,,Sjálfstæðri og óháðri rannsókn" ber að fagna!

Ríkisstjórnin hefur ákveðið að sjá til þess að fram fari ,,sjálfstæð og óháð rannsókn" á Magna málinu. Þessu ber sannarlega að fagna enda stórt mál. Alþingi á að setja lagaramma um auðlindir Íslendinga og síðan þarf að vera til stefna hvernig um þau mál skal farið. 

Í framhaldinu þarf að fara fram ,,sjálfstæð og óháð rannsókn" á tveimur mjög mikilvægum málum. 

1. Icesavesamningum og hvernig staðið var að málum. 

2. Sölu bankanna bæði gömlu og nýju og hvort t.d. stjórnvöld hafi gerst sek um vanrækslu í starfi m.a. með tillit til gengislána og ábyrgða sem falla á ríkissjóð þess vegna. 

 Á von á að ríkisstjórnin fundi mjög fljótlega til þess að ,,sjálfstæð og óháð rannsókn" fram þegar þjóðarhagsmunir krefjast þess. 

Annars segir sagan að Magnamálið sé búið til af spunameisturum ríkisstjórnarinnar. Innan ríkisstjórnarflokkana var orðin mikil óánægja að ráðherrunum tækist ekki að leysa eitt einasta mál. Spunameistararnir ákváðu því að búa til lausn og teikna upp drama og fréttaflutning þar sem endirinn væri farsæl lausn. Spuninn lak hins vegar út og því hefur þetta mál orðið vandræðalegra og vændræðanlegra með hverjum deginum. Spuninn hefur því endað sem vandræðalegt flopp. 

„Pólitísk leiktjöld“

Athugasemdir

[Kristinn Karl Brynjarsson, 28.7.2010 kl. 10:31]

Sæll Sigurður.  Ríkisstjórnin hefur gefið það út að hún efist um lögmæti Magma-viðskiptana, og lætur þar með undan þrýstingi.

 Ríkisstjórnin ætlar að fá ný lögfræðiálit til þess að skera úr um lögmætið.

 Nú hefur það komið fram að þau lögfræðiálit, sem meirihluti nefndar um erlenda fjárfestingu, studdist við, er hún úrskurðaði viðskiptin lögleg, voru fengin hjá þeim lögfræðingum, sem Efnahags og viðskiptaráðuneytið lagði nefndinni til. Því má ætla að þau álit, hafi verið unnin og lögð fram, vegna þrýstings um að leyfa viðskiptunum að ganga í gegn.

 Verða þá þessi "nýju" álit, sem ríkisstjórnin leitar núna, "marklaus", eða með öðrum orðum aðrir lögfræðingar verða fengnir til þess að gefa álit, sem er hliðhollt þeim þrýstingi, sem nú er uppi?

 Verða þá ekki bara málaferli?  Nefnd um erlenda fjárfestingu, hefur úrskurðað eins í þrígang, með Magma.  Má þá ekki búast við því að Magma láti dómstóla úrskurða um lögmætið?

 Svo er þetta tal í dag um lagasetningu, ári á eftir áætlun.  Þingflokkur Vinstri grænna, fól Steingrími að hlutast til það í ríkisstjórn fyrir tæpu ári að, þessum lögum sem breyta á núna verði breytt.  Þá vildi Samfylkingin, engar breytingar á lögum.