Ráðherra ókunnugt um skatta á þungaiðnað!!!!!!

 Áður en fjárlagafrumvarpið og greinargerðin með því voru lögð fram á Alþingi hafði Katrín Júlíusdóttir iðnaðarráðherra aldrei heyrt minnst á að gert væri ráð fyrir 16 milljarða tekjum af umhverfis-, orku- og auðlindasköttum.

Hér er enn eitt dæmið um það að verið er að halda lífi í ríkisstjórn, sem er fallin. Ríkisstjórnin féll strax á Icesave samningum. Samningurinn var svo skelfilegur að aldrei var möguleiki á að hann færi í gegnum þingið. Það að leiðrétta slíkan samning eftirá eins og Alþingi reyndi að gera, er nánast útilokað verk. Hollendingar og Bretar höfnuðu þessum fyrirvörum. Skynsamlegast hefði eflaust verið að Alþingi hefði fellt samninginn, til þess að komast strax á þann punt, sem vinna þurfti frá. Vinnan við fyrirvarana sýndi þó að Alþingismenn geta unnið saman að lausn verkefna, þvert á flokka.

Stjórnin er fallin. Þessi framkvæmd á fjárlögum sýnir það vel. Steingrímur fer til Tyrklands og ræðir við ráðherra Hollands og Bretlands, gerir þeim grein fyrir stöðunni. Það kæmi ekki á óvart að eftir heimkomuna segi stjórnin af sér. Icesave málið fer aldrei aftur fyrir þing.

Það verður áhugavert að lesa bók um þessa ríkisstjórn, þar sem allt kæmi upp á borðið, eftir einhver ár. Þetta er reyfarakenndur farsi. Gæti heitið síðustu dagar stjórnarinnar.

Ráðherra ókunnugt um skatta á þungaiðnað

Athugasemdir

[Arnar Geir Kárason (IP-tala skráð) 3.10.2009 kl. 15:57]

Ertu ekki búinn að heyra það að upphaflega átti að leggja þennan skatt á hænsna og eggja framleiðendur.  Landbúnaðarráðherra stoppaði það af þegar það barst til hans vitundar því hann hefur séð það að það myndi fækka í þeirra kyni við þessar aðgerðir.

[Jón Páll Haraldsson, 3.10.2009 kl. 16:47]

Elsku besta Jóhanna!!!

Vilt þú vera svo væn að láta þann tíma sem þú hefur reynt að stjórna, vera þinn tíma og viðurkenna Íslandi til heilla, að þinn tími sé nú búin.

Það er ekki hægt að trúa á fólk sem leggur fram mikilvægast frumvarp hvers árs, þ.e. fjárlagafrumvarpið og hafa á síðustu stundu hent inn RISA nýjum skattstofni og það hafði ekki verið rætt við hluteigandi ráðherra og þá sennilega ekki við ríkisstjórnina.  Það bara datt einhverjum þetta í hug og þá var þessu hent inn.  Hvernig í ósköpunum eigum við að laða erlenda fjárfesta til íslands þegar þeir geta vænst svona vinnubragða

[Arnar Geir Kárason (IP-tala skráð) 3.10.2009 kl. 16:56]

Það er klárt mál að við gerum það ekki með þessa ríkisstjórn.  Hún þarf að víkja.  Ef ekki af eigin frumkvæði þá er komin tími á nýja byltingu.

Stóra spurningin er engu að síður hvað fáum við í staðinn ?  Þjóðstjórn? Nýjar kostningar ?  Þjóðstjórn með utanþingsráðherra ?