Það er sagt gaman í skaldborginni!

Skjaldborgin sem þau Jóhanna og Steingrímur lofuðu okkur reis sannarlega á tímabilinu. Hún er tignarleg og þar innandyra bogna borð af veigum. Reglulega fáum við fréttir af dýrðinni en fáum ekki að njóta. Þarna eru bankamennirnir og erlendir vogunarsjóðir, sem síðan geta greitt ofurlaun á kostnað almúgans á Íslandi, ríkisstjórnin segir þessa stráka afar skemmtilega. Þarna eru íslensku útrásarvíkingarnir og endurheimta í sína vörslu, féð sem þeir náðu út úr lífeyrissjónunum og sparnaði landsmanna  með blekkingum, og þarna er Stefán Ólafsson þrútinn af ofneyslu veiganna. Af og til hleypur hann út í Eyjagluggann og heldur tölur fyrir sárþjáðan almenning um að fáktækin þeirra sé alls ekki verri hérlendis en annars staðar. Svo dásamar hann Jóhönnu, Steingrím og verk ríkisstjórnarinnar, enda hefur sjálfur aldrei haft það betra.

Fyrir utan Skjaldborgarmúrana eru fjölskyldur sem hafa misst allt sitt. Margir neyna að bera höfuðið hátt. Fólk tekur utan um hvert annað. Líka þeir sem bíða í biðröðunum eftir matargjöfunum hjá hjálparstofnunum. 

Auðvitað hefði þetta allt getað farið miklu verr. Ríkisstjórnin og liðið þeirra vildi setja á þjóðina 540 milljarða klafa tl viðbótar, sem öllum má vera ljóst nú að við hefðum aldrei staðið undir. Svavarssamningurinn var til þess ætlaður að almúginn kæmist aldrei í dýrðina.

Minnumst  þessa fólks í bænum og okkar í vor þegar við gefum þeim einkunnirnar fyrir frammistöðuna í kosningunum  í april. Þeir voru líka í þessu liði strákarnir Gummi og Robbi sem nú hafa stofnað nýtt band björt framtíð, sem þeir sáu sennilega inn í skjaldborginni, sem var fyrir þá útvaldu. 

 

Mikil hækkun launa í fjármálageira

Þegar Íslenska alþýðulýðveldið dó.

Á menntaskólaárum mínum í MH voru mörg okkar harðir sósíalistar. Það voru margir kennararnir líka. Andinn var í loftinu og sumar skoðanir sjálfgefnar, rétt eins og hjá húsmæðrunum í vesturbænum. Nánast allir kennarar héldu sér innan rammans. Álfheiður Ingadóttir var byltingarsinni og hélst því ekki innan neins ramma. Við skýrðum það á þann veg að hún væri dóttir ,,big papa" Inga R. Helgasonar, sem ég sá alltaf fyrir mér akandi um í svörtum bíl, með skyggðum rúðum. ,,Big papa" var sagður sendiherra kommúnismans á Íslandi, vellauðugur með beintenginu í gullkisturnar sem biðu okkar.

Álfheiður var með silfurskeið í munninum, sófa-byltingarsinni, frek, ofdekruð og fremur slakur kennari. Mér fannst hún vera blettur á sósíalismanum, Auðvitað var hún farin miklu lengra austur. Sjálfur var ég heillaður af Maó og bar sjáfur viðurnefnið Maó formaður  í áraraðir. 

Í austur-þýska sendiráðinu var ákveðinn kjarni boðaður. Einn kunningi okkar boðaði átta kröftuga stráka niður í sendiráð. Mér brá þegar þessi tengiliður faðmaði sendiráðsmennina og heilsast var með kossum á kinnar. Okkur var boðið upp á vont kex, vont te en dásamlegt vodka. Okkur var í öðru boði, sagt frá merkum Íslendingum sem hefðu fenið tækifæri að læra í fyrirheitna landinu. Hjörleifur, Svavar og Indriði. Þessi listi var langur af úrvalsmönnum. Allt þetta beið okkar ef.... Í þriðja boði var lagt áherslu á trúnað og öflun upplýsinga. Ég riðaði, vissi ekki hvort það var vodkinn, eða það að mér var skyndilega hugsað til afa míns og ömmu frá Vopnafirði sem trúðu á Ísland, getu okkar, réttlæri og heiðarleika. Ég lofaði sjálfum mér því að skoða málið, en kom aldrei aftur með félögum mínum í sendiráðið.  Ég gekk alltaf í stóran hring fram hjá húsaröðinni í mörg ár.

Í millitíðinni lét Jón Hnefill Aðalsteinsson okkur lesa Frelsið eftir John Stuart Mill.  Ég var alveg grunlaus því Jón var kvæntur einum af mínum uppáhaldsrithöfundum,  Svövu Jakobsdóttur. Ég byrjaði að lesa seint á föstudegi og las fram á laugardagsmorgun. Þá vaknaði ég nýr maður, hafði þurft að spyrja mig gagnrýninna spurninga. Kötturinn minn hafði ekki komist út, og hann hafði gert þarfir sínar í stofunni. Í þann mund sem ég tók skítinn upp, datt laufblað á blómi og sveif niður og tók það með. Ég fór út í garð og jarðaði það, ásamt táknmyndinni um íslenska alþýðulýðveldið. 

Forríka, ofdekraða kommúnistastelpan hefur lítið lært. Ennþá hliðrar hún sannleikanum ef með þarf. Nú til þess að koma í veg fyrir að vera dregin fyrir dóm. 

Útimennirnir gera útslagið

Það er ákaflega ánægjulegt að verið sé bæta þjónustu margra fyrirtækja. Fór á eina bensínstöðina fyirr skömmu og þá biðu tveir viðskiptavinir eftir að lokið væri að setja eldsneyti á bíla þeirra.

Ungur maður í afgreiðslunni hefur sennilega verið nýbúinn á námskeiði segir við mig. 

,,Hvað get ég gert fyrir þig"

,, Það er verið að athuga með olíuna á bílnum mínum"

Ungi maðurinn færðist allur í aukana. 

,,Meðan þú bíður vantar þig ekki eitthvað. Hér er allt til"

Ég var nú ekkert í fjárfestingarhugleiðingum, svo ég missti út úr mér, svona alveg óvart. ,,Áttu kannski til samfylkingarvara"

,,samfylkingarvara"? spurði ungi maðurinn óöruggur. 

Kona sem var við hliðina á mér, byrjaði að hlægja, en var samt afar fáguð. 

Ungi maðurinn varð vandræðalegur og hóf að fletta upp í vörulista. samfylkingarvari, muldraði hann en  loks gafst hann upp og sagði. 

,,Hann er örugglega til hjá útimönnunum" 

 

 

 

 

Erfiðast að fara á klósettið

Er ekki hægt að mála strákana brúna?

Á þessu kjörtímabili hefur aðaláherslan verið lögð á að einbeita sér að öllu öðru en að hlúa að hag fólkskins í landinu. VG og samfylking sameinuðust um það að sækja formlega um aðild að ESB án þess að spyrja fólkið í landinu um þá vegferð. Fyrir umsókn kölluðu stjórnarflokkarnir það viðræður eða að kíkja í pakkann, til þess að villa um fyrir þjóðinni. Auðvitað kom ekkert út úr þessu dæmi. Eftir sitja tugir stjórnarliðar sem töldu sig vera að byrja upp starfsferil í Brussel til komandi ára. VG er nú orðinn varanlegur ESB flokkur.

Svo var það Icesave. Aðaláherslan var að við Íslendingar ættum  að greiða Bretum og Hollendingum, þó ekki vegna lagalega raka, heldur ,,siðferðilegra" Nú skammast sín flestir sem að þessari aðför að hagsmunum þjóðarinnar. Örfáir eins og Gylfi Magnússon hefur viðurkennt að hann hafi bullað. Sjálfsagt var ætlunin að gera okkur að Kúpu norðursins. Vert er að minnast þess að Guðmundur Steingrímsson og Róbert Marcall frambjóðendur Bjartar framtíðar, studdu Svavarssamninginn heilshugar, vörðu ríkisstjórnina vantrausti og vilja nú bjóða þjóðinni upp á skítlega framtíð. 

Birgitta Jónsdóttir hefur einbeitt sér að uppljóstrum leynigana erlendis á tímabilinu. Að vísu fannst ,,njósnatölva"  í herberginu við hliðina á henni, en hún hefur ekkert verið að gera mikið úr þessu smáræði, og því síður að óska eftir opinberri rannsókn. Á sama tíma er barnungur tölvuhakkari fluttur út til Wikileaks, undir yfirskininu að hann hafi átt að selja boli. Strákruinn sem er vonlaus sölumaður. Þegar hann sleppur frá þessu fólki, segir þetta lið í íslenskum fjölmiðlum að strákurinn sé ekki andlega heilbrigður og  fjölmiðlar hérlendis gera engar athugasemdir við þá  yfirlýsingar frá íslenska armi Wikileaks.  Kristinn Hrafnsson fjölmiðlafulltrúi Wikileaks og samstarfsmaður Birgittu er orðaður við nýja stöðu geðlæknis hjá Landsíptalunum, þar sem talið er að hann muni sjá um hraðvirkar sjúkdómsgreiningar. Geðmat er víst ein af þeim greinum sem kenndar eru í fjölmiðlafræðinni. 

Eitt af því sem ríkisstjórnin hefur verið hvað stoltust með  er að flytja inn alla þá flóttamenn sem gætu hugsað sér að setjast er að. Hér fá flóttamennirnir móttökur eins og þjóðhöfðingjar fá í mörgum ríkjum. Lifa hér í allsnægtum á meðan landsmenn bíða í biðröðum hjálparstofnana eftir matargjöfum. Flóttamennirnir segjast flestir vera um fermingu, sem síðan við rannsókn kemur í ljós að margir þeirra eru að komast á eftirlaunaaldurinn. Margir þeirra reyna síðan að flýja ,,Kúpu norðursins" til Bandaríkjanna eða Kanada. Þeir sem ekki fá dvalarleyfi hér er fólk sem er af íslenskum ættum og eiga jafnvel ísenska foreldra. Þeir fá synjun. Ef Auðunn pabbi strákana sem var skynjað um dvalarleyfi á Íslandi, hefði málað strákana brúna hefði málið strax gengið upp. 

 

Erum íslenskir og eigum fjölskyldu hér

Saga Icesavesamninganna

Það er áhugavert að rifja upp einhverja ósvífnustu tilraun vanhæfra stjórnmálamanna til þess að setja Ísand á hausinn. Þjóðin þarfa að muna eftir illvirkjunum. Auðvitað þarf rannsóknarnefnd til þess að gera þetta mál upp. 

Jóhanna hefur fundið nýjan vettvang.

Nú þegar Jóhanna Sigurðardóttir hverfur brátt af vettvangi stjórnmálanna, hefur hún augastað á nýjum vettvangi í ESB löndunum. Hún ætlar að taka þátt í Britis got talent, og hefur gefið út að hennar tími muni koma. Hún hafi ekki notið vinsælda sem forsætisráðherra á Íslandi, í raun púuð niður, en á þessum nýja vettvangi ætlar Jóhanna að slá í gegn. Fyrirmynd hennar er Jenney Cutler sem sló í gegn með laginu No regrets. Jóhanna sér heldur ekki eftir neinu og hefur ekki beðið þjóðina afsökunar.

Vonandi lærir Jóhanna af Janey Cutler að syngja, að vera skemmtileg og sýna auðmýkt. 

 

Árni kosinn formaður

Blaðafulltrúi ríkisstjórnarinnar spurði nokkurra Icesavespurninga á Bessastöðum

Jóhann Hauksson blaðafulltrúi ríkisstjórnarinnar ætlaði að þykjast vera gáfaður á Bessastöðum. Afraksturinn var afar eftirminnilegur.Aulasvipurinn á Jóhanni Haukssin og Ómari Valdimarssyni verður lengi í inni hafður. 

Svikalogn í Kópavogi?

Nú koma bæjarfulltrúarnir okkar í Kópavogir og setja á stofn forsætisnefnd, sem hefur það hlutverk að undirbúa bæjarstjórnarfundi. Þá vonast bæjarfulltrúarnir að ástand mála muni batna á bæjarstjórnarfundum. Tilurð þessa máls, er að eftir að fyrri meirihluti sprakk, eftir að Guðríður Arnardóttir oddviti Samfylkingarinnar náð að sprengja upp meirihlutann, og samstarfsflokkar Samfylkingarinnar neituðu að starfa meira með Samfylkingunni ef Guðríður yrði þar í forystu. Þetta þýddi að frúin kom arfavitlaus á fundi og ekkert var hægt að tjónka við skassið. Í stað þess að samþykkja vítur á samflokksmanneskju sína, lagði Hafsteinn Karlsson fram tillögu að siðanefnd. Í hana voru skipaðir grænjaxlarnir í bæjarstjórn, og af sérstakri ,,háttvísi" lögðu þeir fyrst til að lausnin fælist í því að margfalda persónuleg laun sín fyrir störf  sín í bæjarstjórn. Oddvitar flokkanna fölnuðu upp og fengu reglustiku lánaða úr Hádegismóum og lömdu grænjaxlana í hausinn og afturendann.

Þar sem ekkert hafði formelaga verið samþykkt, ákvað Guðríður að lengja alla fundi Bæjarstjórnar með því að gera athugasemdir við allar tillögur Bæjarráðs, sem þýðir að öll mál sem hægt hefði verið að afgreiða þar, var nú ekki mögulegt og það þýddi enn lengri bæjarstjórnarfundi. Sjálfsagt var frúin að nýta sér tækifærið sem enn gafst til að sýna innræti sitt. 

Ég ákvað að fylgjast síðan með afgreiðslu bæjarstjórnar á þessu máli. Á sama tíma var fylgst með Fésbókinni, sem báðir grænjaxlarnir notuðu til þess að níða þá á bæjarstjórnarfundinum sem ekki voru þeim fyllilega sammála. ( sjálfsagt dæmi um hið ,,nýja siðferði" ) Ef þetta þýðir ný og bætt vinnubrögð í bæjarstjórn Kópavogs þá er þekkingu minni á félagsmálaum farið að hraka.

Auka samstarf í bæjarstjórn Kópavogs

Nú styðjum við Styrktarfélag Kvennadeildar LSH

Þessi mila afrekskona hefur sýnt okkur hvað hægt er að gera ef viljinn er fyrir hendi.  Förum inn á www.lifsspor.is. og leggjum eitthvað að mörkum, eftir getu hvers og eins.Til hamingju Vilborg. 

Vilborg komin á suðurpólinn

Spá fyrir árið 2013

 

 

Hvað gerist  2013:   Sá einnig spá mína um 2012 og útkomuna.

 

Það er öllum hollt að rýna í framtíðin. Hvert stefni ég og hvað er framundan. Hvað nákvæmlega er framundan veit auðvitað enginn, en að gera sér einhverja mynd af því er alveg nauðsynlegt.  Þegar grannt er skoðað er mjög margt vitað um framtíðina !!. Fjöldinn allur af áætlunum er í gangi sem unnið er eftir. Vísinda- og tæknirannsóknir eru í gangi, sem munu breyta umhverfi okkar. Vilji menn breyta einhverju tekur það einnig langan tíma. Þannig má segja að vel sé hægt að gera spá til 3-5 ára sem hafi háa líkindaprósentu á að ganga upp !!

Við getum svo haft gaman af spádómum um dökkhærða manninn eða konuna sem þú hittir á næsta balli.  Að þú vinnir í happdrætti, stjörnuspá fyrir næsta ár osfv.

Í eftirfarandi spá minni fyrir 2013, blanda ég ýmsu saman, 50/50 reglunni,  80/20 reglunni, og fróðleik úr ýmsum áttum.

Hvað er líklegt að gerist svo 2013 og hvert eigum við að stefna ????

Stjórnmál og kosningar á Íslandi:

·        Sjálfstæðisflokkurinn vinnur varnarsigur í komandi Alþingiskosningum, fær um 35% greiddra atkvæða og 25 þingmenn kjörna. Flokkurinn mun leiða nýja ríkisstjórn 3ja flokka.   Fortíðin eltir flokkinn og kemur í veg fyrir að hann blómstri !

·        Núverandi stjórnarflokkar munu fá slæma útreið, Samfylkingin þó betri stöðu en ætla mætti,

·        Framsóknarflokkurinn nær ekki flugi, en verður samt í lykilstöðu að kosningum loknum,

·        Mikil dreifing er á fylgi minni flokkanna. Sá flokkur sem kemur á óvart er Björt framtíð og mun hann fá a.m.k. 5  þingmenn. 

·        Kunnugleg nöfn þingamanna kemst á þing  og þeir sem koma nýir inn verða þekkt nöfn úr fjölmiðlum.  Hin nýja leið til áhrifa,

·        Ekkert af stóru málum ríkisstjórnarinnar komast í gegn. ESB umsókn verður frestað um óákveðin tíma. Öll áhersla verður á EES samninginn og möguleika hans fyrir okkur í stöðunni.

 

Efnahags og fjármál á Íslandi:

 

·        Efnahagsmál verða flókin og erfið 2013, enn heldur þokast mál til betri vegar.  Allt tal um að kreppunni sé lokið er tálsýn. Bjartsýni eykst þó og innlend fjárfesting tekur við sér, sérstaklega í húsbyggingum,

·        Banka og fjármálakerfið verður endurskoðað. Erlend fjármálastofnun mun verða fengin til að leiðbeina og stjórna afnámi gjaldeyrishafta og framtíðar fyrirkomulagi fjármálakerfisins. Miklar breytingar verða í Seðlabankanum og þangað kemur nýr bankastjóri.  Nýtt húsnæðislánkerfi verður tekið upp, sniðið að þörfum ungs fólks. Hluti þess er sparnaður. Kerfið að hluta sniðið eftir kerfi nágrannaþjóða,

·        Atvinnuleysisbótakerfinu verður gerbreytt í samvinnu verkalýðsfélaga og atvinnurekenda,

·        Viðunandi kjarasamningar nást, seinna á árinu án teljandi verðbólguáhrifa. Traust skapast milli aðila vinnumarkaðarins

·        Í umhverfis- og auðlinda- og öryggismálum verður samin ný 10 áætlun um sjálfbærni Íslands í orku og öryggi. 

·        Rammaáætlun verður breytt. Norðlingaveita verður sett í framkvæmd, og  heimilt verður að virkjað í neðri Þjórsá, ef kaupandi er að orkunni.

·        Álver í Helguvík verður ekki klárað að sinni, það kemst fyrst á dagskrá eftir 5-7 ár.

 

 

 

 

 

Alþjóðastjórn – og efnahagsmál:

 

·        Umræða um endurskoðun fjármálakerfis heimsins hefst á árinu. Þjóðir heims og vandi þeirra, kallar á slíka umræðu. Það tefur þó umræðuna, hver á að leiða uppstokkunina,

·         Evrópa verður í  sárum, það tekur nokkur ár að moka flórinn.  Þetta kemur illa við okkur og ýmsa mikilvæga markaði okkar.  Leitað verður nýrra markaða í vestri, og í Asíu.

·        Evran lifir og eflist. Lærdómurinn er stýring alhliða myntar, en ekki efnahagsmála svæðisins. Evrópski seðlabankinn lærir af þeim ameríska,

·        Umhverfisvandinn kemst aftur á dagskrá. Það sem mun knýja þá umræðu eru breytingar í veðurfari, sem þjóðir heims finna á eigin skrokki. Vaxandi þrýstingur kemur frá grasrótinni.

·        Talsverður uppgangur verður í Asíu, þrátt fyrir átakapunta.  Þegar þetta svæði nær vopnum sínum, verður þar til efnahagslegt stórveldi, með heimsáhrif.

 

Listir og menning:

 

·        Mikil gróska verður í listum og menningu. Mál Hörpu verða leyst. Skapandi greinar munu taka flug.  Áætlun verður gerð um að ríkið leggi þessum greinum til 1milljarð á ári næstu 10 ár,

·        Nýr markaður er að skapast, listir og menning fyrir ferðamenn,

·        Núverandi listamannalauna kerfi  verður breytt á næstu 3 árum.  Við erum að eignast listamenn sem geta lifað af listinni,

·        3 nýjar kvikmyndir verða teknar á Íslandi á næsta ári. Við erum að meika það í kvikmyndum og poppi,

·        Ótrúleg gróska í vexti sprotafyrirtækja, eflir bjartsýni og sýnir okkur, nýjar hliðar á okkur sjálfum sem þjóð.

 

 

 

Félags- og heilbrigðismál:

 

·        Hætt verður við byggingu nýs Háskólasjúkrahúss í núverandi mynd. 1-2 nýjar byggingar verða byggðar.  Niðurskurður er komin á endastöð fjölga þarf starfsfólki og kaupa ný tæki.  Ákveðið verður að geðheilbrigðismál, fái ákveðinn forgang í kerfinu, ákvörðun sem kemur mikið á óvart.  Mikið átak verður gert í uppbyggingu hjúkrunarrýma á landsbyggðinni og á Reykjavíkursvæðinu.  Menn komast að því að þar kreppir skórinn, frekar enn að byggja nýjan spítala,

·        Lýðheilsa og hollusta tekur stórstígum framförum. Ný vakning mun verða varðandi framtíð og notkun kemískra lyfja.  Þessi mál verða leidd af nýrri kynslóð mennta- og áhugamanna.  Þessa þróun verður að vega inn í mat á þörfum fyrir sjúkrahús eins og við þekkjum þau.  Við lærum  einnig að nýta okkur í ríkari mæli alþjólega heilbrigðisþjónustu,

 

·        Málefni lífeyrissjóðanna verður ofarlega á blaði 2013 og nauðsynlegum uppskurði kerfisins lyft upp á borðið.  Gerð verður áætlun um sjálfbært kerfi til næstu 50 ára. Verður þetta gert sem hluti kjarasamninga.

·        Ný umræða hefst um neytendavernd og þátt ríkisins og alþjóðasamfélagsins í gæslu almannahagsmuna gegn hinum óhefta markaði.  Hér mun reyna á alþjóðasamvinnu og nýtt gildismat byggt á reynslu af velferðarsamfélagi nútímans.  Hugtök eins og lífsgæði og vellíðan verða sett í forgrunn.

 

 

Mennta – og skólamál:

 

·        Grunnmenntun á Íslandi er til fyrirmyndar, sama á hvað skala metið er.

·        Framhaldsskóli og háskólinn eru á villigötum. Við höfum ekki efni á því kerfi sem við höfum byggt upp. Kerfið er einnig of flókið og ómarkvisst.  Í þessu kerfi þarf að forgangsraða upp á nýtt, í hlutfalli við þarfir þjóðfélagsins og atvinnulífsins.  Mikil sóun – ofmenntun á sér stað í þessu kerfi.  Skólakerfið er ekki leikvöllur eða biðsalur ungu kynslóðarinnar, á framfæri ríkisins,

·        Skólamál eins og mörg önnur mál t.d. heilbrigðismál, þarf að meta hvað við höfum efni á að gera, sem þjóð.  Jaðarþarfir verður að leysa í samvinnu við vinaþjóðir okkar,

 

Atvinnumál:

 

·        Málefni sjávarútvegs verða tekin til endurskoðunar á árinu.  Ný leið verður farin er byggi á:

o   Auðlindagjaldi er sé álag á núverandi tekjuskattsprósentu, fyrir tækja í sjávarútvegi, veiðum og vinnslu,

o   Kerfisbreyting verði unnin  í nánu samráði við sjávarútvegsfyrirtækin og þá sem innan þeirra fyrirtækja starfa,

o   Markmiðið er hámarksnýting sjárvarauðlindarinnar,

·        Stóriðjustefna, eins og við þekkjum hana verði endurskoðuð, með þá sýn að orkuauðlindir okkar eru takmarkaðar,

·        Ferðamannaiðnaður er það nýjasta á Íslandi. Skilningur á því að ferðamanniðnaður er í eðli sínu, lálaunaiðnaður kemur til umræðu, í stefnumörkun um hvert við viljum stefna varðandi uppbyggingu þessa iðnaðar,

·        Vaxandi umræða verður um það, að íslendingar eru góðir að byggja upp fyrirtæki, en þegar þau hafa náð ákveðinni stærð, flytja þau starfsemi sína annað,

·        Ísland þarf að vera samkeppnisfært um vinnuafl og framtíð unga fólksins okkar.  Það er eina leið okkar til framtíðar að það vilji búa hér.