Jóhanna segist aldrei ætla að siga bönkunum á þjóðina... aftur!!!

Hér áður fyrr var Jóhanna Sigurðardóttir heiðarlegur stjórnmálamaður. Hún átti erfitt með að vinna með öðrum, var ekki leiðtogi, en henni var umhugað um skjólstæðinga sína og gaf ekkert eftir þegar semja þurfti milli ráðherra í ríkisstjórn. Þess vegna var Jóhanna ekki vinsæl meðal samráðherra og sumir þeirra virtust allt að því hata hana, eins og Jón Baldvin Hannibalsson. Jóhönnu gekk best að eiga samstarf við Davíð Oddson sem virti hugsjónir hennar. 

Nú er Jóhanna forsætisráðherra og hún er heldur ekki í dag leiðtogi. Hún er fremur eins og foringi úr fyrrum kommúnistaríkjunum. Hún hefur ekkert umburðarlyndi gagnvart þeim sem hafa hugsjónir, það eiga allir að fylgja henni. Með góðu eða íllu. Það sem hefur bæst við er að hún hefur fengið ómerkilegan pörupilt sem aðstoðarmann, Hrannar B. Arnarsson. Samvistirnar við hann hefur gert Jóhönnu að lygalaup. 

Hún ætlaði að láta samþykkja Svavarssamningin svokallaða, sem hefði þýtt að þjóðin tæki yfir 500 milljarða af óþarfa skuldum. Jóhanna hefur ekki haft manndóm til þess að biðja þjóðina afsökunar á þessari aðför að þjóðinni. Hún reynir enn að ljúga sig út úr sukkinu. 

Þá tók hún sig til ásamt Steingrími Sigfússyni og afhenti erlendum vogunarsjóðum íslensku bankana og gaf þeim skotleyfi á íslensk heimili og fyrirtæki. Nú reynir hún að ljúga sig út úr því níðingsverki og reynir að skella skuldinni á aðra. 

Þjóðin bíður þess í ofvæni að kerlingin fari frá, þannig að hægt sé að draga hana fyrir landsdóm. 

Samfylkingin fær í flestan sjó

Dagur fyrsti formaður Besta flokksins?

Þegar Dagur var spurður um kosningar til formanns og varaformanns, gaf hann til kynna að hugsanlega kæmu fram framboð í þessi embætti. Ástæðan er sú að hann vissi að í lýðræðislegum stjórnmálaflokkum er fyllilega eðlilegt að fram komi framboð. Í raun og veru er það eðlilegt og heilbrigt. Það er líka eðlilegt að fólk sé með mismunandi áherslur í pólitík innan flokka. Þannig verður oft til framþróun Í þanngi lýðræðislegan flokk gekk Dagur B. Eggertsson, og varð fljótt vonarstjarna. Sá sem tæki við af merkum leiðtoga Ingibjörgu Sólrúnu Gísladóttur. Síðan kom hrun og Jóhanna, lýðræðislegar umræður og skoðanaskipti voru lögð niður og stjórnarhættir og stefna minntu á ástand í fyrrum Austur þýskalandi. Allir í Samfylkingunni styðja þannig ESB, það er aðeins í skoðanakönnuum sem fram kemur að hluti flokksins gerir það ekki. Allir sem eitthvað vissu um pólitík vissu að engir færu fram á móti Jóhönnu og Degi, þó það væri deginum ljósara að tími þeirra beggja er liðinn. 

Í dag voru þau Brésnef og Jeltsin kosin, eða Pútín og Krúsjof. Hvað sem þau nú heita skiptir minnstu, og innan tíðar munu flokksfélagarnir reyna að gleyma þeim sem fyrst. Það verður ekki einu sinni gerð af þeim brjóstmynd.

 Dagur verður hins vegar aldrei formaður Samfylkingarinnar. Hann er hins vegar orðaður við að verða fyrsti formaður Besta flokksins eða sameiginlegs flokks Besta flokksins og Guðmundar Steingrímssonar. Þá verður eflaust lítið eftir af Samfylkingunni, nema að Samfylkingin sameinist Jóni Gnarr og Guðmundi Steingrímssyni. 

Dagur sjálfkjörinn

Formannaskipti í Samfylkingunni?

Á landsfundi Samfylkingarinnar verður ekki skipt um formann nú, þrátt fyrir að það væri æskilegt fyrir Samfylkinguna. Það er einfaldlega ekki hægt nú, ef þessi ríkisstjórn á að sitja. Jóhanna hefur fært áherslur flokksins frá jafnaðarmennsku yfir í sósílisma. Flokkurinn nú er vinstri megnin við gamla Alþýðubandalagið. Jafnvel Jóni Baldvin Hannibalssyni ofbýður, og hefur hann þó fært sig til vinstri.

Á sama tíma er verið að stofna flokk sem tekur svæði Samfylkingarinnar. Guðmundur Steingríms og Besti flokkurinn, og líklegt er að nýji flokkurinn verði búinn að koma sér það vel fyrir, þegar kemur að næstu kosningum að þar verði ekki lengur pláss fyrir Samfylkinguna. Flokkur getur ekki komið einn góðan veðurdag og sagt, við höfum lagt áherslu á þetta undanfarin ár en nú eru við breytt. 

Þrír kandí­datar eru að berjast um formannssætið, þó ekki sé kosið. Þeir Árni Páll Árnason, Dagur B. Eggertsson og Guðbjartur Hannesson. Árni Páll hefur ekki staðið sig sem skyldi í ríkisstjórn og hefur af mörgum talinn hafa misst af tækifærinu. Slagurinn mun því standa milli Dags og Guðbjartar, þar þykir Guðbjartur standa betur. Bæði er það að formaður sé ekki á Alþingi, er afleit staða. Bara það að setjast á þing, tekur þingmenn 1-2 ár að sjóast í vinnubrögðum. Annað er að Guðbjartur er mun meira til vinstri en Dagur og því líklegra að Guðbjartur fái stuðning Jóhönnu, hann hefur líka þótt sýna góða takta. Upp á síðkastið hafa nöfn Katrínar Júlíusdóttur og Össurar Skarphéðinssonar komið aftur inn í umræðuna.

Fyrir marga jafnaðarmenn er landsfundur Samfylkingarinnar, óþægileg uppákoma sem best væri að færi lágt og hljótt. Það þarf markvissa endurreisn ef jafnaðarmenn eigi að ná vopnum sínum að nýju.  

Landsfundur Samfylkingar hefst í dag

Er Jón Ásgeir að snúa baki við Samfylkingunni?

Jón Ásgeir hefur í langan tíma verið einn helsti stuðningsmaður Samfylkingarinnar. Jón Ásgeir hefur fengið að eiga rúmlega helming allra fjölmiðla landsins  til þess að verja flótta sinn, á móti því að þessum fjölmiðlum hefur markvisst verið beitt til þess að dásama stjórnarhætti ríkisstjórnarinnar.

Nú bregður svo við fréttastofu Stöðvar 2 ofbýður, og auðvitað er það ekki gert lýðnum ljóst nema með samþykki Jóns Ásgeirs. Forsætisráðherra er staðin að ósannindum um skattpíninu landsmanna. Fram kemur í fréttinni að erfitt sé fyrir almenning að komast að hinu sanna, skattahækkunin sé laumulaga sett inn. Þar með er að ljóst að dagar Jóhönnu Sigurðardóttur eru senn taldir í embætti.

Fréttastofa Stöðvar 2 sýna almenningi niðurstöðu skattasérfræðinga, fjárlagafrumvarpið þýðir skattahækkanir á almenning. Svo sýna þeir viðtal við Jóhönnu þar sem hún funnyrðir hnakkreif að fjárlagafrumvarpið innihaldi engar skattahækkanir á almenning. Áhorfendur voru leiddir til þess að taka ályktun af fréttinni. Forsætisráðherrann lýgur vitsvítandi af þjóðinni. 

Fyrsta svar Jóns Ásgeirs rétt

ESB töflurnar virka!

Nú hefur komið í ljós að helmingur fólks þjáist að gyllinæð. Helstu ástæður þessa eru víst hreyfingaleysi, miklar stöður og léleg samsetning fæðunnar. Samkvæmt óstaðfestum fréttum frá Hrannari Arnarssyni upplýsingafulltrúa Jóhönnu Sigurðardóttur er besta ráðið gegn þessum vágesti er að taka inn ESB töflurnar sem Samfylkingin hefur dreyft meðal félaga sinna. Gyllinæðin hverfur, hósti veður betri, fótsveppur verður viðráðanlegri og asmi verður ekki eins kræfur. Auk þess er gefið upp að verðbólga minnkar, vextir lækka og atvinnuleysi gufar  upp. Þeir sem taka töflurnar reglulega og kyrja ESB  söngin sjá lausn allra vandamála, Jóhanna er sexí og glaðlynd eða hýr og ríkisstjórnin er frábær. Þetta þarf að kyrja í 4-5 ár og þá skánar allt. Ef þetta virkar ekki, ber að tvöfalada tölfuskammtinn, kyrja 5-6 tíma á dag, helst inni við Sundin blá í næstu fimm ár.

Helmingur þjáist af gyllinæð

Hvað er Páll að gera upp á dekk?

Eftir hrun hefur átt sér mikil og hörð umræða um pólitíkst sukk. Þá hafa stór orð verið látin falla. Það er pólitík sem er látin ráða, flokkskýrteinið, en ekki hæfnin. Sannarlega gat maður tekið undir hluta af þessari gagnrýni, en umræðan hélt áfram. Nú skildi tekin upp ný vinnubrögð, þar sem fagleg sjónarmið skulu ráða. Síðan koma til ráðningar sem maður verður ekki var við þessi nýju sjónarmið og vinnubrögð. Þá fellur sprengjan. Páll Magnússon Framsóknarmaður er ráðinn sem forstjóri Bankasýslu ríkissins. Samfylkingarmenn sem  eru jú, þekktir fyrir að hata sjómenn, bændur, gyðinga og ekki síst Framsóknarmenn, sem þeir hata út af lífinu, verða að horfa upp á það að í tíð vinstri stjórnarinnar skuli Framsóknarmaður vera ráðinn í topp starf. Fjölmiðlar Jóns Ásgeirs fara á límingunum sem og nýja útibúið þeirra RÚV. Það kom fáum að Helgi Seljan missti sig og Sigríður Ingibjörg Ingadóttir missti líka niður um sig. Mitt í  þessum aumkunarverðu viðbrögðum, kemur Össur Skarphéðinsson og lyftir sér upp fyrir þessa lákúru, og ver þessa ráðningu. Þetta er ekki í fyrsta skipti sem Össur Skarphéðinsson lyftir sér upp fyrir pólitíksa lágkúru. Þegar honum tekst best til, á enginn Samfylkingarþingmaður roð í hann. 

Samfylkingin snýr við blaðinu varðandi ESB, er nú á móti aðild!!

Aðalsamningamaður Samfylkingarinnar í ESB málinu, Þorsteinn Pálsson sagði frá því í dag að Samfylkingin hefði nú ákveðið að leggjast gegn aðild Íslands að ESB. Það gerði Samfylkingin með  stefnu Samfylkingarinnar í kvótamálinu. Núverandi kvótakerfi og framkvæmd þess væri sterkasta vopn Íslendinga í viðræðunum við ESB. Með því að kollvarpa  kvótakerfinu, væri sterkasta vopnið farið úr höndum samningamananna. Hann sagði VG vera mun sterkari aðilann í ríkisstjórninni, en gaf ekkert upp um það hvort hann hyggðist segja sig úr Samfylkingunni.

Spilltur, skrifar bók um spillingu!

Spilling fellst maðal annars í því að  mismuna aðilum vegna tengsla, ætternis, vináttu stjórnmálaskoðana eða annarra tengsla. Með því að nota völd sín í fjölmiðlum og það er þessi notkun valdsins sem er ámælisverð. Hvort sem menn eru ráðnir í stöður, fá verk eða er hyglað á annan hátt. Fjölmiðlun er líka vald og þeir sem eru í fjölmiðlaheiminum þurfa að huga vel að því að misbeita ekki valdinu.

Nú vill svo til að Jóhann Hauksson gefur út bók um spillingu. Þessi sami Jóhann hegðar sér eins ög öskrandi spástelpa á hljómleikum, með goðunum sínum þegar vinstri stjórnmmálamenn eru annars vegar. Hvaða líkur er á að slíkur maður sé fær um að skrifa hlutlaust um spillingu. Jú, engar. Þetta verður fyrst og fremst ómerkilegur snepill um vondu óvinina hans. Svo fær hann fjölmiðamenn á sömu fjölinni og hann er á til þess að fjalla um bókina. Í þessu fellst einmitt spillingin, misnotkun valdsins.  Spilling valdsins er sannarlega til staðar í íslensku samfélagi og því miður er fátt sem bendir til þess að á því verði veruleg bót, og alls ekki ef spilltir einstaklingar eins og Jóhann Hauksson fá að grassera. 

Hæfnismat fyrir stjórnmálamenn?

Þegar ráðið er í toppstöður í opinbera kerfinu, þarf að sækja um og umsækjendur þurfa að fara í hæfnismat. Þó að það sé mikilvægt er þó miklu mikilvægara að velja hæft  fólk í ráðherrastöður og í stjórnir sveitarfélaganna. Verkefnin sem verið er að vinna í dag eru miklu flóknar en hér áður fyrr, en gæðakröfur til þessarra starfa eru ekki meiri. Niðurstaðan er að í mörgum tilfellum er valið algjörlega vanhæft fólk til opinberra stjórnunarstarfa.

Fyrir nokkru var forstjóra Iceland express sagt upp, síðan tók annar við og hann hætti hið snarasta. Morguninn eftir kom sú frétt inn á kaffistofuna hjá okkur að búið væri að gera starfslokasamning við Birki Guðnason forstjóra Icelandair. Menn voru fuðulosnir. Menn voru sammála um að Birkir væri að standa sig afburðavel. Jú, og í starfslokasamningum fælist að Birkir yrði í 2-18 mánuði, þar til nýji forstjórinn væri laus úr núverandi starfi. Verðandi hefði afburða mikla stjórnunarreynslu, næði til fólks og gæti kallað fram vinsældir. Svo kom rúsínan í pylsuendanum, viðkomandi hafði reynslu af flugi, hafði verðið flugfreyja hjá Loftleiðum fyrir 40 árum. Samfylkingarmaðurinn í hópnum varð öskureiður. Það var engin ástæða til þess að reka Birki, og Jóhanna hefði enga getu til þess að taka að sér forstjórastöðu í Icelandair, það vissu allir. 

Það er umhugsunarvert hvort að  margir telji að gera eigi meiri hæfniskröfur til forstjóra Icelandair, en til forsætisráðherra, sérstaklega í ljósi þeirrar stöðu sem þjóðin er í. 

Ríkisstjórnin elskar landsbyggðina!

Í 2007 æðinu, sköpuðust þúsundir starfa á höfuðborgarsvæðinu, en aðeins um 200 á landsbyggðinni. ,,Góðærðið" fór ekki út á land,  fannst landsbyggðin púkó. Það vantaði ekki að stjórnvöld samþykktu ár eftir ár að byggja  þyrfti upp úti á landi, en fólkið flutti til ,,góðærissins" og það fækkaði á landsbyggðinni. Nú er komin kreppa, og þá er eðlilegt að niðurskurðurinn sé mestur þar sem uppsveiflan sé mest, nei aldeilis ekki þá er skorið niður á landsbyggðinni. Í heilsugæslunni, í fangelsunum, á Sogni og hvar sem ríkisstjórnin getur hugsað sér að skera niður. Hafnarfjörður er úti á landi og þar er skorið niður á Sólvangi, nokkuð sem vert er að skoða í ljósi upphlaups vegna hagræðingar hjá síðustu ríkisstjórn.

Ríkisstjórnin elskar landsbyggðina og þess vegna er þar mest skorið niður. Því að þeim er hún verst, sem hún elskar mest. 

Niðurstaða í rýnivinnu um byggðamál