Það er allt hægt!

Ég sá leikinn Þýskaland - Ísland í þýska sjónvarpinu. Leit ekki vel út í byrjun og þulirnir áttu ekki orð til þess að lýsa hversu góðar þýsku stelpurnar voru. Smá saman fór að renna tvær grímur á þá þýsku. Í lokin viðurkenndu þeir að íslenska liðið hafi einfaldlega veriðið miklu betra. Óvæt og verulega sætt. Nú eru það kívnerjarnir á föstudaginn. Áfram Ísland.

Það er allt hægt. 

Glæsilegur sigur á Þjóðverjum

Ingibjörg Sórún kveður Samfylkinguna.

Samkvæmt fréttamiðlum á vinstri vængum hefur Ingibjörg Sólrún sagt sig úr Samfylkingunni. Ástæðurnar eru eflaust margar, en ein er sögð sú að Jón Baldvin Hannibalsson ætlar að halda námskeið um Rannsóknarskýrslu Alþingis. Allir mega vita hvaða útreið Ingibjörg Sólrún fær á því námskeiði. Jón Baldvin þolir ekki Ingibjörgu Kvennalistakerlingu, en hann þolir heldur ekki Jóhönnu Þjóðvakaformann, né Jóhönnu Allaballa. Ingibjörg þolir ekki Jón Baldvin Alþýðuflokksformann, og illa þolir hún Jóhönnu Sigurðardóttur sem er kominn með Samfylkinguna í ferðalag fram hjá Norðurlöndunum og langt inn í Sovétríkin. 

 

Allir vita svo að Jóhanna þolir ekki Jón Baldvin, sem er víst einmitt ein helsta ástæðan fyrir því að Jón Baldvin er beðinn um halda námskeið um Rannsóknarskýrsluna hjá Samfylkingunni í Reykjavík. Ekki er talið ólíklegt að Jón Baldvin skelli því þar fram að Jóhanna hefði átt að segja af sér, vegna tengsla sinna við hrunið. 

 

Þetta skýrir að hluta að Samfylkingin er að liðast í sundur. Jón sem er svo mikill prinsippsmaður, að ef hinir foringjarnir gera ekki eins og hann vill, er það óalandi og óferjandi. Vinur minn er harður jafnaðarmaður studdi einu sinni Alþýðuflokkinn. Hann hélt að væri jafnaðarmannaflokkur og sagði sig úr flokknum þegar Jón Baldvin Hannibalsson hélt afmælispartý heima hjá sér. Áfengið í veisluna var talið hafa verið borgað af hinu opinbera. Þetta þótti vini mínum vera prisnippmál, sem Jóni Baldvini fannst ekki. Vinurinn gekk þó aftur í flokkinn, en sagði sig snarlega úr honum aftur  þegar Bryndís Schram eiginkona Jón Baldvins, reyndi að lauma nokkrum kjötstykkjum í gegnum tollinn, við komuna til Keflavíkur. Jóni Baldvini prinsippmanni þótti lítið til þessa koma. 

 

Var ekki einhver að tala um að öll dýrin í skóginum ættu að vera vinir?

Á leiðinni til alræðis!

Steingrímur Sigfússon leggur áherslu á að yfirstjórn efnahagsmála eigi að vera á einni hendi, hjá honum sjálfum. Mistök fyrri tíma sé valddreifing. Auðvitað voru það mistök að senda  Svavar Gestsson til að semja um Icesave, senda hefði átt Steingrím Sigfússon. Það er sjálfsagt rétt hjá Steingrími að með því að hafa öll völd hjá einum manni, verður ákvarðanatakan samræmdari.

Það eru mörg þekkt dæmi um slíka skipan mála, og svo geta menn deilt um árangurinn. Skoðum t.d. Stalín á sínum tíma. Hann hafði allt vald hjá sér og var lengi við völd. Þeir sem ekki voru sammála áttu það til að hverfa, sjálfsagt af hræðslu. Svo var það einn í Þýskalandi .... 

Voru einhverjir sem voru með efasemdir um að þessi ríkisstjórn stefndi á alræðisstjórnarhætti?

Yfirstjórn efnahagsmála á einum stað

Annað hvort Dagur Eggertsson eða Jón Gnarr næsti viðskiptaráðherra

Það er ekki að ástæðulausu að Árni Páll er kominn undir höggstokkinn sem viðskiptaráðherra. Hann ákvað sjálfur að hlýða Jóhönnu eins og hundur, sem félagsmálaráðherra og var bjargað úr ráðuneytinu illa á sig kominn. Eftir að hann kom í viðskiptaráðuneytið hefur drengurinn aðeins braggast. Hann hefur  af og til að undanförnu tekið sjálfstæða ákvörðun og það eru kattaviðbrögð sem á ekki upp á pallborðið hjá Jóhönnu. Hún veit að Árni Páll hefur sóst eftir að vera eftirmaður hennar og ekkert sem hún gæti klekkt betur á Árna Páli en að setja hann af sem ráðherra. Jú, enn betra væri að setja hinn kandi­datinn Dag Eggertsson í stöðuna. Besta útskpilið til þess að klekkja á þeim báðum gæti verið að skipa  Jón Gnarr í stððu viðskiptaráðherra. Bónusinn við þá ráðstöfun væri að þá gæti hinn ógurlegi skeifusvipur forsætisráðherra horfið af og til.

Veit ekki hvort hann heldur stólnum

VG orðið að vörtu á Samfylkingunni!

Það lá fyrir við tilkomu þessarar rikisstjórnar að sambandið milli flokkanna var eitrað. Við hrunið vildi Geir Haarde fá Steingrím og VG inn í ríkisstjórnina. Ingibjörg og Samfylkingin neituðu. Það er engin spurning að á þessum tíma hefið það verið þjóðarhagur að fá VG inn.  Hagsmunir Samfylkingarinnar voru settir ofar öllu öðru. Nú skal Jón Bjarnason út því hann stendur í vegi fyrir hagsmunum Samfylkingarinar með því að standa vilja þjóðarinnar.

Í skoðanakönnunum kemur fram að þessi framganga Samfylkingarinnar þéttir stuðningsmannahóp flokksins, á sama tíma og fjaðrirnar fjúka af VG. Þar með er Samfylkingin orðinn leiðandi í ríkisstjórninni og eðli slíks samstarfs þýðir hrun fyrir smáflokkinn í ríkisstjórn. Hann minnkar með hverri vikunni fram að kosningum. 

 

 

Stjórn VG ræðir ráðherramál

Alveg rosalega flottar!

Við getum ef við viljum! Frábær sigur hjá stelpunum í Brasilíu gegn Svarfjallalandi. Margt bendir til þess að við séum að vinna hlutina af meiri fagmennsku en áður í íslenskum íþróttum. Þetta gefur vonir um að við gætum náð athyglisverðum árangri í kvennahandboltanum eins og í kvennafótboltanum. Þetta er gott fyrir þjóðarstolltið sem er laskað um þassar mundir.

Ísland vann fyrsta leik á HM

Eitt skref til vinstri.....

Árni Páll er er annar tveggja ráðherra Samfylkingarinnar sem teldist til Alþýðuflokksarmsins. Framgagna hans í skuldavanda heimilanna skapaði honum ekki vinsældir. Hann sagði eitt í dag og annað á morgun, trúverðugleiki hans sem félagsmálaráðherra var aumkunarverður. Í herbúðum Samfylkingarinnar láku upplýsingar, sem sögðu að þessar ákvarðanir væru alls ekki Árna Páls, eldur kæmu fulleldaðar frá fyrrverandi félagsmálaráðerra Jóhönnu Sigurðardóttur. Árna Páli hafi verið misboðið. Í stað þess að reka hann strax úr ríkistjórninni var hann færður í ráðherra efnahags og viðskiptaráðherra, þar sem ekki reyndi mikið á kappann. Jóhanna vill ekki neina miðju eða hægri krata í sínum flokki og því er Árna Pál fórnað.

Önnur kenning um brotthvarf Árna Páls er að hann sé búinn að fá nóg af Austur þýska kommúnistastipmlinum og hann vilji yfirgefa skútuna áður en hún sekkur. 

Þriðja kenningin er að koma eigi Árna Pál fyrir í Brüssel.

Nú spyrja menn bara hver verður höggin næst í Samfylkingunni. Verður það Katrín Júlíusdóttir eða Guðbjartur Hannesson.

Þetta var eitt skref til vinstri, í átt þil þess sem menn eru komnir upp í kok á að lifa með. Sveijattann. 

 

Árni Páll sagður vera á útleið

Að syngja saman

Frábært framtak í tilefni  af degi íslenskrar tónlistar. Þjóð eins og danir eru opnari en við og þar þykir sjálfsagt að taka lagið. Það er ekki bara þegar þeir eru að hygge sig, eða fá sér ,,en lille en" sem þeir gera þó oft. Þetta léttir braginn og styrkir sambönd. Ekki spurning ég verð með kveikt á tækinu kl. 11,15 og tek undir og fæ vinnufélaganna með.

Syngjum saman í dag

Skúbbið: Nýr forsætisráðherra tekur við um áramótin.

Það hefur lengi legið á borðinu að Jóhanna Sigurðardóttir veldur engan veginn hlutverki sínu. Hún er þreytt og súr, og hefur enga stefnu. Þetta fer aldrei vel saman og því hefur stuðningur við Jóhönnu frarið úr 65% niður í nánast ekki neitt. Þeir sem styðja Jóhönnu virðast búa neðanjarðar, því enginn slíkur gefur sig upp.

Innan Samfylkingarinnar er enginn kand©dat, og því hefur verið leitað til VG. Þar er ekki margir sem koma til greina. Steingrímur Sigfússon er brenndur af Icesave, og flestir aðrir skaddaðir. Þegar leitin er erfið á lausnin til að dúkka upp, þegar síst skyldi. Ríkistjórnin er í erfiðleikum með einn ráðherrann núna, þ.e. meira en aðra, Jón Bjarnason. Samfylkingin vill Jón úr embætti, en Jón vill ekki fara a.m.k. ekki úr ráðherrastólnum. 

Lausnin kom seint í gærkvöldi, Jón Bjarnason tekur við sem forsætisráðherra um áramót. Þá er hann ekki að ,, þvælast fyrir" ESB viðræðunum og það er það eina sem skiptir Samfylkinguna máli.  

Fjárlögin áður en Jón víkur

Öfgahreyfingar í trúmálum.

Ég minnist þess í eitt sinn þegar ég ákvað að fara með nemendur mína í kirkju. Faðir eins nemandans hafði samband við mig og sagði mér að sonur hans væri ekki kristinn. Hefði af þeim sökum  ekki fermst. Þetta kom mér á óvart vegna þess að þessi nemandi var gott dæmi um einstakling sem ég mat að virti  kristin gildi. Ég játa að ég hafði ekki tekið tillit til þess að einhverjir í hópnum voru ekki kristnir og baðst afsökunar. Viðkomandi tók ekki þátt, en ég ræddi málið við hann og ég fann að hann virti það.

Boðun nemenda minna til kirkjuferða mótaðist af þeim mistökum sem ég gerði. Að sjálsögðu á að taka tillit til þeirra sem ekki vilja taka þátt, og ekki láta þá einstaklinga gjalda þess á neinn hátt. 

Tveimur árum síðar fór ég með sama hóp í kirkju og þá mætti þessi nemandi sem ekki kom tveimur árum áður. Hann hafði sjálfur tekið afstöðu. Þó ég fagnaði því í hjarta mínu, sýndi ég engin viðbrögð. 

Mannréttindaráð Reykjaíkurborgar hefur  látið fámennan öfgahóp móta ályktanir sínar, og það segir fyrst og fremst eitthvað um meðlmi þessa ráðs. Það kom mér fyrst og fremst á óvart að Margrét Sverrisdóttir skuli stýra  því batterí. Það er henni til minnkunar. 

 

Með sama sniði og fyrr