RÚV blandar sér í viðkvæm dómsmál!

Það er varla hlutverk fréttastofu, eða starfsmanna RÚV að blanda sér í viðkvæm dómsmál, enda þarf að huga að hlutleysisreglum RÚV. Það gerist ekki oft að manni sýnist þessar reglur eru brotnar, en starfsmenn stofnunarinnar eiga það þá til að bregaðst við af miklum hroka. Það sést t.d. á því að RÚV ætlar að borga kostnað sem féll á starfsmann eftir að hann tapaði dómsmáli. 

Í kvöld fjallar Helgi Seljan um svokallað Vatnsendamál. Málatilbúnaðurinn er með ólýkindum. Ef ég þekki rétt eru þegar fallnir 3 hæstaréttardómar í erfðamálinu og Vatnsendabóndinn unnið þá alla. Nú ber svo við að dómari í Hérðaðsdómi Reykjaness, dæmir að Vatnendajörðin sé í búi sem ekki hafi verið skipt. Þar með kemst dómarinn að annarri niðurstöðu en Hæstiréttur hefur gert áður, sennilega til þess að snupra Hæstarétt. 

Afi Þorsteins Hjaltested erfir jörðina með þremur skilyrðum. 

1. Erfingi þarf að hafa bú á jörðinni.

2. Ekki má veðsetja jörðina, (nema að mjög takmörkuðu leiti)

3.  Ekki má selja land úr jörðinni

Svo er til þess getið að jörðin skuli erfist til elsta barns í karllegg. 

 Nú bý ég ekki langt frá Vatnsenda og hef kynnt mér forsendur allvel. Veit ekki til þess að nokkur þessara skilyrða hafi verið brotin.  

Rætt var við tvo föðurbræður Vatnsendabóndns og þeir lýsa því hvernig móðir þeirra var borin út af Vatnsenda á sínum tíma. Miðað við fyrirliggjandi ákvæði úr erfðaskrá, er hins vegar vandséð hvernig ganga á gegn ákvæðum erfðaskrárinnar, þrátt fyrir að strákarnir væru bara 5 og 6 ára. 

Sá leikþáttur sem áhorfendum var boðið upp  á í Kastljósi, er mjög ámælisverður. Þrátt fyrir að annar aðili í dómsmáli vilji ekki tjá sig um mál í sjónvarpi, áður en dómur fellur í Hæstarétti, ber RÚV að gæta hlutleysis. Er þetta e.t.v. það sem við megum búast við hvað varðar dómsmál í framtíðinni? 

Athugasemdir

[Eyjólfur G Svavarsson, 27.11.2012 kl. 14:03]

Svo er maður skyldugur til að borga fyrir svona blaður, og óhlutleysi í ýmsu öðru svo sem stjórnmálum. En þetta verður að stoppa!!

[Sigurður Þorsteinsson, 27.11.2012 kl. 23:43]

Á þeim tíma sem liðin er frá hruni eru flestir að berjast við að auka trúverðugleika sinn. RÚV er þar meðal fárra undantekninga. Það má vel vera að stofnunin telji það hlutverk sitt að vera fulltrúi ákveðinna sjónarmiða.  Held samt að flestir vildu að fagleg sjónarmið séu sett á oddinn. Svo breytist reglulega landslagið, og hvað á að gera þá?