Stuttur fundur

Þessi ákvörðunartaka er mjög óheppileg, það liggur fyrir. Enginn hefur varið hana. Eina manneskjan sem hefur sagt eitthvað jákvætt um þetta mál er frænka mín. Hún sagðist elska þessa menn. Í vinnunni hjá henni komu menn í kaffinu og ,,rifu sig niður í rassgat" eins og hún sagði það.  ,,Þetta er fáránlega vitlaus ákvörðun" sagði einn mótmælandinn.

,,Þeir sem eru sammála, rétti upp hendi" kallaði frænka mín

Nánast allir réttu upp hendi.

,, Þeir sem eru á móti" enginn rétti upp hendi. Síðna kom löng þögn, og síðan hlátur. Tilefnið til þess að ágreiningur var ekki til staðar.

 

„Hreinlega siðlaust“

Trúarpólitík

Á menntaskólaárum mínum þótti fínt að vera sósíalisti. Ef þú varst það varst þú inni og engar spurningar voru settar fram. Ef einhverjir voru ekki sósíalistar þá voru þeir einfaldlega fífl. Sumir höfðu lesið Karl Max og aðrir sögðust hafa gert það. Gagnrýnin hugsun var ekki inni. Einn kennara okkar sjokkeraði hópinn með því að segja að við værum sósíalistar af því að við nenntum ekki að hugsa. Þessi kennari gaf sig aldrei upp í pólitík, en síðar átti ég gott spjall við hann og komst að því að hann var sennilega sá eini sem var sannur sósíalisti.

,, Sauðir gera aldrei gagn í pólitík" sagði hann.

Egill Helgason hefur af mörgum verið talinn Samfylkingarmaður. Það kom því mörgum á óvart að þegar hann ræddi við stjórnmálamenn s.l. sunnudag um leiðir til þess að hjálpa heimilunum í greiðsluerfiðleikum og Árni Páll Árnason byrjaði að ræða ESB. ,, Er það töfralausn ykkar í öllum málum" . Árni varð kjaftstopp, en Egill óx í áliti. Sigmundur kom fyrst með 25% afskrift lána, hugmynd sem mér finnst verið að ýta út af borðinu, án umræðna.

Konan í Vesturbænum kaus Sjálfstæðisflokkinn af því að hún var ópólitísk. Hún las tuggurnar sínar úr Morgunblaðinu, og lærði frasana utanað. Mér finnst vera talsvert af konum úr Austurbænum hér á blogginu. Þær eru á móti Sjálfstæðisflokknum og Framsókn, og síðan Davíð og Hannesi Hólmsteini. Þær eru á móti ,,gróðraröflunum" og ,,nýfrjálshyggjunni". Þær býsnast yfir ástandinu sem var auðvitaði ,,hinu  liðinu að kenna" en það koma aldrei lausnir. Kannski er konan úr Vesturbænum og hin úr Austurbænum systur, a.m.k. eru þær alveg eins. Aldrei dytti þeim að gagnrýna neinn úr sínu liði eða efast um þá stefnu eða málflutning sem eigið lið hefur.

Ég hef kallað þetta trúarpólitík, og held að hún sé einn vesti óvinur raunverulegs lýðræðis.

Hann lifir kannski í....

Hann lifir kannski í efnahagsveruleika fyrri ríkisstjórnar? spyr Þóra Kristín Jóhönnu Sigurðardóttur. Fyrirspurnin væri ekkert óeðlileg ef um flokkspólitískt málgagn væri að ræða, en hún er skýrir fyrst og fremst pólitískar skoðanir fjölmiðamannsins. Mér leiðist fjölmiðlamenn sem ekki geta haldið pólitískum flokkspólitískum skoðunum sínum fyrir utan starf sitt í fjölmiðlun. Tillögur Tryggva eru mjög sambærilegar og tillögur Framsóknarflokksins og þær hafa ekki fallið í kramið á stjórnarheimilinu. Gagnrök Jóhönnu og Steingríms eru hins vegar vel skiljanleg og samhljóma þeim áherslum sem þau hafa í pólitík. Miðað við að mikill fjöldi heimila og fyrirtækja muni lenda í miklum erfiðleikum á þessu ári verður að grípa til róttækari aðgerða en fram hafa komið.

Húsráð Tryggva Þórs þykja vond

Vill fella niður fimmtung skulda

Tryggvi Þór Herbertsson, þjóðhagfræðingur, sem hafnaði í 2. sæti í prófkjöri Sjálfstæðisflokksins í Norðausturkjördæmi vill að 20% af skuldum heimilanna verði felldar niður og að sama hlutfall verði fellt niður af skuldum fyrirtækja sem eiga í viðskiptum við nýju bankana.

 

Með þessu tekur Tryggvi Þór undir stefnu Framsóknarflokksins. Viðskiptaráðherra er meðal þeirra sem telur þessa leið ekki færa. (samkv. frétt RÚV)

Við gjörbreitt landslag í efnahagsmálum, þarf að koma til nýjar lausnir.

Að nýta þá bestu

Það er ekki gefið að hæfileikaríkustu frambjóðendurnir fái brautargengi. Held að það væri hægt að nýta netmiðla mun betur til þess að frambjóðendur fái að kynna sig, með greinum, með viðtölum og lifandi upptökum. Þessi leið er mun ódýrari en þær leiðir sem frambjóðendur þurfa að fara í dag, auk þess að líklegra væri að fleiri gæfu kost á sér.

Annað er að það er áhyggjuefni hversu þingmenn eru ílla nýttir, dæmi um þetta er Guðfinna Bjarnadóttir fv. rektor, sem af einhverjum ástæðum fékk ekki náð innan Sjálfstæðisflokksins. Annar er Gunnar Svavarsson sem ekki virtist vera í náðinni hjá flokksforystu Samfylkingarinnar.

Það er sterkur frambjóðandi sem vinnur Lúðvík Geirsson, sem örugglega á eftir að nýtast vel á Alþingi. Hins vegar fannst mér Árni Þór setja niður í Silfrinu í dag, þegar hann fór niður á Morfis plan, hnýtandi í Sjálfstæðisflokkinn og einhverja pólitíska andæstæðinga sem voru fjarverandi. Sá stíll er eitthvað sem ég upplifi að fólk úr öllum flokkum sé sammála um að það þoli hvað verst.

Talningin í samræmi við lög

Áfram í Dölum

Grímur Atlason virkar röskur í sveitarstjórnarstörfunum fyrst í Bolungarvík og nú í Dölum. Játa að ég hefði átt von á því að það gustaði af honum ef hann hefði farið á þing. Eitthvað var fjallað um að meira jafnræði hefði mátt vera í þessum kosningum, en fyrst að svo fór, vona ég að Grímur taki til hendinni í Dölum og láti sem best gott af sér leiða.

Kemur ekki á óvart

Að nota skoðanakannanir til þess að blekkja

Í dag kemur eftir farandi frétt á visir.is

Flestir vilja Bjarna

Mikill meirihluti vill að Bjarni Benediktsson verði formaður Sjálfstæðisflokksins samkvæmt nýrri könnun Stöðvar 2 og Fréttablaðsins. Guðlaugur Þór fengi aftur á móti fæst atkvæði af þeim sem nefndir voru.

Nýr formaður Sjálfstæðisflokksins verður kjörinn á landsfundi síðustu helgina í mars. Bjarni Benediktsson er sá eini sem hefur gefið kost á sér og verður að teljast líklegastur sem næsti formaður flokksins ef marka má nýja skoðanakönnun sem fréttastofa stöðvar 2 og Fréttablaðið létu gera.

Bjarni fengi rúmlega 44% atkvæða en Þorgerður Katrín, varaformaður, fengi tæp 30%. Aðrir sem fréttastofa nefndi sem mögulega formenn voru Kristján Þór Júlíusson, Hanna Birna Kristjánsdóttir borgarstjóri og Guðlaugur Þór Þórðarson, fyrrverandi heilbrigðisráðherra sem fengi tæplega 4 prósent atkvæða og var lægstur af þeim sem nefndir voru. Rúm 9% vildu sjá aðra en þessa sem formenn og fékk Illugi Gunnarsson þar flest atkvæði eða 5,5%

Þá virðast fleiri karlar vilja Bjarni sem næsta formann, eða rúm 50%. Sé hinsvegar litið á atkvæði kvenna þá fengi Þorgerður Katrín flest, eða rúm 40%.

Þegar atkvæðunum er skipt eftir stjórnmálaflokkum eru það aðeins kjósendur Samfylkingarinnar sem vilja heldur sjá Þorgerði Katrínu sem formann en Bjarna. Kjósendur Framsóknar og Vinstri grænna gáfu Guðlaugi Þór ekkert atkvæði og vildu heldur sjá aðra leiða listann. Illugi var þar oftast nefndur.

Niðurstaðan byggist á 800 svörum sem skiptist jafn á milli karla og kvenna og hlutfallslega eftir búsetu.

Í þessari skoðanakönnun kemur fram að 44% vilja Bjarna sem næsta formann en 30% Þorgerði Katrínu. Í könnun Frjálsrar Verslunar fyrir skömmu kom fram að 57% Sjálfstæðismanna vildu Bjarna sem formann, en 23% Þorgerði. Þegar spurt var almennt án tillits til flokka kom í ljós að Þorgerður hafði meiri stuðning meðal kjósenda annarra flokka. Það væri afar óeðlilegt að gera skoðanakönnun t.d. um næsta formann Samfylkingarinnar, eða Vinstri Grænna, og spyrja kjósendur allra flokka. Rökréttara er að spyrja stuðningsmenn viðkomandi flokka, enda eru það þeir sem fá að kjósa um sín formannsefni.  Með ofangreindri frétt er verið að koma ákveðnum skilaboðum, en ekki er ljóst í hvaða tilgangi.

Mikilvægur þáttur í endurreisninni

 

Ríkisvaldið hefur komið bönkunum til aðstoðar í þeim hremmingum sem yfir okkur dunið. Sparisjóðirnir eru enn uppistandandi, en eiga í erfiðleikum. Hugsanlega þarf að sameina þá að einhverju leiti, en það er mjög mikilvægt að þeir fái að halda velli. Þá þarf að aðstoða Sparisjóðabankann. Í framhaldinu þurfa Sparisjóðirnir að taka þátt í uppbyggingunni sem framundan er. Í Sparisjóðunum er feiknarlega mikil þekking í starfsfólki, sem hefur tekist að hafa ánægðustu viðskiptavinina ár eftir ár.

Tap Byrs 28,9 milljarðar króna

Samt frábær frammistaða

Þessi frammistaða kvennalandsliðsins er frábær. Sigur gegn Norðmönnum, eins marka tap gegn Bandaríkjunum og tveggja marka tap gegn Dönum. Þetta sýnir okkur að liðið á að geta staðið sig vel í úrslitakeppninni EM í sumar.

Sigurður Ragnar: Sanngjörn úrslit

Leiðtogi kveður

Nú yfirgefur Ingibjörg Sólrún vettvang stjórnmálanna a.m.k. tímabundið. Mjög ólíklegt er að hún komi aftur í framvarðarsveit Samfylkingarinnar. Rétt rúmlega fimmtug, hefði Ingibjörg átt að vera að upplifa sín öflugustu ár í pólitíkinni. Komin með reynslu og þroska. Mér hefur oft fundist hafa  verið vegið að Ingibjörgu með óvægnum og ósanngjörnum hætti. Vonandi eru þau vinnubrögð á undanhaldi í ísenskri pólitík. Vonandi nær Ingibjörg aftur starfsþreki sínu og kemur til baka, þó ekki nema til þess að vera í bakvarðarsveitinni. Ég á von á að hún eldist betur í pólitíkinni, en t.d. Jón Baldvin, sem ætlar sér að verða erfitt pólitískt gamalmenni.

Ingibjörg Sólrún hættir