Ísland í samfélagi þjóðanna.

Ein helstu rökin sem ég hef lesið fyrir því að ganga í Evrópusambandið er að Ísland eigi að vera í samfélagi þjóðanna. Fyrst hélt ég að hér væri einhver stafsetningavilla á ferðinni að hér ætti að standa Samfélagi þjóðanna sem væru einhver stórmerkileg alþjóðasamtök, eða Sameinuðu þjóðunum, en það gat ekki verið þar sem við erum einmitt þar, a.m.k. enn um sinn. Samfélag þjóðanna hljóta að vera einhver hluti Evrópu fyrst við eigum að ganga í ESB. Ef til vill eru það Bretar, en mér finnst nú ríkisstjórn þeirra ekki hafa sýnt okkur neinn sérstakan vinarhug, eða Hollendingar sem líka eru að stríða okkur. Norðmenn virðast bara vera brattir þó að þeir séu ekki í þessu samfélagi, því ekki eru þeir í ESB. Af hverju ættum við þá ekki að getað verið það líka. Ég legg til að við leggjum áherslu á að bæta samskipti okkar við aðrar þjóðir og þannig muni okkur farnast vel. Það þýðir hins vegar ekki að ganga í neitt sérstakt samfélag þjóða, eða ESB.  

Hagstæð ákvæði Icesave

Athugasemdir

[Haraldur Hansson, 23.6.2009 kl. 20:32]

Grænland forðaði sér burt úr ESB og Færeyingar eru ekki á leiðinni þangað. Hvers vegna ættum við að vilja skríða inn? Við eigum meiri samleið með fámennum nágrannaþjóðum en stórum iðnríkjum á meginlandinu.

[Eggert Guðmundsson, 23.6.2009 kl. 23:29]

Ég hélt að við værum í samfélagi þjóða! og við eigum samleið með flestum þeirra á þessari öld.

[Ívar Pálsson, 23.6.2009 kl. 23:44]

Við eigum ekki að þurfa kaupa klúbbáskrift að samfélagi þjóðanna með blóðpeningum barna okkar.

Sjálfstæðar þjóðir sem bera ágreiningsmál sín undir hlutlausa dómstóla verða áfram í samfélagi þjóðanna.

[Elle_, 23.6.2009 kl. 23:52]

Og er ekki umrætt´samfélag´bara um 9% af heiminum? 

[Sigurður Þorsteinsson, 24.6.2009 kl. 07:41]

Margir unglingar halda að ef þeir missa af tækifæri á að vera í einhverri klíku, þá séu þeir að einangrast. Svo átta þeir sér fljótlega á því svo er alls ekki.

[Axel Þór Kolbeinsson, 24.6.2009 kl. 12:48]

Ef við gefum okkur það að ESB sé þetta "samfélag", þá er fjöldi félagsmanna í Kína 160% meiri.  Ef við miðum bara við fjölda ríkja þá er þetta "samfélag" tæp 14% viðurkennda ríkja og með um 7,5% af mannfjölda.

Ég hélt alltaf að SÞ væru samfélag þjóðanna.

[A.L.F, 24.6.2009 kl. 14:07]

Eftir að ESB reyndi að beita lagklausum sínum á breta í janúar þegar gasrifrildið stóð sem hæðst komst ég endanlega á þá niðurstöðu að Íasland hefur ekkert í ESB að gera.

Bretar hefðu haft lítið bolmagn í ESB hefðu þeir gengið alla leið og yfitekið gaslindir breta í þágu annara þjóða innan ESB, við höfum þar að leiðandi ekkert bolmagn í ESB ákveði þeir að yfirtaka t.d. vatnsforða okkar í þágu vatnslausra borgara ESB, yrði vatnsskortur. Við eigum að halda okkur utan ESB.