Stórmerkileg Gallup könnun!

Litlar hreyfingar eru á fylgi flokkana samkvæmt nýjustu skoðanakönnun hjá Gallup. Sjálfstæðisflokkurinn bætir örlitlu við sig á sama tíma og Samfylkingin og VG dala örlítið. Nýju öflin eru ekki sýnileg svo neinu nemi enn sem komið er. Það sem vekur athygli er að í kjölfar landsfunda flokkana hefur verið tilhneigingin að með aukinni fjölmiðlun í tengslum við landsfundina, þar sem forystumönnunum gefst tækifæri á að koma áherslum sínum a framfæri hækkar fylgi þeirra. Samfylking og VG hafa nýlega klárað sína landsfundi og hefðu átt að bæta við sig, en gera það ekki. Ríkisstjórnin er enn með stuðning þriðjungs kjósenda.

Þetta hlýtur að vera mikið áhyggjuefni fyrir stjórnarflokkana, og fulltrúa þeirra á fjölmiðlunum sem vilja sem minnst ræða um niðurstöður skoðanakannana. 

Framboð til formanns?

Hanna Birna Kristjánsdóttir kom fram í Kastljósi í kvöld. Hún var ákveðinn eins og við gátum átt von á og stóð sig að mörgu leiti vel. Hún er mjög öflug í Borginni og er líkleg til að verða næsti borgarstjóri í Reykjavík ef fram vindur sem horfir. Hún skautaði vel í gegnum orrahríð Sigmars Guðmundssonar. Sum svör hennar voru afar góð, önnur þess eðlis að erfitt væri að spyrja aftur, en vafasöm. Þegar hún svarði um undirbúning kosningabaráttu hennar fór hún rangt með. Þeta var eitthvað stutt og nánast óvænt. Það vita allir sem til þekkja að það er rangt.

Búið er að gera tvær skoðanakannanir sem hafa komið mjög á óvart. Þær eru eignaðar Ásdísi Höllu Bragadóttur. Til var ætlast að Bjarni Benediktsson dragi sig í hlé. Á þessum skoðanakönnunum tóku menn takmarkað mark. Stöðumat í dag er að Hanna Birna gæti fengið 30-40%. Í kvöldfréttum sagði Ólafur Þ. Harðarson að Hanna Birna hefði engu að tapa. Það er mitt mat að það sé rangt. Í tvígang hefur komið fram mótframboð, fyrst Kristján Júlíusson, þá Pétur Blöndal. Ef einhverjum þykir þau framboð hafa styrkt þá Kristján og Pétur, þá hefur það hugsanlega verið í byrjun. Ef Hanna Birna hefði boðið sig fram í júlí eða ágúst, hefði hún komið sterk út úr þeirri kosningabaráttu, en að fara fram tveimur vikum fyrir Landsfund, eftir misheppnaðar fléttur mun það veikja hana á landsvísu til framtíðar. Mín spá er að framboð hennar með aðdraganda þess, muni þýða að hún muni ekki vinna nú, og heldur ekki í framíðinni. 

Björn gefur ekki upp afstöðu sína

Er hagkerfið að ofhitna?

Í góðri efnahagstjórn þurfa aðgerðir Seðlabanka og ríkisstjórnar að vinna saman. Þetta er eitt af því sem fór úrskeiðis í ofþennslunni fyrir hrun. Tæki Seðlabankans til þess að minnka þennsluna og verðbólgu er að hækka vexti. Fyrir hrun höfðu vaxtahækkanir hins vegar ekki næg áhrif þar sem stór hluti lánanna voru verðtryggð eða gengislán. Ríkisstjórnin hefði getað dregið úr þennslunni en gerði ekki.

Nú eru allt aðrar aðstæður. Við þurfum tilfinnanlega aukin umsvif í atvinnulífinu og meiri einkaneyslu. Helsta vandamál okkar er hátt atvinnuleysi og stöðnun. Við þessar aðstæður ákveður Seðlabankinn að hækka vexti. Ástæðan er einhver hækkun verðbólgu. Þessi verðbólga er hins vegar ekki eftirspurnarverðbólga heldur á sér ástæður m.a. í skattahækkunum.

Með breyttri samsetningu útlána, yfir í óverðtryggð lán hefur þessi vaxtahækkun meiri áhrif en áður.   

Stjórnendur Seðlabankans koma eflaust með þau rök að ef verðbólgan hækkar eigi að hækka vexti. Ef málið er svona einfalt er hægt að búa til einfalt reiknilíkan og senda þessa gutta heim tíl sín. Í varanlegt frí!

 

Vaxtahækkun bítur fast á fyrirtæki

Sanngjörn hækkun á aðgangseyri í sund!

Við eigum afar glæsilegar sundlaugar og okkur finnst sjálfsagt að það kosti lítið að fara í sund. Eftir hrun er hefur gjaldið ekki hækkað miðað við verðlag almennt. Sjálfsagt vilja yfirvöld halda verði á slíkri þjónustu þannig að almenningur geti farið í sund.

Ég fer reglulega í sund og það vekur athygli mína að þar eru æ fleiri útlendingar. Erlendir gestir mínir fara yfirleitt daglega á sundstaðina og eftir hrun hafa þeir orð á því að sundlaugargjaldið sé óeðlilega lágt. Hækkun á verðinu mun ekki minnka aðsókn ferðamanna svo neinu nemi. 

Hugmyndir um að hækka verð í sund á stökum miðum eru fyllilega eðlilegar. Það er engin ástæða til þess að íslenskir skattborgarar niðurgreiði sundferðir fyrir erlenda ferðamenn. Afsláttarkort á kennitölu er þá hægt að hafa hagstæð ef vilji er til þess að hafa lægra gjald til Íslendinga.

Ef þessi hækkun gefur rými til lengri opnunartíma eða viðbótarþjónustu er það að sjálfsögðu frábært.