Umsókn í jarðaförina

Nú þegar Evran er að hrynja og vaxandi efasemdir eru um Evrópusambandið, þvingar Samfylkingin VG til þess að fara í formlegar aðildarviðræður. Erfiðleikarnir eru miklir og þau ríki sem betur eru sett verða að leggja meira fram. Talið er að aðeins sé tímaspursmál hvenær einhverjum ríkjum verði vísað úr Evrusamstarfinu. Við værum ekki að fara í ESB til þess að hagnast fjárhagslega, þó ennþá séu aðilar sem halda slíku fram. Uffe Elleman Jensen hefur lengi varað Íslendinga við að halda slíkri firru fram. Hann hefur ítrekað sagt að þjóðir verði  að fara inn af pólitískum ástæðum. Það heyra stuðningsmenn aðildar ekki. Það sjá þeir ekki og það skilja þeir ekki. 

Innan Samfylkingarinnar er samstaðan að bresta. Arni Páll og fleiri sem telja sig til frjálslyndra Samfylkingarmanna eru búnir að fá nóg. Þeir vissu ekki að stefnan væri á Sósíalismann. Hraðlestin heldur hins vegar áfram án möguleika að stöðva gripinn. 

ESB umsóknin  er nú alfarið í boði VG. 

ESB vill fá eigin fjármagnsskatt

Uppgjörið í Samfylkingunni hafið!

Það hefur lengi legið í loftinu að það er mikill urgur í frjálslindum jafnaðarmönnum í Samfylkingunni. Með  Jóhönnu Sigurðardóttur hefur Samfylkingin færst yfir í mjög vinstrisinnaðan flokk, ekki fjærri gamla Alþýðubandalaginu. Með henni fylgja aðilar eins og Skúli Helgason, Mörður Árnason og Helgi Hjörvar. Jóhanna sem hefur látið á sjá, er ekki talin skrifa neitt af því sem hún kemur með opinberlega. Enda er flutningurinn arfaslakur. Óánægjan er ekki bara með Jóhönnu heldur einnig Hrannar Arnarsson sem hefur komist í völd sem talið er að hann hafi enga getu til. Útkoman er að þingmenn eins og Katrín Júlíusdóttir, Árni Páll Árnason, Dagur B. Eggertsson og Magnús Schram eru eins og staddir í rangri jarðarför.

Nú stígur Árni Páll Árnason  og mótmælir stefnu Jóhönnu Sigurðardóttur í sjávarútvegsmálum. Hann segir stefnuna ekki ganga upp og  hún sé ekki leiðin að norræna velferðarkerfinu. Það er eins og að renna upp fyrir Árna að þangað var leiðinni heldur aldrei ætluð. Fyrirmyndin var gamla Austur Þýskaland. Samfylkingin var utan stjórnar í 16 ár, en árangur þessa ríkisstjórnarsamstarfs mun þýða að þegar kosið verður að nýju mun Samfylkingin verða mun lengur utan stjórnar. Þetta gera æ fleiri frjálslyndir Samfylkingarmenn sér grein fyrir og vilja breyta stefnu eða hoppa af lestinni áður en á áfangastað er komið. 

Náði grunnskólaprófi!

Sagan segir okkur frá samfélögum þar sem þekkingarleysið og heimskan er dýrkuð. Það á t.d. við í  Kambodíu í tíð Rauðu  khmerarna og Afganistan í tíð Talibanana. Öll þekking og reynsla er af hinu illa. Það er í austurátt sem VG leitar fanga. Mest er það frá Austur Þýskaland sem er í hávegum haft en áhrifin eru einnig bæði frá Rauðu khmerunnum og Talibönunum, losa sig við alla sem hafa aflað sér menntunar. Þannig var mikill fögnuður í VG þegar þau Atli Gíslason og Lilja Mósesdóttir gáfust upp á VG eða þeim ýtt út.

Atli Gíslason hefur verið virtur lögmaður en  Lilja Mósesdóttir er doktor í hagfræði. Margir litu til Lilju sem aðal efnahagssérfræðings VG og var hún sett í   Efnahags- og skattanefnd. Lilja er Dr. phil. í hagfræði frá University of Manchester Institute of Science and Technology (UMIST) Management School 1999.  Arftaki Lilju Mósesdóttur sem efnahagsérfræðingur VG er Lilja Rafney Magnúsdóttir. Á vef Alþingis má lesa að hún hefur grunnskólapróf Reykjum í Hrútafirði 1973 og hefur síðan sótt ýmis námskeið.

Lilja Rafney Magnúsdóttir er einnig formaður í sjávarútvegs- og landbúnaðarnefnd. 

 

Íslandsmeistararnir lagðir fyrir vestan!

Bikar er bikar og í honum getur allt gerst, sem reyndar er ekki alveg rétt. Við getum hins vegar átt von á óvæntum úrslitum. Þegar Breiðablik kemur á Ísafjörð á móti hungruðu liði heimamanna og með Guðjón Þórðarson sem þjálfara þá eru sannarlega möguleiki. Þettur varnarleikur með skyndisóknum skilaði vestfirðingunum áfram. Reyndar er tapið smá áminning fyrir Blika, um að þeir megi vera örlítið beittari á stundum. Sigurinn á örugglega eftir að gefa BI/Bolungarvík styrk í baráttunni í 1 deildinni. Leikurinn var sýndur beint á bibol.is og sjálfsagt verður hægt að sjá hann þar aftur. Stórgóð skemmtun.

Blikar féllu úr bikarnum á Ísafirði

Áhugaverðar breytingar í pólitíkinni.

Fylgi við ríkisstjórnarflokkana heldur áfram að minnka og verður komið undir 30% með haustinu. Eins og einn góður vinur minn úr VG sagði við mig:

,,Eftir að þjóðin verður búin að kolfella ESB aðild, gengur þa sem þá verður eftir af  Samfylkingunni í VG. Þá munum við samt ekki ná 15% fylgi."

Lausnin hefur  hins vegar komið fram en það er að sameinast Besta flokknum. Jón Gnarr og Besti flokkurinn sæji þá um að vera skemmtilegir og VG hugmyndafræðina. Þetta tvennt virðist fara afar ílla saman hjá VG.  Viðbótahugmyndin eftir sameiningu er að fá til sín Götuleikhúsið og vera með uppákomur. Ein hugmyndin er fengin frá listahátíð, láta pólitíkusa dingla. 

Mér finnst hugmyndin snilld. Ef þeir hengja til dæmis þær Ólínu Þorvarðardóttur og Álfhildi Ingadóttur upp á Austurvelli skal ég koma og horfa á. Meira að segja borga mig inn. Aldrei myndi ég koma til þess að hlusta á þær tala. 

Pólitíkin er að taka á sig nýjar víddir. 

Munur milli deilda

Í bikarkeppninni geta óvæntir hlutir gerst. Þá taka þátt lið úr öllum deildum þó liðin komi inn í keppnina á misjöfnum tíma eftir í hvaða deild liðin spila. Lið sem er í efri hluta 2. deildar ætti að eiga möguleika á móti liði í neðri hluta 1. deildar og lið í efri hluta 1. deildar ætti að eiga góða möguleika í neðri lið úrvalsdeildar.

Skoðum aðeins úrslitin í bikarkeppninni. Fjölnir vinnur Hamar frá Hveragerði sem er í efsta hluta 2. deildar naumt. Það ætti að gefa Hamri byr undir vængi, því Fjölnisliðið gæti orðið í baráttunni um úrvalsdeildarsæti í ár. 

Grindavík sem er í neðri hluta úrvalsdeildar vinnur HK naumt 2-1, en HK er í neðsta sæti 1. deildar. HK skipti um þjálfara í vikunni og þessi úrslit ættu að gefa liðinu sjálfstraust. 

Loks vinnur Þróttur sem er um miðja 1. deild, neðsta deild úrvalsdeildarinnar nokkuð örugglega 3-1. Það er gleðilegt fyrir Þrótt, en ætti að valda forráðamönnum Framara áhyggjum. Það bendir til þess að slæm staða Frammara í úrvalsdeildinni sé ekki nein tilviljun. Það verður áhugavert að fylgjast með  hvernig Frammarar bregðast við. 

Þrenna Sveinbjarnar og Fram úr bikarnum

Fok í knattspyrnunni!

Það er alþekkt og í raun rökrétt þegar þjálfarar fá að fjúka ef árangurinn er óásættanlegur. Sá fyrsti sem fær að fjúka þetta árið í 1 og úrvalsdeildinni er Tómas Ingi Tómasson. Með fullri virðingu fyrir Tómasi þá kemur hann reynslulaus inn í meistaraflokksþjálfun, og það kann ekki góðri lukku að stýra. Einn fremsti þjálfari í Evrópu sagði í viðtali, það á enginn að fá að þjálfa meistaraflokk í félagi nema að hafa þjálfað yngri flokka í minnst 10 ár. Mjög oft gerist það að þekktir leikmenn gerast þjálfarar nánast eftir að leikferli þeirra lýkur. Allt of oft hefur það þýtt niðurbrot. Við Íslendingar getum litið til landsliðsþjálfara eins og Atla Eðvaldsson og Eyljólf Sverrisson. Báðir tóku við landsliði okkar of snemma. Það er gott til þess að vita að Eyjólfur hélt áfram og þá með 21 árs liðið. Eftir eitt  til tvö ár gæti Eyjólfur aftur komið til greina sem landsliðsþjálfari, reynslunni ríkari.

Fok Tómasar hefur lítið með Tómas að gera. Mér skildist reyndar að hann hafi ekki sjálfur komið á neinn hæfari í starfið. Það minnir okkur bara á að stundum veit maður ekki að maður veit ekki. Það er reyndar frumstig þekkingarinnar. Við tekur Ragnar Gíslason sem bæði var afburða leikmaður og er kominn með talsverða reynslu. Hann tekur hins vegar við afar erfiðu búi. Eitt stig eftir 7 umferðir, það verður mjög erfiður róður. Með baráttu sinni, reynslu og þekkingu er þó mögulegt  hann gerði það sem erfitt er að sjá í spilunum. Halda Kópavogsliði okkar Kópavogsbúa upp í 1 deildinni. Það þarf mikið að ganga upp til þess að svo verði raunin.  Mjög markviss uppbygging HK verðskuldar sæti í 1 deild og hærra síðar. 

Tómasi Inga sagt upp hjá HK

Hvað er þetta eiginlega?

Alþingi er komið í sumarleyfi, og helsta áreitið er farið af ráðherrunum, þar sem þeir hafa verið í langan tíma verið sakaðir um að gera ekki neitt, þá tekur ASÍ og Samtök atvinnulífsins sig til og truflar ráðherrana í fríinu. Á einmitt þá að fara að gera eitthvað. Kjötið komið á grillið. Jóhanna skreppur vestur í Dýrafjörð í afmæli til Jóns Sigurðssonar, jæja, eða einhvern annan smáskuðsfjöð þarna fyrir vestan. Þá kemur í ljós að þessi Jón er löngu dauður og Jóhann sem hélt að hann væri helsti baráttumaður fyrir inngöngu í ESB. Haldið að það hefði nú ekki verið betra að breyta 17 júní í Gay Pride hátíð til þess að  fá miklu meiri aðsókn í Reykjavík.

Þið þarna hjá ASÍ og þú þarna Villi úr Skagafirði sem kemur hér suður og reynir að gera allt vitlaust. Leyfið ráðherrunum að hvíla sig í friði. Mega þeir ekki hvíla sig eins og aðrir? 

Upplausn ef ekki finnst leið

Unnið á tilfinningasviðinu.

Sannarlega góður sigur á Dönum. Í þessum leik komu sannarlega góðir punktar og góð mörk. Hins vegar voru veikleikarnir einnig til staðar. Það er full ástæða til þess að fagna í dag, en síðan þarf að fara fram greining á hvað gekk vel og hvað hefði mátt gert betur. 2-3 dagar í undirbúning fyrir svona mót er út í hött, og notkun á mannskap, skipulag varnarleiks ofl. þarf nánari skoðunar við. Þessi leikmannahópur á eftir að spila fyrir Ísland í allnokkur ár og skila okkur betri árangir en við höfum verið að sjá.

Eyjólfur: Við erum stoltir

Tölvufíkn?

Fyrir nokkru hafði samband við mig gamall nemandi og sagði mér að hún hefði miklar áhyggjur af syni sínum. ,,Hann sefur til hádegis og er síðan í tövlunni fram á nótt. Við ráðum ekkert við hann. Strákurinn  hafði sótt um í bæjarvinnunni í sumar, en nú var dregið og hann var einn úr sínum vinahópi sem ekki fékk vinnu.

Hann gekk niðurlútur inn í fundarherbergið. Vildi ekkert drekka. Ég spurði hann um námið hjá honum í vetur og það gekk betur en árið áður. Mætti samt ganga betur í sumum fögum. Hann er með nánast 100% mætingu. Svo kom áfallið með sumarvinnuna. Ég held að ég hafi alltaf staðið mig sagði hann. Svo er mér hafnað núna. Þetta var algjört hrun á sjálfsmati. Tölvan var flótti hans frá niðurbrotinu, en á sama tíma var það til þess að brjóta hann enn meira niður. Allir hömuðust í honum. Reyndu að finna vinnu!

Ég hringdi í vinnuveitanda hans og bað um meðmæli. Hörkuduglegur, samviskusamur og stundvís. Hafði frumkvæði. Í bæjarvinnunni var dregið og þá skipti engu máli hvort þú stendur þig eða ekki. Þurfti að fara með sendingu og tók strákinn með. Allt í einu rifjaði ég upp, spjall við einn af mínum viðskiptavinum. Sá kvartaði yfir stundvísi, ábyrgð og frumkvæði sumarstarfsmanna. Ég sló á þráðinn, og hann sagði að sig vantaði hugsanlega hlutastarfsmann. Það gæti hugsanlega orðið eitthvað meira. Strákurinn tók kipp. 

,,Ég hefði ekki lifað þetta af, var ekkert"

,,Með svona meðmæli ertu nú hökukall" sagði ég

,,Þú verður að lofa mér að horfa í augun á manninum þegar þú ferð til hans. Verður að vera stoltur að vera þú".

Hann faðmaði mig, eins og strákarnir gera þegar þeir skora mörk í fótboltanum. 

,, Ég læt tölvuna vera og horfi í augun á manninum".

,,Þú lætur mig vita"

,,Daginn eftir vann hann fjóra tíma og útlitið ekki slæmt". Þetta var ekki tölvufíkn, heldur depurð.