Alvaldurinn

Eftir hrunið var krafan um ný vinnubrögð í stjórnmálum. Aukið lýðræði. Opin umræða og allt upp á borðum. Því miður hefur þessi ríkisstjórn forðast allt þetta eins og heitan eldinn. Þegar Össur er spurður um ráðherraskipti þá segir Össur að Jóhanna sé alvaldurinn. Þetta segir hann án þess að blikna. Er ákvörðn um ráðherraskipti svo ómerkileg ákvörðun að það þurfi ekki samráð um slíka ákvörðun.

Þó ég beri virðingu fyrir Jóhönnu að mörgu leiti, hryllir mér við alræðisvaldi hennar. Smölun katta. Sé fyrir mér Jóhönnu með svart frímerki á miðri yfirvör, rétta upp handlegginn upp, fram og til hægri.

Það er kominn tími á að skipta þessu liði út!

Uppstokkun í ríkisstjórn?

Baráttan harðnar

Síðustu umferðir þessa Íslandsmóts í knattspyrnu ætla að verða þræl skemmtilegar og spennandi. IBV og Breiðablik eru ekkert að gefa eftir, en úrslit kvöldsins í leik KR og FH gætu sett annað þeirra liða í verri stöðu. Fyrir þá sem áttu von á að Keflavík blandaði sér í baráttuna voru úrslitin á móti Haukum mikil vonbrigði. Fylkir er það lið sem hefur ollið hvað mestum vonbrigðum, en lið IBV það lið sem hefur komið mest á óvart. Það sama má segja um lið Stjörnunnar sem kom upp fyrir tveimur árum, þá ekkert of sannfærandi. Margir spáðu Stjörnunni falli nú, en liðið er orðið mun þéttara en það að fara niður. Í gærkvöldi hefði Stjarnan átt að fara með sigur. Liðinu var spáð í 9 sæti fyrir mót, en ljóst er að staðan er mun betri. Mér finnst nýir leikmenn þeir Atli Jóhannsson og Dennis Danry ekki hafa styrkt liðið. Marel Baldvinsson stóð fyrir sínu á meðan hann var heill og Ólafur Karl Finsen hefur lítið fengið að spreyta sig, en hefur sýnt góða spretti. Sá leikmaður sem hefur styrkt liðið hvað mest er Magnús Karl Pétursson sem lítið sem ekkert hefur spilað, en hefur komið sterkur inn í hugmyndavinnu um fögn Stjörnumanna. Magnús er reyndar ágætis markmaður. 

 Að mínu mati ætt Stjarnan að vera vandlátari á aðfengna leikmenn, 1-2 slíkir ættu að duga. Nokkrir góðir leikmenn eru í láni hjá öðrum félögum, m.a. þeir Grétar Grétarsson og Magnús Björgvinsson hjá Haukum og Heiðar Atli Emilsson hjá Víking Ólafsvík. Ef Stjarnan byggir upp í nánustu framtíð á sinni uppbygginu yngri flokka , á svipaðan hátt og Breiðablik, mun Stjarnan fara í baráttuna um titilinn á næstu tveimur árum.  

Ívar skaut Frömurum upp í fimmta sætið

Hverjir taka titilinn?

Það stefnir í einhverja skemmtilegustu lokabaráttu í Íslandsmeistaramótinu í knattspyrnu. Raunhæft eiga fjögur lið möguleika á að taka titilinn. IBV, Stjarnan, KR og FH. Í dag spáði Páll kolkrabbi að Breiðablik hefði baráttuna og það kæmi ekki á óvart. Skoðum hvaða leikir eru eftir.

 

IBV	Breiðablik	KR	FH
Fylkir : ÍBV	Grindavík : Breiðablik	KR : FH	KR : FH
ÍBV : KR	Breiðablik : Fylkir	ÍBV : KR	FH : Selfoss
Selfoss : ÍBV	KR : Breiðablik	KR : Breiðablik	Stjarnan : FH
ÍBV : Stjarnan	Breiðablik : Selfoss	Grindavík : KR	FH : Keflavík
Keflavík : ÍBV	Stjarnan : Breiðablik	KR : Fylkir	Fram : FH

Öruggur sigur KR í Árbænum

Ellert gerir það gott í Bandaríkjunum.

Ellert Hreinsson er einn þeirra leikmanna sem tengir saman nám og knattspyrnu. Þessi framherji Stjörnunnar og leikmaður U21 er mjög fljótur og útsjónarsamur. Hann lék vel með Stjörnunni þegar hann kom heim, en mér fannst hann leggja áherslu á að meiðast ekki í síðustu leikjum Stjörnunnar. Það er skiljanlegt því að háskólasamningur hans í Bandaríkjunum er verðmætur. Reyndar átti Ellert stjörnuleik í síðasta leik sínum hér heima og valinn maður leiksins.

Það var erfiður fyrsti leikur hjá Ellert á tímabilinu úti. Mótherjinn sigraði í sínum riðli á síðasta ári.  Ellert skoraði 2 í 3-0 sigurleik. Ég spurðist fyrir um umfjöllun um leiki þarna úti og varð afar hrifinn. Sjá.

 

http://www.scadathletics.com/news/2010/8/24/MSOC_0824100843.aspx

 

Talar reiðbrennandi dönsku!

Það vekur mikla athygli íþróttafréttara Morgunblaðsins að Dennis Danry vilji áfram spila með Stjörnunni. Dennis er margt til lista lagt, meðal annars talar hann dönsku reiðbrennandi sem eflaust á sér þær skýringar að hann er Dani. Hann hefur farið afskaplega  pent með knattspyrnugetu sína á vellinum í sumar og kæmi ekki á óvart að hann næði ekki að vera meðal 11 hæstu innan félagsins í einkunnargjöfum fjölmiðla. Flest ef ekki allir leikmenn Stjörnunnar hafa verið honum fremri í sumar. Samkvæmt viðtölum við danska netmiðla er hann afar ánægður með lífið og vilji leika áfram með Stjörnumönnum. Síðan kemur fram að hann telji að félagið munu bæta við sig leikmönnum. Dennis stefnir því sennilega á að vera einn af boltastrákunum á Stjörnuvellinum næsta sumar. Þá getur eflaust komið sér vel að kunna dönsku.

Danry vill leika áfram með Stjörnunni

Er sveitarstjórnarstigið fært til þess að taka að sér fleiri verkefni?

Undanfarin ár hefur reynst erfiðara að fá hæft fólk í sveitarstjórnir. Kemur þar margt til, ofþensla á almennum markaði, verkefni hlaðast um of á fáa einstaklinga, minni félagsþroski og félagsþátttaka, og  slakt eftirlit og aðhald.

Á þenslustiginu snérist kosningabaráttan um það hversu vel stjórnmálamennirnir tókst upp með að lofa kjósendum gulli og grænum skógum. Nú þegar harðnar á dalnum, eimir enn eftir af þessu ástandi. Verkefni dagsins er niðurskurður og til þess eru sveitarstjórnir yfirleitt afar vanbúnar til verkefnisins. Þekkingin ekki til staðar, getan eða kjarkurinn. 

Færsla frá ríki til sveitarfélaga eru yfirleitt rökstudd með því að þannig sé hægt að létta kerfið. Verkefnin eru nær notandanum. Því sé líklegra að rétt sé staðið að málum. Rökin eru rétt, en miklar efasemdir eru um hæfni sveitarstjórnarstigsins til þess að taka við auknum verkefnum. Önnur leið til þess að létta kerfið er að færa verkefni frá ríkinu til einkareksturs. Þessi leið er í vaxandi mæli farin á hinum Norðurlöndunum, en í núverandi stjórnmálaástandi er öll einkavæðing eitur í beinum stjórnvalda. Hugmyndafræðin kemur frá fyrrum Austur Evrópu. 

Til þess að styrkja sveitarstjórnarstigið þarf að auka lýðræði í sveitarfélögunum og virk gagnrýni innan sveitarfélaganna þarf að aukast. Almenningur hefur ekki efni á því að afhenda öll völd í samfélögum sínum í hendur kjörnum fulltrúum, sem oftar en ekki misfara með þau völd. 

Afurðir nýstjórnhyggjunnar

Einkavæðing Steingríms Sigfússonar á bönkunum ætlar að kosta sitt. Sala  Búnaðarbanka og Landsbanka á sínum tíma var gagnrýnd og fór Steingrímur þar fremstur í flokki. Steingrímur sagði einkavæðinguna vera ástæðu fyrir hruninu og því er spurt hvers vegina var það eitt af hans fyrstu verkum að einkavæða bankanna að nýju. Það má sannarlega gera athugasemdir við framkvæmd á einkavæðingunni forðum, og væri full ástæða til þess að fá nefnd til þess að fara yfir hana, þó ekki væri til annars en að læra af henni. Einkavæðing Steingríms á bönkunum er miklu stærra mál. Hún getur kostað þjóðfélagið hundruð milljarða. Þegar stjórnarliðar áttuðu sig á dæminu, bjuggu þeir til Magnaleikritið. Afurðir nýstjórnhyggjunnar eru að koma í ljós.

Styðja ekki björgun bankanna