Villandi frétt.

Vísitala neysluverðs er mæld með því að finna verð á ákveðinni vöru og þjónustu. Ef þessi vísitala hækkar milli mánaða kallast það verðbólga ef hún lækkar kallast það verðhjöðnun. Þessi verð eru reiknuð í mælieiningunni íslenskri  krónu. Við gætum rétt eins reiknað þróun vísitölunnar í einhverri stöðugri erlendri mynt. Væri það gert mældist hér mikil verðhjöðnun. Við eðlilegar aðstæður þar sem gengi er nokkuð stöðugt skipti ekki miklu máli hvort íslensk króna er notað sem mælieining eða hvort við notum erlenda stöðuga mynt. Við hrun íslensku krónunnar skiptir það hins vegar miklu máli.

Frétt Morgunblaðsins af 11,9% verðbólgu er í þessu ljósi mjög villandi, og röng. Verðbólgan nú er ekki 11,9%, hún er það mæld í íslenskum krónum síðustu 12 mánuði, en annars er hér bullandi verðhjöðnun. Ef verþrónum er skoðuð síðustu þrjá mánuðina í íslenskum krónum. Verðbólga síðustu þrjá mánuðina er 1,4 % umreiknað til eins árs, og á þeim tíma hefur gegni íslensku krónunnar lækkað umtalsvert. Sé tekið tillit til gengisþróunar er hér alvarleg verðhjöðnun. 

Það er mikilvægt að virk umræða fari í gang í þjóðfélaginu um efnahagsmál og hvaða leiðir eru til úrbóta. Hlutverk fjölmiðla er mjög mikilvægt í þeirri umræðu. Það verður að harma framsetningu Mbl.is  á að verðbólga sé 11,9%, það bætir ekki umræðuna. Ráðstafanir sem gera í verðbólgu eru allt aðrar en ef hér væri verðhjöðnun Fólk er ráðvillt.  Það er því mikilvægt að það sé ekki matað á villandi eða röngum upplýsingum. Þykist vita að það sé ekki með vija gert.   

Verðbólgan nú 11,9%

Athugasemdir

[Tómas Ibsen Halldórsson, 29.4.2009 kl. 14:51]

Að jafnaði hefur verið talað um að verðbólgan sé svo og svo mikil eftir að nýr útreikningur er framreiknaður til heils árs.  Nú bregður svo við að farið er að reikna verðbólguna aftur í tímann þ.e. síðastliðna 12 mánuði.  Af hverju skildi þetta vera gert ?  jú, vegna þess að Seðlabankinn þarf að geta sýnt fram á að verðbólgan sé svo há og réttlæta með því hæga lækkun stýrivaxta.  Með nýju aðferðinni tala menn um 11,9% verðbólgu, en með gömlu aðferðinni þá er verðbólgan aðeins um 5,5%.  Þetta segir okkur það að stýrivextir verða í mesta lagi lækkaðir um 1,5%, úr 15,5% í 14%, í staðin fyrir að lækkar vextina um 9,5% niður í 6%.

Sjáum hvað norski Sandfylkingar Seðlabankastjórinn gerir við næsta vaxtaákvörðunar dag.

Bestu kveðjur,

[Sigurður Þorsteinsson, 29.4.2009 kl. 16:04]

Sæll Tómas oft hefur verðbólga verið metin með því að skoða t.d. þróun síðustu 3-6 mánaða. Ástæða þess að einn mánuður er of lítill tími, er að stundum eru verðbreytingar gerðar einu sinni á ári. Þá koma til þættir eins og útsölur ofl. Það að skoða síðustu 12 mánuði getur líka átt rétt á sér, ef ekki eru miklar sveiflur á gengi.

Við þær aðstæður sem nú eru og bankahrunið og ekki síður gjaldeyrishrunið, er það út úr öllu korti að reikna verðbólgu nú, með því að fara yfir verðþróun síðasta árs.

Ástæður þessarar framsetningar eru eflaust einhver varfærni. Við erum með miklar erlendar skuldir og þurfum að halda innlánum. Á sama tíma er há raunvaxtastefna fyrirtækjum og hekmilum mjög erfið.