Óþarfa skammir

Árni Páll Árnason hefur verið skammaður talsvert þann tíma sem hann hefur verið ráðherra. Hagsmunasamtök heimilanna telja að of lítið hafi verið gert til þess að styðja skuldsett heimili. Fyrst var eins og Árni skildi ekki vandann, en síðan hefur komið til greiðsluaðlögun og síðan að málin verði skoðuð nánar. Það er öllum ljóst að frekari aðgerða er þörf.

Nú kynnir ráðherrann úrræði fyrir ungt fólk og ég hef nánast eingöngu heyrt gagnrýnisraddir varðandi þessar aðgerðir. Held að það stafi fyrst og fremst af því að málin séu ekki skoðuð nógu vel. Þeir sem unnið hafa með ungu fólki vita að það er ekki nóg að láta margt ungt fólk fá fjármuni og síðan ekki söguna meir. Sjálfsmat margra er mjög slæmt og því eru önnur úrræði mjög mikilvæg.

Allt sem gert er orkar tvímælis, en þetta er spor í rétta átt. Það geta verið sérstakar aðstæður sem bregðast verður við hjá einhverju af unga fólkinu, en þau tilfelli verður að skoða eins og í öllum kerfum. Árni á hrós skilið fyrir að stíga þetta skref.

Úrræði fyrir 2.400 ungmenni

Athugasemdir

[Gísli Ingvarsson, 17.12.2009 kl. 20:16]

Já menn verða að skoða verkefnin hvert fyrir sig. Mikið væri gott ef menn þyrðu að taka svona afstöðu sem kosnir eru á þing. Það á að vera hægt að hrósa andstæðinum sínum án þess að missa trúverðugleika fyrir afstöðu til annara umdeildra mála. Gott hjá þér Sigurður.

[Sigurður Þorsteinsson, 17.12.2009 kl. 23:34]

Gísli ég lít ekki á Árna sem mótherja minn í pólitík. Ég var honum sammála þegar hann vildi auðvelda þjóðinni að fara fram á þjóðaratkvæðagreiðslu. Það gerði lýðræðið virkara. Ég er honum hins vegar ósammála þegar þessi grundvallarhugsun á ekki að gilda um Icesave, ekki síst þegar nú ítrekað kemur fram að 70% þjóðarinnar er á móti ríkisábyrgð á Icesave miðað við núverandi forsendur. Ég var Árna sammála að láta reyna á aðildarviðræður við ESB þegar um 70% þjóðarinnar var þeirrar skoðunar. Hins vegar erum við ósammála um að það náist ásættanlegar niðurstöður í þeim viðræðum.

Hins vegar er ég sannfærður um að við erum sammála um mjög mörg mál. Öll leiðtogaefni þurfa að sjóast. Leiðtogar byggja þá því að nýta lýðræðið og það lofar ekki góðu að fara gegn miklum meirihluta þjóðarinnar í stórum málum. Árni Páll getur orðið skrambi góður  leiðtogi. Til þess þarf hann að hlusta og koma með lausnir. Það hefur hann nú gert fyrir þetta unga atvinnulausa fólk, það lofar góðu.

[Sigurbjörg Eiríksdóttir, 18.12.2009 kl. 08:33]

Gott að sjá að það er fólk til sem sér ekki allt í svart-hvítu. (Eða blá-rauðu:))..Sem betur fer er til gott fólk og réttsýnt í öllum flokkum.

Kveðja.

[Finnur Bárðarson, 18.12.2009 kl. 15:58]

Ég gæti stillt upp ríkisstjórn þar sem væru komnir menn og konur úr öllum flokkum. Myndi t.d. hiklaust setja Illuga ofarlega á listann.

[Sigurður Þorsteinsson, 18.12.2009 kl. 21:22]

Það væri áhugavert að setja saman lista, þar sem fagmennska yrði í fyrirrúmi. Lilja Mósesdóttir er t.d. spennandi kostur svo og Tryggvi Herbertsson. Ragna Árnadóttir finnst mér vera mjög vaxandi ráðherra og Gylfi Magnússon hefur getu þó hann hafi leikið af sér nokkrum sinnum.

[Ragnar G, 20.12.2009 kl. 09:04]

Við eigum eftir að lesa skýrslu rannsóknarnefndar um hrunið og þar á nafn Illuga örugglega eftir að koma upp þar sem hann sat í stjórn sjóðs 9 hjá Glitni hf. þetta var sjóður sem átti aðallega að fjárfesta í ríkisskuldabréfum og gerði þvert öfugt og fjárfesti í skuldabréfum útrásarvíkinganna.

Eru það svona menn sem við viljum að stjórni Íslandi??