300 störf í heilsugæslu á Reykjanesi

Þegar hér ríkir atvinnuleysi ættum við að fagna hverri hugmynd sem skapar störf. Ef það nýtir ónýtt húsnæði er það ekki slæmt. Það skapar vel menntaðu fólki á þessu sviði, einsog læknum, hjúkrunarfræðingum, sjúkraliðum,  sjúkraþjálfarurum, og fleira fólki  vinnu. Það getur varla verið slæmt. Staðsetningin er á Keflavíkurflugvelli og í Reykjanesbæ sem hefur sérstaklega varið illa út úr samdrættinum. Það hlýtur að vera gott. Þessi starfsemi kallar ekki á því að umturna náttúrunni, sem varla getur verið slæmt. Ríkið þarf ekki að fara út í milljarða lántökur, eða ábyrgjast slíkar lántökur.  Samt mun þessi hugmynd kalla á mikla andstöðu. Með þessu er verið að fara inn á svið sem margir Íslendingar telji að eigi að vera á höndum hins opinbera, og hvað er þá ,,þessi" Róbert að ,,vesenast" á þeim vettvangi. Það verður gaman að fylgjast með umræðunni. Fyrir okkur hin er þetta bara frábært, og við skiljum ekki þær tær sem telja að á þeim sé traðkað.

Gætu orðið til 300 störf

Athugasemdir

[Jón Snæbjörnsson, 20.3.2009 kl. 09:12]

hið bezta mál, ég get þó lofað þér því að ábyrgðin þe tryggingar oþh verður öll á okkar herðum - mínar eru farnar að kikna

[B Ewing, 21.3.2009 kl. 11:07]

Tek undir með Jóni.  Ég vil ekki að íslenska heilbrigðiskerfið eigi að vera ókeypis bakhjarl þessa annars ágæta framtaks.

[Sigurður Þorsteinsson, 22.3.2009 kl. 08:35]

Þegar fyrirtæki ætlar sér í heilbrigðisgeirann eins og hér er ætlunin, hefur að öllum líkindum verið hugsað út í það hvað gerist ef einhver áföll koma upp. Slíkt er gert þar sem einkarekin sjúkrahús eru og slíkt hlýtur að vera gert hér.

[B Ewing, 22.3.2009 kl. 10:00]

Hefur það verið staðfest?  Hvernig er það framkvæmt ? 

Á Landsspítalinn (LHS) að setja þetta einkasjúkrahús í reikningsviðskipti ? 

Hver er trygging LHS þess að tryggingafélag einkasjúkrahússins borgi fullt verð (á þess að malda í móinn og) án þess að LHS þurfi að leggja takmarkaða fjármuni sína til að borga starfsfólkinu laun og annað þangað til greiðsla fæst ?

Þarf að taka frá pláss á LHS vegna hugsanlegrar bráðamóttöku ? Hver á að borga plássið ?

Öll framkvæmd þessa var ennþá óstaðfest þegar Ögmundur setti fram þessar sömu hugrenningar. Þangað til að þessi mál, og mörg önnur, eru á hreinu þá er varhugavert að fara af stað.

[Sigurður Þorsteinsson, 22.3.2009 kl. 17:45]

Það er dálítið merkilegt að í ljósi að það eru 17 þúsunda atvinnulausir, og hér gæti verið um 300 ný störf, eða um helming þess sem álver gæti skaffað. Þá fagna menn því ekki, heldur byrja að tuða um þá vankanta sem hugsanlega gætu komið upp. Það er ekki mikil mannkærleikur sem því hugarfari liggur. Sjálfsagt eru veikleikar og styrkeikar í flestum störfum. Aukin ferðamennska gæti skapað meiri átroðnað í náttúru Íslands, og meiri sjúkdómahættu. Aukin fiskvinnsla í landi, gæti skapað fleiri einstaklinga með álagsmeiðsli. Svona væri sjálfsagt hægt lengi vel að telja upp. Einu einstaklingarnir sem ég hef rætt við og ekki verið ánægðir með þessa hugmund, eru í VG. Ég lýsi eftir hugmyndum VG hvernig á að skapa þessum 17 þúsund manns atvinnu, svo og öllum þeim sem eru að ljúka námi.