Ungfrú Baugur 2009

Jóhanna Sigurðardóttir var valin Ungfrú Baugur í dag. Keppnin þótti óvenju hörð þetta árið og stóð valið í lokin á milli Jóhönnu og utanbæjarstelpnanna Steingrímínu Sigfúsdóttur úr Þistilfirði og Ólínu Þórönnu Gunnarsdóttur úr Kópavogi. Það sem þótti skilja þær stöllur að í lokin að Jóhanna þótti hárfegri og auk þess líklegri til þess að þiggja verðslaunafé úr hendi Baugs, án þess að valda fyrirtækinu þeirri smán að  verðlaunafénu yrði skilað.

                                                         

Jóhanna                                                    Steingrímína                                  Ólafína

 

Lengi vel var Bjarnína Benediktsdóttir í Garðabænum með í slagnum  einn dómaranna Reynir Traustason fulltrúi DV í dómnefndinni gaf Bjarnínu refsistig, eða eins og hann útskýrði það fyrir áhorfendum ,,tók hana niður" með kjaftasöguafbrigðinu og þar með var hún úr leik.

Að sögn heimildarmanna sagði Jóhanna að  þessi útnefning Baugs á fegurðardrottningu Baugs ársins 2009 væri mikill heiður og gæfi henni kraft til þess að takast á við þau verkefni sem framundan eru, veitti ekki af.

Aðspurð sagði Jóhanna að keppnin hafi verið hörð, en nokkur illska hafi komið í keppendur þegar úrslitin hafi legið fyrir. Þannig hafi heyrst að hún gæti haft áhrif að meðhöndlun Baugs hjá hinu vonda Kaupþingi. Þetta væri algjörlega rangt hún hefði ekkert með það að gera. Hins vegar mætti Baugur ekki gjalda þess að hún hafi verið valin. Þyrftu sjórnvöld að sjá til þess að svo yrði ekki.

Jóhanna valin kona ársins

Látum reyna á lýðræðið

Nú er eitt besta tækifærið að láta reyna á styrk lýðræðisins. Ef 50.000 manns skrifa undir áskorun til Forseta Íslands að neyta að skrifa undir Icesave, þá mun hann ekki getað annað en sjá til þess að þetta mál fari í þjóðaratkvæðagreiðslu.

 Um 70 prósent þeirra, sem svöruðu í skoðanakönnun MMR fyrir Viðskiptablaðið, vilja að forseti Íslands staðfesti ekki nýju Icesave-lögin og vísi þeim til þjóðaratkvæðagreiðslu. Fullt af andstæðingum Icesave hafa ekki skrifað undir, m.a. því þeir vita ekki hverning á að skrá sig. Gerum átak  fram að helgi og náum 50.000 markinu hjálpum a.m.k. 2 til þess að skrá sig. Hægt er að skrá sig hér.

Næsta undirskriftarsöfnun

Ef ríkisstjórnin skiptir öllum  andstæðingum Icesave innan VG út af þingi og nær þannig að samþykkja ríkisábyrgð, mun reyna á Ólaf Ragnar Grímsson. Ef hann ákveður að fara í frí, eða skrifar undir ríkisábyrgð kæmi mér ekki á óvart að næsta undirskriftarsöfnun yrði um embætti Forseta Íslands.

32.000 skora á forsetann

Völdin sett ofar hag fólksins í landinu?

Það var ofur skiljanlegt að vinstri stjórn var mynduð eftir kosningar. VG og Samfylking náðu meirihluta. Það sem gerði þessa stöðu sérstæðari var að vinstri armur Samfylkingarinnar hafði náð völdum í flokknum. Vandamálið var hins vegar þannig að aðstæður fyrir vinstri stjórn voru afleitar. Í raun kom bara tveir möguleikar til greina þjóðstjórn eða utanþingstjórn, svo stór var efnahagsvandinn. Hafi einhverjir ekki gert sér grein fyrir þessari stöðu eftir kosningar, ætti öllum að vera þessi staða ljós nú.

Öllum er ljóst að mikill meirihluti þjóðarinnar er á móti samþykkt á fyrirliggjandi frumvarpi um ábyrgð á Icesave. Ákveðinn hluti þingheims hefur ekki hugmynd um hvað málið snýst, og kýs bara af flokkshollustu einni saman, eða þá til þess að halda völdum. Það er sett ofar þjóðarhag. Tveir þingmenn VG hafa verið staðfestir þau Lilja Mósesdóttir og Ögmundur Jónasson. Þegar  á hólminn er komið á ég von á að Ásmundur Daðason greiði atkvæði á móti ríkisábyrgð á Icesave.

Þeir sem halda að með því að greiða atkvæði með ríkisábyrgð á þessum Icesavesamningi, lifa í sjálfsblekkingu. Verkefni vetrarins verða þessum meirihluta ofviða, og hefði sennilega orðið hvaða meirihluta sem er ofviða.

Nú er runnin upp sá tími að Alþingi verður að setja hag fólksins í landinu ofar flokkshagsmunum.

Fall á lýðræðisprófinu

Það eru til venjur og hefðir hvernig stjórna á fundi svo vel fari. Ástæðan er eflaust reynslan af mistökum í fundarstjórn og til þess að koma í veg fyrir þau. Einn stysti fundur sem ég man eftir tók um örfáar mínútur. Á fundinn voru mættir um 50 manns. Fyrir fundinum lá eitt mál, það var borið upp, engar umræður og málið samþykkt samhljóða. Enginn tók til máls undir liðnum önnur mál og þá sleit fundarstjóri fundi. Fát kom á nokkra fundarmenn og einhver spurði eigum við  ekki að funda. Fundarstjórinn svaraði ,,við vorum að funda, og nú er því lokið. Enginn hafði neitt að bæta við framkomið mál, eða taka upp ný og þá lýkur fundi." Þegar upp var staðið voru menn þræl ánægðir. Ekkert óþarfa kjaftæði. Afburðaframmistaða. Fundarbjóðandi sagði reyndar að hann hafi e.t.v. ekki átt að boða til fundar, þar sem ekki var tilefni til slíks.

Borgarahreyfingin kom fram í búsáhaldabyltingunni. Formið átti að vera hreyfing ekki flokkur, annars var þetta mjög óljóst. Eitthvað sem ekki byggði á venjum og hefðum. 4 þingmenn sem virtust fara vel á stað. Þá kemur ágreiningur innan þingmannanna og einnig innan grasrótarinnar, eða einhvers hreyfiarms innan hennar. 3 þingmenn stofna  Hreyfinguna og einn verður utan flokka. Þar sem menn héldu sig ekki innan rammans, eða ákveðins sviðs utan hans, er afl þessa stjórnmálaafls orðið að nánast engu. Þótt þetta geti verið ágætisfólk á þingi, er slagkrafturinn farinn. Þau féllu á prófinu.

Athyglisvert sjónarhorn

Sunnudagurinn liðinn og í 6 sunnudaginn í röð horfði ég ekki á Silfur Egils í beinni, reyndar eyddi deginum í þarfari hluti og mundi ekki eftir þættinum. Fékk heimsókn og var sagt frá Roger Boyes og fór á netið til þess að sjá þetta ,,merkilega viðtal". Fyrir mér var það fyrst og fremst merkilegt fyrir það að sjónarhornið sem Roger Boyes sá Ísland úr var úr hlandkoppnum hennar Hildar Helgu Sigurðardóttur. Nú veit ég ekki hversu oft hún hefur sest á koppinn á meðan mannvesalingurinn dvaldi á Íslandi. Hvað eftir annað afsakaði Roger Boyes sig með því að þekking hans á íslenskum að stæðum væri lítil en á sama tíma, nógu mikil þó að hans mati til þess að fella stórudóma.

Til fóta hans lá Egill Helgason eins og slefandi rakki, eða grúppía. Egill sleppti því að þessu sinni að bjóða útlendingnum vinnu fyrir ríkisstjórnina, en sjálfsagt er kvóti hans búinn á árinu.

Auðvitað endaði Roger Boyes á því að við ættum að ganga í ESB, enda hefur það sjálfsagt verið innihaldið á síðustu bununni sem hann fékk ofan í koppinn til sín hjá frú Hildi Helgu.

 

Boyes: Of mikil áhersla á ál

Hetja eða þjóðnýðingur?

Því verður ekki neitað að Draumalandið var áhrifarík bók. Höfundurinn er hörkugóður penni og hreyfir við manni. Bókin fær mann til þess að staldra við og meta hvort við séum á réttri leið. Hvort við æðum áfram með álverin ein sem lausn allra efnahagsvandamála, rétt eins og nú hluti þjóðarinnar æðir áfram með ESB sem alsherjarlausn. Gagnrýnislaust. Að ná að hafa þessi áhrif er auðvitað afbragðs gott verk. Löskuð þjóð þarf nú að taka stórar ákvarðanir. Andri Snær hafði trú á að í þjóðinni búi hugmyndaauðgi, krafti og þor sem til þarf. Þetta virðast stjórnmálamenn okkar ekki koma auga á. Andri Snær er vel að þessum verðlaunum kominn.

Andri Snær hlýtur Kairos verðlaunin

Segja ráðningu Davíðs ískyggilega

Á visir.is kemur fram að Blaðamannafélög Noregs, Finnlands, Svíþjóðar og Danmerkur segjast hafa þungar áhyggjur af þróun íslenskra fjölmiðla í kjölfar bankahrunsins hér á landi og gagnrýna ráðningu Davíðs Oddssonar í ritstjórastól Morgunblaðsins.

Það er mjög eftirtektarvert að blaðamannafélögin norrænu skuli ekki á sama tíma gagnrýna það siðleysi sem felst í því að einn útrásarvíkinganna eigi enn rúmleg helming fjölmiðla á Íslandi. Sennilega hefur Þóra Kristín Ásgeirsdóttir ekki upplýst kollega sína á Norðurlöndum um þessa staðreynd. Þóra Kristín hefði einnig átt að koma með sýnishorn af þeim vinnubrögðum sem hún ástundaði á Mbl.is, þá hefði brottrekstur hennar ekki komið kollegum á óvart.  Það kemur líka ekki á óvart að visir.is skuli ekki fjalla um eignarhald útrásarvíkinganna á fjölmiðlunum. 

Stórkostlegar sundlaugar

Í gær heyrði ég í fararstjóra sem var staddur hér á landi með hóp. Hann sagði hópinn sinn himinlifandi með ferðina til Íslands. Þau höfðu farið austur til Hafnar í Hornafirði, og hann sagðist aldrei hafa komið á það svæði að vetrarlagi, var himinlifandi. Það sem kom ferðamönnum mest á óvart voru sundlaugarnar. Fyrir utan að vera stórglæsilegar, snyrtilegar og þægilegar kom verðlagningin á mjög óvart.  

Verða Steingrímur og Jóhanna dregin fyrir Landsdóm?

Styrmir Gunnarsson hugleiðir í bók sinni Umsátrið, hvort ráðherrar í ríkisstjórn Geirs Haarde verði dregnir fyrir Landsdóm. Í bókinni segir m.a.

,,Hafi ráðherra bakað almenningi eða einstaklingi fjártjón með framkvæmd eða vanrækslu, sem refsiverð er eftir þessum lögum, skal og þegar þess er krafist, jafnframt hegningunni dæma hann til að greiða skaðabætur, en um skaðabótaskyldu hans fer eftir almennum reglum.“

Í ljósi þessa getur þá verið að þau Jóhanna og Steingrímur verði dregin fyrir Landsdóm þegar landsmönnum verða ljósar afleiðingar þess að þau Jóhanna og Steingrímur eru að reina að keyra Icesave samninginn í gegnum Alþingi. Það skyldi þá aldrei vera að Geir, Ingibjörg, Jóhanna og Steingrímur verði öll inni saman. Það gæti þá gagnast þeim að kunna bridge.

Stenst Icesave stjórnarskrá?