Ekki alveg viss!

Í íþróttum er afar mikilvægt að hugsa fyrst og fremst um það sem við ætlum að gera en ekki eyða  orkunni í það sem hinir ætla sér. Þeir sem fyrst og fremst hugsa um andstæðinginn, bera meiri virðingu fyrir andstæðingnum en sjálfum sér. Niðurstaðan er yfirleitt tap.

Ég rifjaði þetta upp þegar ég var spurður um álit á umsögn Þráins Bertelssonar í Silfrinu í dag, en þar sagði hann víst eitthvað á þá leið að eitt helsta verkefni VG væri að koma í veg fyrir að Sjálfstæðisflokkurinn kæmist til valda. Þráinn var kosinn á Alþingi til þess að koma einhverju í verk, en ekki að koma í veg fyrir að einhverjir aðrir gerðu það. Hér á blogginu lýsti ég þeirri skoðun minni að áhugavert væri að fá Þráinn á þing. Hann myndi a.m.k. örugglega gera þingið skemmtilegra. Því miður hefur dvöl hans á Alþingi verið drama fremur en kómik. Bæði fyrir okkur og hann. Þráinn ætti að láta vera að hnýta í Ögmund því Ögmundur hefur unnið fyrir kaupinu sínu.  Sjálfstæðisflokkurinn kemst brátt til valda og þá verður VG í stjórnarandstöðu, eða sá hluti liðsins sem eftir er. Þá er Þráinn kominn heim, til þess að skrifa bækur,  sem nú seljast notaðar á 50-100 kr. Þær gerast vart ódýrari. 

Titringur og erfiðleikar á þingi

Athugasemdir

[Jón Atli Kristjánsson, 23.1.2012 kl. 15:52]

Sæll félagi, já að spila sinn leik, láta ekki andstæðingin trufla sig. Í handboltanum er það að þétta vörnin, fá marvöslu í gang og þá koma hraðaupphlaupin. Láta ekki dómarana setja sig úr jafnvægi. Ég held að flestar þessar góðu reglur hafi á liðnum dögum verið brotnar á hinu háa Alþingi. Helst að Sjálfstæðismenn hafi staðið í fæturnar, annað er ringulreið, að því séð verður.