-6074. Ég gæti meira að segja hellt upp á.

[Sigurður Þorsteinsson, 8.8.2008 kl. 23:35]

Sæl Anna Guðný. Ég hlakka til.  Verð í sambandi.

 Sæll Þrymur.

Það er vinnuregla þar sem því verður við komið að bókari og gjaldkeri sé ekki einn og sami maðurinn. Ástæða er sú að þá er minni líkur á misferli. Það er aldrei hægt að hafa 100% öryggi hvað þetta varðar, en of mikið eftirlit getur orðið kostnaðarsamara en tapið. Megnin þorri fólks vill vera heiðarlegt og of mikið eftirlit getur verið þvingandi  fyrir starfsfólk.

Til eru vinnureglur sem hægt er að miða við og síðan gera endurskoðendur oft stikkprufur sem oft þrælvirka. Innra eftirlit vantar oft í fyrirtækjum.