Verður Þorgerður Katrín næsti formaður Samfylkingarinnar?

Flokkstjórnarfundinum hjá Samfylkingunni er lokið. Það eina sem eftir situr er að núverandi formaður sagði að flokkurinn væri tilbúinn að skipta um nafn, heimili, kennitlölu, forystu og málefni, bara ef einhver vildi koma til þeirra og leiða flokkinn. Hver einstaklingur sem gengur til lags við Samfylkingarinnar vegur mikið, þar sem fylgið er nánast að hverfa. Jóhanna er orðin mjög gömul og bogin og þrátt fyrir að Hrannar skrifi ræðurnar sem eiga að blása lífi í glæðurnar, verða uppákomurnar æ aumkunarverðari. Jóhanna má ekki lengur nefna skjaldborgina, ekki hag heimila og fyrirtækja. Ekki framtíðarsýn. Það trúir hanni engir lengur. Fylgið er endanlega farið.

Nýr formaður verður að koma í brúnna ef flokkurinn á ekki að þurrkast út í næstu kosningum. Hann verður að koma að utan.  Ekki Dagur, ekki Björgvin, ekki Steinunn Valdís, ekki Árni Páll, ekki Helgi Hjörvar, ekki Egill Helgason og ekki Guðbjartur Hannesson. Jóhanna veit að hún verður að hætta.  Þegar litið er utan Samfylkingar þá er staðnemst við Þorgerði Gunnarsdóttur. Þorgerður er skörugleg og hún styður inngöngu í ESB. Auðvitað væri það mikill fengur fyrir Samfylkinguna ef Þorgerður slægi til. Hins vegar er líklegra að þetta sé aðeins dauðakippir flokksins. Aðildinni að ESB verður hafnað með yfirgnæfandi atkvæðum. Þorgerði myndi leiðast félagskapurinn. Þá verður Samfylkingin lögð niður, rétt eins og kommúnistaflokkur Austur Þýskalands eftir fall múrsins.   

„Lyktar af örvætningu“

Athugasemdir

[Helga Kristjánsdóttir, 30.5.2011 kl. 00:20]

 Það eru fleiri og fleiri orðnir andvígir ESB. sem ekki voru það áður.Því hef ég tekið eftir. 

[Anna Ragnhildur, 30.5.2011 kl. 00:37]

Enda ástæða til

[Gunnar Heiðarsson, 30.5.2011 kl. 08:24]

Það er vonandi að satt sé, að aðildinni verði hafnað af þjóðinni. Því miður er leikurinn þó mjög ójafn. Flestir fjölmiðlar styðja inngöngu og fara ekki leynt með, menntaelítan, þ.e. þeir sem mest hafa sig í frammi, er einnig mjög á um að aðild verði að staðreynd, fjármagn streymir inn í landið frá ESB, til að halda uppi áróðrinum og stjórnarandstaðan er gjörsamlega hand ónýt í málinu.

Því óttast maður að þegar þjóðin fái loks að segja sitt álit, verði búið að koma málum á þann veg að ekki verði aftur snúið.

Við skulum heldur ekki gleyma því hvers vegna ESB sækir svo á að Ísland gerist aðili. Það er ekki vegna þess að ESB telji hag sínum borgið við það að fá þetta örríki í sínar raðir, tekjur ESB sem Ísland mun leggja til eru smáaurar í því bákni, þó um stórar fjárhæðir sé að ræða fyrir okkur. ESB gerir sér fulla grein fyrir að jafnvel þó við afsölum fiskveiðilögglöfinni til þeirra og veiðarnar heimilaðar öllum ríkjum ESB innan hennar, er hagnaðurinn af því einnig bara brot af hýt ESB. Það sem sóst er eftir eru völd, völd í norðri! Fyrir þau völd er ESB tilbúið að borga stórar upphæðir fyrir.

Það kæmi því ekki á óvart þó ESB gæfi efir í sjávarútvegsmálum, enda hagur þess mjög lítill af því. Landbúnaðarmálin hér á Íslandi eru eins og örfá þokkalega stór bú í Þýskalandi, svo lítið mál er fyrir ESB að gefa það eftir að fullu. Þetta eru þau tvö mál sem helst standa í vegi aðildar. Þar að auki munar ESB lítið um að gera samninga við okkur þar sem við munum njóta styrkja umfram framlegð til ESB, í nokkur ár. Þetta gjald væri síst of hátt fyrir ESB til að ná völdum í norðri.

Eftir stendur sjálfstæðið. Sumir segja að það sé hvort eð er heft af EES samningnum og með aðild værum við orðnir aðilar að ákvarðanatöku. Auðvitað trúir enginn að svo sé, enda völd okkar innan ESB eftir aðild nánast engin.

Sjálfstæðið mun verða tekið af okkur, um það þarf ekki að deila. Með Lissbonsáttmálanum eru völd ESB orðin með þeim hætti að stjórnvöld aðildarríkja eru afgreiðslustofnanir. ESB lög og reglugerðir eru æðri lögum og reglum aðildarríkjanna. Stjórnarskrár þeirra eru marklaust plagg að því leiti er þær eru í andstöðu við lög og reglugerðir ESB.

Sumir telja sig geta verðlagt sjálfstæðið, það verður þó ekki settur verðmiði á það. Sjálfstæði er dýrmætasta eign hverrar þjóðar, án þess er ekki um þjóð að ræða heldur þræla æðra valds!!

[Sigurður Þorsteinsson, 30.5.2011 kl. 09:49]

Ályktun Samfylkingarinnar er athyglisverð.

 Við erum tilbúnin að gera allt, allt, allt til þess að komast inn í ESB. Breyta um nafn, heimili og kennitölu, um forystu, stefnu. Við erum tilbúin að segja öll af okkur, samþykkja Icesave 2, þ.e. taka upp Svavarssamninginn aftur bara ef að við fáum að komast í ESB. Fólkið gengur frammhjá, heyrir ekki eða sér þetta ESB lið. Tími þess er liðinn. 

[Vilhjálmur Stefánsson, 30.5.2011 kl. 13:37]

Sennilega verður hinn nýi formaður annað hvort Þorgerður Katrín eða Ragnheiður Ríkharðsdóttir...

[Gunnlaugur I., 30.5.2011 kl. 14:05]

Sæll Sigurður.

Ég tek undir með þér. Sjá þetta aumkunnarverða ESB hyski Samfylkingarinnar sem í örvæntingu sinni er nú á hörðum flótta, fram af björgum, eins og læmingjar !

Allt er falt fyrir það eitt að koma sál þjóðarinnar í ESB skjóðunni milli stafs og hurðar í Gylltu sölum ESB Elítunnar í Brussel.

Aumara getur það ekki orðið !

Hvað verður svo um þennan öfgafulla sértrúarsöfnuð sem hefur gefið eftir nafn sitt og sögu og allar hugssjónir sínar og stefnu fyrir þetta eina mál.

Þegar þjóðin hafnar ESB inngöngu með miklum mun, þá er ekkert eftir !

Þá getur þessi öfgafulli sértrúarsöfnuður sameinast trúfélaginu Krossinum og hætt að skipta sér af stjórnmálum næstu 30 árin, því þangað hafa þeir ekkert erindi til að boða þjóð sinni.

Með fullri virðingu fyrir þér og varnaðarorðum þínum Gunnar Heiðarsson, þá er ég alls ekki svona svartsýnn. Fólk sér í gegnum loddaraskapinn og blekkingarnar hjá þessu ESB hyski og þeirra leigupennum og öðrum meðreiðarsveinum !

Við skulum herða á flóttanum hjá þessu ESB hyski, þeir hafa hrakist úr einu víginu í annað sem jafnharðan falla svo yfir þá.

Blekkingar þeirra og lygar skulum við halda vel til haga og sjá til þess að þeir geti aldrei þvegið þann óhroða af sér !

[Ásthildur Cesil Þórðardóttir, 30.5.2011 kl. 18:50]

Kemur ekki Siv Friðleifsdóttir líka til greina, eða er Össur bara búin að útvega henni gott starf í Brussel?

[Sigurður Þorsteinsson, 30.5.2011 kl. 20:05]

Ásthildur, Siv kemur víst ekki til greina. Hún fékk einn pakka af Wrigleys tyggigúmmí að sögn, þá er ekki verið að eyða í hana formanninum. Það eru svo margir sem ganga með formanninn í maganum. Þetta verður flott á mynd. Nýr aðkeyptur formaður, á flokki sem á eftir að stofna, og Siv blæs ESB tyggjókúlur.

[Ásthildur Cesil Þórðardóttir, 30.5.2011 kl. 23:42]

Hahahahaha

[Gísli Foster Hjartarson, 20.6.2011 kl. 20:11]

Skrýtið að burtséð frá allri pólitík, eða einhverri annarri tík, að þá finnst mér sífellt fleiri vilja klár viðræðuferlið við ESB sama hvað menn kalla það og greiða svo bara um það atkvæði. Það eru bæði gallar og kostir við þetta eins og allt annað í lífinu. EN umræðan þarf að fara komast á það plan að við sjáum hvað mun gerast. Hvað verður um tolla afslætti. Munu lánakjör til fólks batna og allt slíkt. Er eðlilegt að 30 milljón króna húsnæðislán til 30 ára kosti þig í Þýskalandi 35-37 milljónir en samskonar lán á Íslandi fer í um 100 milljónir - er þetta eitthvað sem við eigum bara að sætta okkur við? Ég var að vona að þegar þetta ferli færi af stað þá myndi hinn almenni borgari skoða málið út frá eigin rassvasa og krefjast svara við hinu og þessu og hér myndi kannski skapast sá þrýstingur að stjórnmála og ráðuneytisgengið þyrfti að fara að vinna ærlega fyrir kaupinu sínu - en ég er farin að halda að það hafi aðeins verið draumur minn og hér vilji fólk bara sitja áfram í bátnumog róa í hringi.