deCODE hækkar

Bréf deCODE hækkuðu um rúm 50% í dag. Það er jákvæða frétt dagsins í dag. Vonandi verður nær þetta fyrirtæki sem af einhverjum ástæðum hefur verið þyrnir í augum hluta Íslendinga, að ná sér á strik og dafna á komandi árum. Fyrirtækið skapar fjölda vel menntaðra starfsmanna vinnu og bætir þá flóru sem er í Íslensku atvinnulífi.

Bréf deCODE hækkuðu um 50%

Athugasemdir

[Sigurður Þórðarson, 26.6.2009 kl. 23:34]

Sammála nafni, maður fagnar jákvæðum fréttum þessa dagana.

[Kolbrún Stefánsdóttir, 27.6.2009 kl. 00:07]

Ekki hef ég neitt á móti því að þetta fyrirtæki komist á lappirnar en einhvernvegin tengi ég það við þetta hlutabréfabraskið. Ég held að það hafi flestir tapað á því og það án nokkurs bankahruns. Kveðja Kolla. 

[Vilhjálmur Örn Vilhjálmsson, 27.6.2009 kl. 07:26]

Ha, ha, þetta er bara stökkbreyting!  

[Sigurður Þorsteinsson, 27.6.2009 kl. 07:27]

Sæl Kolla. Hlutabraskið um bréf deCODE er eitthvað sem við ættum að læra á. Hins vegar var eins og margir vildu leggja stein í götu þessa fyrirtækis, og gera sennilega enn. Hins vegar vinna þarna núna einhver hundruð einstaklinga og vonandi heldur þetta fyrirtæki sjó. Við þurfum fjölbreytni, ekki bara álver.

[Kolbrún Stefánsdóttir, 27.6.2009 kl. 23:28]

Sæll Sigurður. Já ekki hef ég á móti fjölbreytninni. Ég held að þetta fyrirtæki hafi notið mikillar tiltrúar hjá íslensku þjóðinni, meiri en það getur staðið undir í raun. Ég held að margir hafi litið á fyrirtækið sem óskabarn þjóðarinnar eins og Eimskip forðum. Ég hef samt alltaf spurt fólk sem ég hef verið í samskiptum við og hefur verið að kaupa hlut í félaginu af hverju það vilji láta Kára hafa peningana sína? Það hefur verið heldur lítið um svör og ég hef ekki trú á að það komi til með að gefa af sér í hlutabréfaviðskiptum. Það kann hinsvegar að leggja annað og meira til samfélagsins sem afrakstur af vinnu og rannsóknum. Ég kannast ekkert við þá steina sem þú talar um í götunni. kveðja Kolla.