Er Svavar með í för?

Það var áhugavert viðtal þeirra Péturs Blöndal og Atla Gíslasonar í þættinum Í bítið, í morgun. Eins og gengur að skilja kom Icesave samningurinn til tals. Atli sem er yfirleitt skeleggur átti nú í miklum erfiðleikum. Hann var spurður hver leiddi samningaviðræður við Breta og Hollendinga. Atli svaraði því til að viðræður væru helst undir stjórn Indriða Þorlákssonar. Hvað með Svavar? Jú, svaraði Atli, hann er líka með. Atli virtist ekki viss. Sjáum við ekki fyrir okkur að þegar þeir félagar koma til London þá taka hinir strákarnir á móti þeim með blöðrur, flögg og rauða kúlu á nefinu. Fagnaðarlætin við komu Íslendinganna byrja strax í flugstöðinni. Niðurstaðan er miklu verri en 14-2 tapið á móti Dönum. Það má vel vera að einhver niðurstaða komi úr samningaviðræðum. Niðurlægingin er þegar raunveruleikinn og skömmin verður eina mögulega útkoman. Er það ljóst að Svavar hafi verið sendur til London? Sama hver niðurstaðan verður, er líklegt að þinglið VG mun vera neytt til þess að fylgja þessu máli. Ríkisstjórnin er hins vegar fallin. Trúverðugleikinn farinn. Ef til vill var útspil Svandísar í virkjunarmálunum aðeins til þess að draga athyglina frá Icesave. Þá tókst það, því enginn  man  eftir að Svavar hafi einu sinni verið til.

 

Athugasemdir

[Jón Snæbjörnsson, 15.10.2009 kl. 10:56]

hver er þessi Svavar

[Sigurbjörg Eiríksdóttir, 15.10.2009 kl. 11:45]

Hann er hættur

[Snorri Hrafn Guðmundsson, 15.10.2009 kl. 13:19]

"... blöðrur, flögg og rauða kúlu á nefinu"

Hló vel og lengi að þessari mynd.

[Birgir Viðar Halldórsson, 15.10.2009 kl. 17:10]

Svavar er örugglega búinn að stimpla sig út, hann hafði tíma í þetta...

[Sigurður Þorsteinsson, 15.10.2009 kl. 17:34]

Síðustu fréttir frá London segja að Svavar hafi nú ekkert tekið þátt í viðræðum, en hafi einbeitt sér að þeir kæmu heim með glæsilega niðurstöðu. Hann náði víst að kaupa rauðar kúlur til þess að setja á nef á mjög hagstæðu verði. Fyrir alla ríkisstjórnina og hörðustu stuðningsmenn. Það verður því mikið fjör þegar þeir koma heim kallarnir. Aðspurðir hvenær niðurstaðan lægi fyrir, kom svarið.,, Þetta mun taka okkur skemmri tíma en síðast, að því var stefnt og það tókst".