Birna og populistarnir.

Fyrir nokkru ákvað Birna Einarsdóttir að stíga til hliðar sem bankastjóri Íslandsbanka. Hún hefur örugglega metið stöðuna að ekki væri skynsamlegt að taka slaginn. Þannig er að gróft er talið að a.m.k. 5% af starfsmönnum í fyrirtækjum séu algjörlega óhæfir. Þá skorti hæfileika, og séu í óreglu eða hafi siðfeðisskekkju t.d siðblindu. Þegar fjöldi starfsmanna Íslandsbanka er skoðaður er hér um að ræða allstóran hóp a.m.k. 40 manns. Þeir siðblindu komast oft ansi hátt, þannig að þeir komast auðveldega í hóp lykilstarfsmanna Íslandsbanka. Það vesta við þessa aðila er að þeir rotta sig oft saman. Hafi það gerst getur verið erfitt fyrir t.d. bankastjóra að átta sig á slíku. Hef hitt fjölda starfsmanna Íslandsbanka og enginn þeirra ásakar Birnu Einarsdóttur að hafa vitað af þeim ágöllum sem var á framkvmd sölu hlutabréfanna, eða tekið þátt í því. Hafandi unnið í bankakerfinu veit ég að slíkt getur gerst. Annars kynntist ég Birnu Einarsdóttur á mjög eftirminnanlegan hátt. Var í stjórn Íslenska Getrauna. Við framkvæmastjóraskipti vorum við að velja úr þeim sem komu til greina sem arftakar, Birna var þar á meðal. Einn úr stjórninni sagði strax, nei þetta er karlastaf, kona hefur ekkert í þetta að gera. Aðrir stjórnarmenn vildu fara yfir þá sem til greina kæmu af fagmennsku. Þetta var virkilega öflugur hópur, sem til greina kom. Við nánari skoðun og viðtöl, varð stjórnin einhuga um ráðningu einu konunnar, Birnu Einarsdóttur. Þvílíkur happafengur fyrir íþróttahreyfinguna. Hún fær algjöra toppeinkunn, rétt eins og starfsmenn Íslandsbanka gáfu henni. Birna er einstakur leiðtogi. Ég skil að hún vilji stíga til hliðar, þó ég sannfærður um að hún vissi ekki um það sem sem fór úrskeiðis og tók ekki þátt í því. Eins og búast mátti við í svona dæmum skríða populistar á Alþingi fram úr holum sínum. Úr ýmsum flokkum. Þeir vilja sjá starfslokasamninginn ....og gera hvað? Auðvitað á Birna rétt á biðlaunum, samkvæmt ráðningarsamningi. Slíkt skilja populistarnir ekki. Þórarinn Ingi Pétursson úr Framsókn. Jóhann Páll Jóhannsson úr Samfylkingu  Bryndís Haraldsdóttir úr Sjálfstæðisflokksi og  Bjarkey Olsen Gunnarsdóttir úr VG. Rétt ekki hæfileikaríkustu þingmennirnir.  Þeir eru gefa í skyn að þeir geti breytt samningum. Fráleitt! Það væri þá verkefni lögfræðinga, ef samningurinn er ekki réttur. Er það orðið nýtt hlutverk Alþingismanna að vera skoðunarmenn starfslokasaminga?    Þessir þingmenn munu allir fá biðlaun þegar þeir hætta, sem verður vonandi sem fyrst. Þátt fyrri afar dapra frammistöðu. Hverjir skoða starfslokasamninga þeirra? Populisminn grasserar á Alþingi eins og víðar. 

Hvalir, fólk og svín.

 

Var staddur út í Nurberg eins og oft áður, en þar býr fólk eiginkonu minnar, og þar býr reyndar dóttir mín líka. Á torginu við St Lorenz kirkjuna voru matar tjöld eins og alltaf, en ég var á leiðinni til Thalia bókabúðarinnar sem er þarna rétt hjá við Karolinenstraße gengur maður fram hjá tjöldum sem eru með kynningar á ýmiss konar málefnum. Að þessu sinni var hópur ungs fólks flest rétt um tvítugt, en svo var með þeim maður um fimmtugt. Ungur maður rétti mér bækling og spurði viltu láta banna hvalveiðar. Ég svaraði því til að ég væri ekki viss. Það kallaði á að að mér komu þrír til þess að sannfæra mig. Ég sagðist vera frá Íslandi, þar sem einhverjar hvalveiðar væru stundaðar. Ég var sá eini sem hafði stoppað til þess að ræða við þetta unga fólk og allt í einu var staðan sjö á móti einum. Einn af þeim gramsaði í gögnum og náði í myndir af hvalveiðum í Færeyjum. Svona gerið þið. Nei, sagði ég og þessi mynd er ekki frá Íslandi heldur frá Færeyjum. Þið drepið hvalina svona, og myndin sýndi blóðlitaðan sjóinn. Nei sagði ég það gerum við ekki. Því meira sem þau töluðu, þeim mun meira áttaði ég mig á því að þau vissu afar lítið um hvernig hvalveiðar væru stundaðar. Röksemdarfærslan var öll á tilfinningasviðinu. Minntist þegar ég var Maóisti í menntaskóla, sú helgun var líka byggð á afar litlum upplýsingum og eflaust röngum. Þegar þrýstingurinn jókst á að ég fordæmdi hvalveiðar snéri ég við blaðinu. Ok sagði ég, kaupi þetta ef þið hjálpið mér í minni baráttu í Þýskalandi. Þau hlustuðu. Jú dætur mínar fengu peningabauka frá þýsku sparisjóðunum, svín. Þær elska svín. Bóndi sem býr rétt hjá okkur er með nokkur svín  og dætur mínar elska þessi dýr. Þau eru svo skynsöm, svo falleg og síðan eru þau í hættu vegna græðgi mannanna. Þau hlustuðu af athygli. Sagði þeim frá því þegar yngri dóttir mín spurði mig með skelfingu drepur fólkið fallegu svínin. Já og borðar þau. Nei, pabbi. Ég útskýrði baráttu mína við myndum banna að drepa svínin í Þýskalandi og hleypa þeim út úr stíunum. Frelsum svínin. Leyfum þeim að ganga um göturnar og á gangstéttunum. Þetta varð mjög vandræðalegt. Ung stúlka úr hópnum sagði við mig að hún væri á móti öllu drápi á dýrum, líka fiskum. Þetta er alltaf spurningin um val. Val á því sem skiptir máli. Eigum við að velja hagsmuni hvalanna, svínanna eða mannanna. Og í hvaða rðð. Svandís Svavarsdóttir velur hagsmuni hvalanna meira en hagsmuni verkafólksins sem missti vinnuna á Vesturlandi, vegna ákvörðunar hennar. Inga Sæland velur líka hagsmuni hvalanna ofar hagsmunum verkalýðsins. Hef ákveðið að hafa hagsmuni fólksins fyrst, og síðan dýranna hvalanna og svínanna, já og Svandísar og Ingu Sæland. Dóttir mín hefði valið svínin á undan þeim vinkonum. 

Nýtt gengisbandalag?

Fyrir nokkrum árum bloggaði ég hér um upptöku á norsku krónunni. Ljóst var að Evran var ekki í boði a.m.k. á næstu árum og allt tal þar um hreinar blekkingar. Auk þess sýndist mér að þær sveiflur sem væru í gengi íslensku krónunni samsvöruðu sér mun betur með þeirri norsku en Evrunni. Það eru kostir og gallar að vera með eigin mynt og við sem þjóð eigum að skoða þá möguleika án flokkspólitískra trúarbragða. Fyrir fáum árum hitti ég gamlan kennara Árna Vilhjálmsson prófessor og við fengum okkur kaffibolla út á Kaffivagninum út á Granda. Hann sagði mér að hann hefði lesið hugleiðingar mínar með ánægju og í framhaldi af því rætt þá lausn og aðrar með nokkrum samkennurum. Þeir tóku umræðuna mun dýpra og lengra. Að mynda myntbandalag Noregs, Íslands, Færeyja, Grænlands og Skotlands. Mér fannst þessi hugmynd afbragð, og í ljósi nýjustu frétta um áhuga Skota á ESS enn áhugaverðari.

 http://www.ruv.is/frett/adild-ad-efta-freistar-skota

Blindu mennirnir lýsa fílnum!

Skynjun okkar mannskepnunarinnar er svo takmörkuð að henni hefur verið lýst með dæmisögunni af blindu mönnunum sem lýstu fílnum. Snerting þeirra mótaði sýn þeirra á fílnum hvort sem hún var á rananum, fótunum, eyrunum, fílabeini eða öðrum líkamshlutum. Viðtalið sem þar sem laganemarnir ungu sem heimsóttu Norður Kóreu lýsa upplifun sinni, útskýrir fyrir okkur líka hvernig fólk í gegnum árin upplifði og lýstu fyrir öðrum hvað það sá, en ekki síður það sem það sá ekki. 

Hér eftir eigum við ekki bara lýsingu blindu mannanna, heldur líka ungu lögfræðinemanna sem fóru til Norður Kóreu. Í þeirra augum var skynjun alls heimsins á Norður Kóreu röng, þeir höfðu jú verið þar, þó undir strangri gæslu væri!

  

Alveg bannað að krumpa foringjann

Knattspyrnuveilsan í kvöld!

Íslensk knattspyrna er á uppleið og leikur Stjörnunnar gegn Inter Milan  á San Siro. Það er uppskera knattspyrnunnar á Íslandi í ár og það er góð uppskera.  Það er með ólíkindum hversu vel félögin hérlendis hafa haldið sinni stefnu, þrátt fyrir efnahagshrun, og hversu mikil gæði knattspyrunnar er. Í ár var gert ráð fyrir fimm liðum sem myndu berjast um titilinn, sem segir um breiddina. FH hefur verið leiðandi undanfarin ár með KR ekki langt undan, og nú bætist Stjarnan í hópinn. Val og Breiðablik var spáð góðu gengi, en það hefur því miður verið skrykkjótt í ár, Víkingur og Keflavík hafa í staðinn komið sterk inn.

Stjarnan er ekki að spila í dag til þess að slá Inter Milan út, það besta sem gæti gerst er að liðið spili sinn bolta og fari ekki út í að spila stífan sóknarbolta, né að leggjast allir í vörn. Í fyrri leiknum kom fljótlega fram veikleiki vinstra megin í vörninni, sem  kostaði m.a. fyrsta og þriðja markið í síðasta leik. Í þessu hefur örugglega verið unnið.

Með leiknum í kvöld, hver svo sem úrslitin eru, eru íslensku félögin og KSÍ hafa skilað starfi, sem  kallar á virðingu. 

Allir vilja spila á San Síró

Litla félagið með stóra hjartað!

Í dag er stór dagur í íslenskri knattspyrnusögu. Stjarnan tekur á  móti Inter Milan. Í sögulegu tilliti er Stjarnan ungt félag stofnað 1960. 1983 var liðið í neðstu deild og þá var ákveðið að stefna uppávið.  Á þessum árum var félagið nú ekki mjög sterkt. Minnist þess eitt árið að þá hafði verið ákveðið að 6 flokkur fengi að fara á Tommamótið i Eyjum, sem nú heitir Skeljungsmótið. Stjórnin var mjög veik og þjálfarinn ákvað að nenna ekki að fara til Eyja. Þá komu til mín afar daprir strákar og ég féllst á að fara með þá til Eyja. Það voru ekki til neinir búningar, en mér sagt að þeir yrðu til fyrir mótið og kæmu með flugi. Undirmeðvitundin sagði mér að fara niður í Stjörnuheimili og safna saman öllum gömlum búningum og taka með til vonar og vara. Þeir búningar voru af misjöfnum stærðum og lit, og með mismunandi auglýsingum. Það fór svo að engir komu búningarnir og þarna spiluðum við í ,,fjölbreyttum“ búningum með auglýsingum frá Garða Héðni, Fálkanum, Frigg, og Sjóvá. Það var gaman í Eyjum eins og alltaf, og strákarnir stóðu sig eins og hetjur.  Það voru allir stoltir af góðum árangri í Eyjum.  Þegar heim var komið fundaði ég með foreldrum og helstu forráðamönnum. Ég sagði frá ferðinni og leikjunum, en svo sagði ég þeim frá því að eftir  hátíðarkvöldið í Eyjum hafi  strákarnir komið til mín og sagt við mig. ,, Veistu hvað strákarnir eru að spyrja okkur?  Jú, hvort við séum svo fátæk í Garðabænum að við höfum ekki efni á að eiga alvöru búninga".

Í næsta leik voru það mjög  stoltir strákar sem gengu til leiks í stórglæsilegum búningum, sem sá eðalmaður Páll Bragason í Fálkanum hafði komið með færandi hendi.

Þetta eru strákarnir í Silfurskeiðinni, með alsnægtirnar, sem við sem að komum, fréttum um af afspurn.

Í dag er tíminn til þess að njóta. Þeir Rúnar Páll og Brynjar Björn mundu stýra strákunum á móti einu öflugasta liði heims, það er bara tími til þess að njóta. Til hamingju með daginn. 

 

 

 

Margir sem styðja Stjörnuna (Myndband)

Brynjar Nielsson sem dómsmálaráðherra!

Vonandi er tími fagmennsku gengin í garð. Þar sem þeir bestu eru valdir í störf í stað annarra sjónarmiða. Nýlega var Már Guðmundsson ráðinn sem Seðlabankastjóri. Held að fáir dragi fagmennsku hans í efa, þó kusk hafi fallið á hvítflibbann, þegar hann þáði styrk til þess að greiða dómskostnað sinn úr sjóðum Seðlabankans. Samþykkt  lá ekki fyrir í bankastjórn Seðlabankans um það mál.  Í síðustu ríkisstjórn var valin sú leið til þess að velja sem hæfustu ráðherranna að fá utanþingsfólk að hluta sem ráðherra. Ragna Árnadóttir varð dómsmálaráðherra og Gylfi Magnússon viðskiptaráðherra. Bæði voru vinsæl sem ráðherrar og farsæl, þrátt fyrir að Gylfi setti nokkuð niður þegar kom að Icesavesamningum. Í þingliði síðustu var þó afburðafólki haldið frá ráðherrastólunum, þar sem þingmennirnir hefðu skyggt á formenn stjórnarflokkana, þingmenn eins og Atli Gíslason og Lilja Mósesdóttir. Þekking þeirra, reynsla og hæfni hefði á nokkurs efa getað skilað okkur betri niðurstöðu en síðasta ríkisstjórn skilaði. 

Það er hárrétt ákvörðun hjá Hönnu Birnu Kristjánsdóttur að óska eftir því að dómsmálahluti innanríkisráðuneytisins verði færður öðrum, a.m.k. á meðan mál er í gangi gegn fyrrum aðstoðarmanni hennar. Auðvitað getur Bjarni Benediktsson tekið það að sér og myndi skila því verki með sóma. Hins vegar er hann með það stór og mikilvæg verkefni að óráðlegt er að bæta dómsmálaráðuneytinu við þau verkefni. Í þingliði stjórnarflokkanna er toppmaður til þess að fara með málaflokkinn. 

Brynjar Níelsson hefur mikla reynslu og þekkingu á málaflokknum og myndi skila þess hlutverki með einstakri prýði. Hann hefur kjark  og getu til þess að stuðla að breytingum til þess að gera gott samfélag enn betra.  

Sigmundur fellst á beiðni Hönnu Birnu

Tvískinningur í neytendamálum.

Í kvöld fjallaði Stöð 2 um landbúnaðarmál. Það lofaði ekki góðu þegar fyrrum framkvæmdastjóri samfylkingarinnar Heimir Már Pétursson leiddi fréttina. Heimir byrjaði að segja okkur að formaður þingflokks Framsóknarflokksins héldi því fram að sumt kjöt gæti reynst Íslendingum hættulegt! 

Nú er það svo að allnokkuð er flutt inn af frosnu kjöti, en ferskt kjöt má ekki flytja inn. Nú spurði ég í hóp fagmanna á matvælasviði út í þetta bann, og varð talsvert vísari. Væri áhugavert að fjölmiðlar myndu upplýsa okkur neytendur vel um hvað sérfræðingar óttast með innflutningi á fersku kjöti.

Til þess að kóróna fréttaflutninginn var fenginn helsti óvinur neytenda á Íslandi, formaður sjálfra Neytendasamtakanna sem virðist eiga þá ósk heitasta  að verða sjálfdauður í embætti.  Hann byrjar að gagnrýna með fullum rétti að merkja þurfi upprunaland þess kjöts sem selt er. Hins vegar slær út í fyrir honum þegar hann fer að tala um innflutning á fersku kjöti, og reynir að koma því inn hjá áhorendum að til standi að flytja inn fersk kjöt frá Bandaríkjunum en ekki Evrópu. 

Langt skal seilst til þess að koma höggi á pólitíska andstæðinga! 

Ættfræði og íþróttalýsingar

Fyrir nokkrum árum kynntist ég braselíubúa (braselíana). Hann bjó hérlendis í nokkur ár. Knattspyrnan var í blóðinu hjá honum rétt eins og tangóinn, og sambatónlistin. Fljótlega eftir að hann kom ákváðu einhverjir stríðnir að líkja eftir knattspyrnulýsingum þeirra frá Suður Ameríku. Goool var spangólað með mikilli ástríðu. Hann glotti og sagði sallarólegur að hvert land hefði sína sérstöðu. Hjá þeim væri það spangólið, en hér væri það ættfræðin. Þessu var nú ekki sérlega vel tekið af landanum og hann spurður hvort hann gerði virkileg athugasemdir við Bjarna Fel og aðra íþróttafréttamenn. Hann svaraði í miðri knattspyrnulýsingu, hlustið:

Við heyrðum, þulinn telja upp nöfn þeirra sem fengu boltann hverju sinni, og hvort boltinn færi í horn, innkast eða dæmt var fríspark, rétt eins og við sæjum það ekki sjálfir. 

Við sem höfum dvalið langtímum erlendis, þekkjum annars konar íþróttalýsingu eins og í Bretlandi eða Þýskalandi. Þá hefur íþróttafréttamaðurinn faglega þekkingu á íþróttinni, sem er afskaplega gagnlegt rétt eins og að það gagnast fréttamanni sem fjallar um efnahagsmál að vita eitthvað um efnahagsmál sjálfur.

Við erum enn sem komið er ekki efni á að koma okkur upp slíkum þulum t.d. í knattspyrnu. Það er vissulega áhugavert að hlusta á menn eins og Heimi Hallgrímsson, Gunnleif Gunnleifsson og Guðna Bergsson í hálfleik eða eftir leik og þá koma oft á tíðum góðir og gagnlegir punktar.

Þangað til verðum við að sætta okkur við að við eigum nokkuð í land að ná okkur eftir hrunið og þeir sem vilja meira en það sem boðið er uppá, geta horft á erlendar stöðvar.  

Krul: Sagði þeim að ég vissi hvar þeir myndu skjóta

Ábyrgð og siðferðilegt mat.

Góð laun í starfi eru oft réttlæt með að starfinu fylgi svo mikil ábyrgð. Yfirmaður getur oft haft afgerandi áhrif og því fyllilega réttlætanlegt að taka tillit til þess varðandi launagreiðslur. Slíkum störfum fylgir líka krafa um siðferðilega ábyrgð. Á þetta reynir fyrst og fremst þegar eitthvað fer úrskeiðis. Þá vill oft vera að yfirmaðurinn telur algjöran óþarfa að nefna þessa ábyrgð. 

Þegar Már Guðmundsson fer í mál við Seðlabankann út af launadeilu á hann að vita að því fylgir áhætta. Hann getur unnið málið, en hann getur líka tapað því. Ef hann verður fyrir kostnaði af þessum sökum þá er það algjörlega hans mál. Ef hann lætur Seðlabankann borga slíkan kostnað er hann að bregðast því trausti sem til hans er borið og þeirri ábyrgð sem á hans herðar eru settar. Þá skiptir engum máli í hvaða trúfélagi hann er, með hvaða knattspyrnuliði hann ákveður að styðja eða hverjar stjórnmálaskoðanir hann hefur. Hann er óhæfur. Sjái hann ekki sóma sinn í því að taka pokann sinn, verða aðrir að sjá til þess að hann geri það. 

Óskaði eftir endurgreiðslu