Aðildarviðræður

Í aðdraganda þessa máls, var hamrað á að verið væri að fara í aðildarviðræður, eða könnunarviðræður. Þegar búið er að samþykkja pakkann heitir þetta réttu nafni, að verið er að sækja um aðild að ESB. Í morgun kom fram að ef við ekki samþykktum Icesave þá legðust Hollendingar og Bretar gegn aðildarumsókn okkar. Þessu hefur að sjálfsögðu verið mótmæt lágum rómi, og leitast við að sussa á málið.

Nú verður Icesavesamningurinn keyrður í gegn á ofurhraði. Hann verður að sjálfsögðu ekki lagður undir þjóðaratkvæði, þar sem fólkið í landinu er svo vitlaust að það skilur ekki svona samning.

Ég hvet alla sem eru á móti þessum samningum að sýna andstöðu sína og láta í sér heyra.

Búið að sækja um ESB-aðild

Athugasemdir

[Tómas Ibsen Halldórsson, 17.7.2009 kl. 22:24]

Það er alveg ljóst að Samfylkingin ætlar að keyra þetta mál í gegn, með góðu eða illu.  Nú er Össur búinn að viðurkenna að við fáum enga undanþágu fyrir sjávarútveginn og ekki verði reynt að fá slíka undanþágu.  Það að fara í könnunarviðræður, sjá hvað er í boði, þetta fólk vissi hvað í boði er, það vissi að við fengjum engar undanþágur, þannig að allt tal um að kanna málið var ekkert annað en lýðskrum.

Alþýðuflokkurinn sálugi hataðist út í landbúnaðinn og það gerir Samfylkingin líka.

[Elle_, 17.7.2009 kl. 22:33]

Sigurður, fjoldinn allur af fólki er núna dapur og reiður yfir þessu ofbeldi. Og eins og þú líkl. veist er það búið að skammast mikið allavega í blogginu.  Persónulega vildi ég að hópur fólks kæmi saman og léti EU og heiminn heyra um yfirganginn gegn lýðræðinu. En við getum skrifað og það er örugglega ekki bundið við innanlands-skrif.

[Sigurður Þorsteinsson, 17.7.2009 kl. 22:39]

Jú, jú það er viðurkennt að sjávarútvegurinn og landbúnaðurinn mun fara illa ef við göngum í ESB. Samfylkingarfólk er þegar farið að tala um að það sé bara svo miklu meira annað sem við fáum í staðinn. Þá einna helst að taka þátt í samfélagin þjóðanna, hvað sem það nú þýðir.

Jú við munum ekki samþykkja Icesave og síðan fellum við ESB í þjóðaratkvæðagreiðslu.

[Elle_, 17.7.2009 kl. 23:41]

Já, akkúrat, klisja Evru-flokksins um samfélag þjóðanna!?  Og Evrópa er hvað, 8-9% af heiminum?

[Þorsteinn Sch Thorsteinsson (IP-tala skráð) 18.7.2009 kl. 10:52]

Það verða þessir ESB sinnar eða gungur norðursins sem munu berjast fyrir því að koma á þessari ríkisábyrgð yfir á alla íslensku þjóðina, því þetta Samfylkingar-lið hugsar um ekkert annað en ESB og að komast inn í ESB Socialist Dictatorship báknið .